Mathiu 15 - Nakaran ut te Jesu Kristo 1902

¹ An netakarua to Iesu Farisi min mene nerem kamatikun kamasipe le Jerusalem, mamani, mama,

² Retol tam ieremim min kamaipas netikunan iroas te nerem asul? Mero in ka kasaitauiluman le nelimin ilar to nikinan bred.

³ Mero neteraram meni to ilar, Retol kamiar mun nakamaipas nowa Wuhgin mero in ka netikunan iroas temiar?

⁴ Mero in ka Wuhgin rameni, Ik nakamsiai remam mene inam, an, Ierem terakar tat kam remin wa inen pas remis aken.

⁵ Mero kamiar nakani, Ierem tereni to remin wa inen, Nar tenakos tonio tokofen kam Wuhgin.

⁶ Ierem terapas nesiaian remin, an nakameitaken nowa Wuhgin le netikunan iroas temiar.

⁷ Kamiar nerem nakamaiusit kamiar, Aiseia rameni parhien le kamiar moma,

⁸ Nerem uk remsiai io le hnulin ilar, Mero nekin ilar isou tonio.

⁹ Mero kamehwak apnapin kam io, Mamatikun le netikunan nowa neremin.

¹⁰ An neteraunin nahuto mameni to ilar, Airo marhinatin.

¹¹ Resolan moma nar rakavan le nepag nowa til rametake tils; mero nar rakamier le nepag nowa til in uk rametake til.

¹² An tan ieremim min netakarua mamani ton, Ik nakhinatin moma Farisi min kamarol niehma kam ik mero in ka kamairo nakaran ka wa kapa?

¹³ Mero neteraram meni, moma, Nik min Tata le neai remeshaun takapevit.

¹⁴ Aipas ilar. Ilar netikun nemrin ilar rou; an takama iemnou terir iemnou ilau kiten mopuam pen le nimil.

¹⁵ An Piter neteraram menipen ton, Ani to kamar hnoan nakaran ka.

¹⁶ An netereni, Kamiar mene nakamatiktik nar towe mene?

¹⁷ Nakasarhinatin nar rakavan le nepag nowa til makavan le netipun makamier mun.

¹⁸ Mero nar rakamier le nepag nowa til remsipe le nepag nowa til remsipe le nekitil, an nar uk rametake til.

¹⁹ Mero in ka ramier le nekitil nar retat nekitil rakahmo, hnoa til, tehwaga tat le beravin wa ieruman te ierapusen, tehwaga tat le beravin ramamavan am, nakhlean, neweian, nakartetan kam Wuhgin.

²⁰ Naremnar min uk nar rametake ieremim, mero naugan apnapinan mesaitauiluman le nelimin resetakenan ieremim.

²¹ An Iesu neterier iken neteruan le ten i Tair mene Saidon.

²² An ahm ru, beravin i Kenan neterier le ten ka mamasak apam mameni, Asitu lak, Ieremera Neri Devid, neruk beresuas ramos nahmean asul le nanumun tat.

²³ Mero resaraman meni nar ker ton. An tan ieremim min netakarua mehrapuk ton, moma, Halita ra, mero in ka rasak mamoatisig.

²⁴ Mero netararam meni, Kameshalipean io mero in ka to ship kamalue te nerem Israel.

²⁵ Mero neterua mohwak kam in meni, moma, Ieremera, asitu lak.

²⁶ An neteraram meni, Resmatuan moma tokos bred te kova kalakpen in kam kuri.

²⁷ Mero netereni, Nuparhien, Ieremera, mero kuri mun kamarkin nemusmusin nauganan ramesas le tebel te neremera tenilar.

²⁸ An Iesu neteraram menipen ton, beravin, nuparhienan taham ribor; kenol kam ik nar nakolkeikei. An nerin beresuas kamol ut loanian ka.

²⁹ An Iesu neterier iken, neterua iwaket to tehe i Kalili, neteret le touar mamowata iken.

³⁰ An netakarua ton nahuto puk ahen, netakarpuk marua ton nerem katiktik naliwakan, mene nerem nemrin ilar rou, mene nerem katiktik nakaran, mene nerem nelikin ilar retat, mene nevin mun ribor, an netakahituk ilar le nelikin; an neterol ut ilar.

³¹ An nahuto netakamaisak mero in ka kaihm nerem katiktik nakaran kamekar, an nerem nelimin ilar retat kenol ut ilar, an nerem katiktik naliwakan kamailiwak, an nerem nemrin ilar rou kamaihm nar; an netakamani vivi Wuhgin te Israel.

³² An Iesu neteraunin tan ieremim min netereni, Nekiuk rahmapuk to nahuto, mero in ka kenairik lak nian kisil an nar takarkin rika. An iesolkeikeian moma tiakhalita ilar kaimek to suewe roho ilar le suata.

³³ An tan ieremim min netakani ton, Petuan tiakaros bred ribor leluan takaugan nahutopuk lan.

³⁴ An Iesu netereni to ilar, bred kuhu nakaros? Netakani, mama, Katilum mekiu, an nam asuas nevin.

³⁵ An netereni to nahuto moma takaiwata le nemapten.

³⁶ An neteros bred katilum mekiu mene nam, an neterohwak, an neteramerkahl, neteramofen kam tan ieremim min, an tan ieremim min netakarofen kam nahuto.

³⁷ An ilar muka netarkarkin, marhepus; netakarosit nemusmusin ierem kamaipas le karam katilum mekiu ret.

³⁸ An nerem kamarkin ilar 4,000 neremim, an kasahwinan nerberavin mene nowasuas.

³⁹ Neterhalita nahuto, neteruan le bot, netakarua le ten Makadan.