Mathiu 14 - Nakaran ut te Jesu Kristo 1902

¹ Loanian ka Herod ieremera ramero nausitoan le Iesu.

² An netereni to nolatkokun nar tahan, In uk Jon ierem ramol nebaptisoan reknenermig le neki nerem kamaremis; an nesanenan min uk ramamol nar lan.

³ Mero in ka Herod remhiapatin Jon an melis an mofen le nimwa iakis mero in ka Herodias nuain pian Filip.

⁴ Mero in ka Jon rameni ton, Resmatuan moma tenekir in.

⁵ An rama terho mero ragnin nahuto mero in ka kamani mama in profeta.

⁶ Mero nian ut te Herod neterua, an beresuas neri Herodias neteramako le nekin ilar mol ut neki Herod.

⁷ An netereni ton le noannavel moma terofen kam in nar terehrapkin.

⁸ Mero inen reknemenita, an netereni, Ofa kam io ikenuk tenkapa Jon ierem ramol nebaptisoan le nevige nar.

⁹ An ieremera nekin neteramtat, mero, mero in ka ramos noanavel ton, an mero in ka nerem kamamaiwata mamarugan ilar min, rameni moma tokofen.

¹⁰ An neterhalita ieremim rerakru tenkapa Jon le nimwa iakis.

¹¹ An tenkapa netakos kava le nevigen nar, kofen kam beresuas, neteros mua to inen.

¹² An tan ieremimin netakarua maros nubalakin maruan marenum. Netakarua mani to Iesu.

¹³ An Iesu neterero neterier iken le bot muan to nar leluan ilar pusenam. An nahuto netakairo netakaiuatisig in maribat iken le nauanu min.

¹⁴ An neterier mahm nahuto ribor, an nekin neteramahma to ilar, an neteramol ut nerem kamaremis tenliar.

¹⁵ An lehnaiu neterua an tan ieremim min netakarua ton mani, Leluan uk, an nian reknua muan ita; halita nahuto min moma takaruan le nauanu min maros nemrin nauganan tenilar.

¹⁶ Mero Iesu netereni to ilar, kasanian moma takamaruan, kamiar arofen nar karkin.

¹⁷ Netakani ton, iesarosan nar ietuk mero in am bred katilum mene nam kiu.

¹⁸ An netereni, Aros ilar marua ietuk tonio.

¹⁹ Netereni to nahuto moma takaiwata le numan nar, neteros bred katilum mene nam kiu, neteretaget le neai an mohwak; an netererkahl bred an mofen kam tan ieremim min, an tan ieremim netakarofen kam nahuto.

²⁰ An ilar min netakarugan marhepus; netakaiuiak nemusmusin ierem kamaipas karam katilum katilum mekiu ret.

²¹ An nerem kamarugan ilar 5,000 neremim, an beravin mene nowasuas kasahwinan ilar.

²² An ihwe am neterhalipen tan iremim min le bot moma takaiupan maruan le ten levinpen, an in neterhalita nahuto min.

²³ An neterhalita nahuto, an neteret muan le touar in pusen am moma terahwak. An lehnaiu rava in pusen am iken.

²⁴ Mero bot ramemai ilukan le tami tehe, an tehe ramakahmo, mero in ka rametik etuatu nemetag.

²⁵ An loaperimianan rava to ilar mamaliwak le tami tehe.

²⁶ An tan ieremim min kamaihm in ramaliwak le tami tehe, tipil neterakahmo ilar, netakani, mama, Nanumutil. Netakamaisak apam le naginan.

²⁷ Mero ihwe am Iesu neterakar pen to ilar meni, moma, Aigien, io apa, asariginan.

²⁸ An Piter neteraram meni pen ton, moma, Ieremera, takama ik, ani tonio moma tiakuna tonik le tehe.

²⁹ An netereni, Ua. An Piter neteratite le bot an maliwak le tehe moma teruan to Iesu.

³⁰ Mero neterahm nemetag neterakamagin; an netererwowun mamamunum, neterasak apam, moma, Ieremera, os miuh io.

³¹ An ihwe am Iesu neterhwatuin nelimin an mehiapatin in, netereni ton, Ik nuparhienan taham resuas aken, retol nesenian nuparhienan?

³² An netukuat le bot, an nemetag neteram.

³³ An neremim le bot netahamehwak kam in, mamani, mama, Nuparhien ik Neri Wuhgin.

³⁴ Netakaisuafugen marua to ten Kenesaret.

³⁵ An neremim le ten ka kenarhinatin in netakahilipen le ten iken min petum, an netakarpuk marua ton nerem kamaremis.

³⁶ An netakaihrapuk ton mama takariap am nuhiefin nar rakava lan; an nerem kameriap kenol ut ilar.