Mark 7 - Nakaran ut te Jesu Kristo 1902

¹ An Farisi min mene nerem kamatikun nevin netakarhwafugen ton, nerem kamasipen Jerusalem,

² Mamaihm tan ieremim min nevin mama kamarkin bred le melimin ilar apnapen am, in ka kasaitauiluman.

³ Mero in ka Farisi min mene Ju min etahun takama kasaitauiluman nelimin ilar le nian min kasaruganan; mamarol nowa te nerem asul.

⁴ An kasipen imaim takama kasaitauiluman kasaruganan; mene naremnar min nevin mun ilar kamaros to nolan, hnapelan kap mene nevigenar mene nevige bras mene nihmawa min.

⁵ An Farisi min mene nerem kamatikun netakaihrapuk ton, Retol taham ieremim min kasaivanan le nowa taha nerem asul, mero kamarkin bred le nelimin ilar apnapen am?

⁶ An netereni to ilar, Aiseia rameni parhien le kamiar nerem nakamaiusit kamiar, rolkoma kamrai, Nerem uk kameikar vi kam io le hnulin ilar, Mero nekin ilar isou tonio.

⁷ Mero kameihwak apnapen am kam io, Mamatikun nowa te neremim le netikunan tenilar.

⁸ Neknaipas nowa Wuhgin mamarol nowa neremim.

⁹ An netereni to ilar, Nuparhien nakamaipas nowa Wuhgin mama tenakarol nowa temiar.

¹⁰ Mero in ka Moses rameni, Teneksiai remam mene inam, mene Ierem teraker tat kam remin wa inen pas remis parhien.

¹¹ Mero kamiar nakamani, Takama ieremim ker tereni to remin wa inen, Nar tenepos tonio Korban, nar kameni mok Ian Kenofen kam Wuhgin,

¹² Nesaipasan in rol mun nar ker kam remin wa inen,

¹³ Mamaitag nowa Wuhgin le nowa temiar, ierem neknarofen; an naremnar min rapus nakamarol mok lan.

¹⁴ An neteraunin mun nahuto ton, mameni to ilar, Aiteleg kam io, kamiar muka, marhinatin.

¹⁵ Resolan moma nar ker ilua le ieremim ierem ruan le netipun resanen to netakenan in, mero nar min ieremin min kamarier le neki ieremim ilar uk kamaitaken ieremim.

¹⁶ Ierem ramos nepagtelegen to nerouan, pas rerou.

¹⁷ An neterua imwa mapas nahuto, an tan ieremim min netakaihrapuk ton to hnoa nakaran.

¹⁸ An netereni to ilar, Kamiar mun nakatiktik? Nakasarhinatinan mama nar ilua ierem ravan le netipu ieremim resesanenan to netakenan,

¹⁹ Mero in ka resuenan le nekin mero le netipun makamier mun lemehnamera. (Rameni nar uk) mahmapel naunganan min petum.

²⁰ An netereni, Nar rakamier le ieremim in rametaken ieremim.

²¹ Mero in ka remsipe imwa le neki ieremim nar nekitil rakahmo min retat, tehwaga tat le neberavin mene naman, nakihlean,

²² Hnoatil, tehwaga tat la berevin te ierapusen, nolkeikeipukan nar te ierapusen, tehwaga tat min, neiwean, nolkeikeian tehwaga tat, nemrin retat, nakartetan, nolasulan nekin, netiktikan nar.

²³ Naremnar min retat uk rakamsipe le nekin mametaken ieremim.

²⁴ An neterermig iken, neteramavan le nepag nemri ten Tair mene Saidon. An neteruan le nimwa ker neterolkeikei moma ieremim ker tereshinatinan, mero riakis ton moma teremelaken.

²⁵ Mero ihwe am beravin ker, ierem nanumun tat ramarik le nerin beresuas, netereterou in neterua mam le nelikin.

²⁶ An beravin ierem Krik, neraman Sairofenisia. An netererhapuk ton moma terhaliatou nanumun tat le nerin beresuas.

²⁷ An netereni ton, Pas kova min kaiupan marhepus; mero in ka resevitan moma tokos bred taha kova min melakpen in kam kuri min.

²⁸ Mero neteraram mameni ton, Nuparthien, Ieremera, mero kuri min lahau te tebel kamarkin nemusmusi bred taha Kova min.

²⁹ An netereni ton, Mero in ka le nakaran uk, uan, nanumun tat reknier le nerum beresuas.

³⁰ An neteruan le nimwa tahan, neterahm beresuas rakamel le nihmawa, an nanumun tat reknier.

³¹ An neterier mun le nepagnemri ten Tair, neterua mier Saidon, mier pa le tehe Kalili, neterua mier le neki nepag nemri ten Dekapolis.

³² An netakaros ieremim ker marua ton nepagtelegen ralu an rakar mepkapuk, netakamaikeikei kam in mama terehlau nelimin lan.

³³ An neteririta in to nahuto ilau pusen am, neterofen nowanelimin le nepagtelegen, an neteragh mamiap namin.

³⁴ An neteretaget le neai mamigahl; an netereni ton, Efatha, nar kameni mok, pas tapetita ik.

³⁵ An nepagtelegen kenetita, an nar ramelis namin rikneris, an neteramakar ut.

³⁶ An netereni hmahma to ilar moma tesanian to nar ker; mero rolkoma ramenhiau to ilar hol mok lan ilar kapamani asul aken ena.

³⁷ An nanumun ilar neterakamuka aken, netakani, Reknol naremnar min ravit am, ramol nerem nepagtelegen ilar ralu kamairou nar, an nerem katiktik nakaran amol kameikar.