Mark 5 - Nakaran ut te Jesu Kristo 1902

¹ An netakarua le neutai tehe le ten te nerem Kadara.

² An netereukatou le bot, an ihwe am ieremim ker nanumun tat ramarik lan neterier iken kamrenumar iken mamail tosig in.

³ Ierem ramarik ena iken kamrenumar iken. An ieremim ker to reselisan mun, resolan moma le tshen.

⁴ Mero in ka kamelis kisimatu kisimatu le airon mene tshen, an ramerakru tshen, muhwasesin airon, an ieremim ker to resenhiauan in.

⁵ An le nian min lapin mene le nian mene iken kamrenumar iken mene le towar min ramamasak mamerai atu in le kapiel.

⁶ An neterahm Iesu isou aken, neteraietkin mamohwak kam in.

⁷ An neterasak le nakarapahman mameni, Netiakuatol ik, Iesu Neri Wuhgin iles aken? Tiakakeikei kam ik le netige Wuhgin moma tenesolan nahmean kam io.

⁸ Mero in ka rameni ton, Ier le ieremim, ik nanumun tat.

⁹ An netererhapuk ton, Pehe netigam? An netereni ton, Netigok ka Lijon, mero in ka kamar nahuto.

¹⁰ Neteramakeikei hmahma kam in moma tereshaliatouan ilar le ten ka.

¹¹ An nahuto puk le nepukas kamemarugan iken le nikali towar.

¹² An netakamaikeikei kam in, mamani, Halipen kamar to nepukas moma tiakaruan le ilar.

¹³ An neteruata le ilar. An nanumun tat min netakarier, netakaruan to nepukas, an numani nepukas netakari etuatu to nekilhi nar maruan le tehe, ilar 2,000, maimunum petum le tehe.

¹⁴ An nerem kamemaiugen ilar netakaikam mamani lauanu mene le ten. An netakarua mama takaihm nar kenol.

¹⁵ An netakarua to Iesu, netakaihm ieremim ramowata, ierem nanumun tat min kamemairik lan, rekneviu an nekin reknavit, ierem Lijon kamemairik lan, an netakamarigen.

¹⁶ An nerem kamemaihm netakamani to ilar mama kenetol le ierem nanumun tat min kamemairik lan, mene le nepukas.

¹⁷ An netakarwowun mamaikeikei kam in mama terier le nepagnemri ten tenilar.

¹⁸ An neterakavan le bot, an ierem manumun tat ramemarik lan neteramakeikei kam in moma ilau min.

¹⁹ An neterenhiau in mero netereni ton, Uan le taham nimwa mene to neramam, mamausito in kam ilar narepuk min Ieremera reknol kam ik, an moma ramasak in ik.

²⁰ An neteruan, an netererwowun mameni Dekapolis narepuk min Iesu ramol lan, an neremim petum nanumun ilar neterakamuka.

²¹ Iesu neterasua meukafugen mun le bot le neutai tehe, an nahuto puk netakarhwafugen ilar min ton, an rememail le nikali tehe.

²² An ieremera ker le nimwa ahwak neterua, netigen Jeras, an neterahm in neteram le nelikin,

²³ An neteramakeikei hmahma kam in, mameni moma, Neruk beresuas neteremis, tiakakeikei kam ik moma tenekua mehlaupen nelimam lan moma teremiuh mamarik.

²⁴ An neteruan ilau min. An nahuto puk netakairoupen in, an netakamarhiuatin in.

²⁵ An beravin nitan ramaih le nu katilum katilum mekiu,

²⁶ An ramamerou nahmean ribor le doktor nevin, an ramamaurai petum nauta tahan, an kasolutan, mero nemisan neteribor aken.

²⁷ An netererou nar le Iesu, neterua le nahuto oatisig neteriap nar rakava lan tahan.

²⁸ Mero in ka netereni, moma, To iepiap am nar rakava lan tapos miuh io.

²⁹ An ihwe am naian in nitan neteremet, an netererou le nubalakin moma kenol ut le netetan tahan.

³⁰ An ihwe am Iesu netererou le nekin moma nesanenan reknier lan. An neterhwin le nahuto mameni, Pehe remiap nar iakava lan?

³¹ An tan ieremim min netakani ton, Ik nakamahm nahuto kamarhiu ik, an tenakani, Pehe remiap io?

³² An neteramatikoatiko moma terahm ierem ramol nar uk.

³³ Mero beravin neteragen mametamnuman, mero in ka rhinatin nar kenol lan, an neterua mam le nemrin mameni nuparhienan petum ton.

³⁴ An netereni ton, Neruk, nuparhienan taham reknol ut ik, uan le nemelinuan, an pas tapol ut ik le netetan taham.

³⁵ An ramamakar ena, an netakasipen le nimwa te ieremera le nimwa ahwak, mamani, mama, Nerum reknemis, retol nakamol nalkutan mun kam Ieremera?

³⁶ Mero Iesu neteresetetelegan in nakaran kameni, netereni to ieremera le nimwa ahwak,

³⁷ Asaginan, ani am nuparhienan. An remespasen ker rameroupen ilau min, mero in am ka Piter mene Jems mene Jon, nohra Jems.

³⁸ An netakarua le nimwa te ieremera le nimwa ahwak, an neterahm nakarouloulan, mene nevin kamaisak an mamaisak apahm.

³⁹ An neteruan imwa mameni to ilar, Retol nakamaikar ouloul mamaisak? Kova resemisan mero ramapul.

⁴⁰ An netakamalhiapninepus in; mero in neterhaliatou petum ilar, neterir am remi kova mene inen mene ierem ihlel kahmairoupen in, an neteruan iken kova rakamel iken.

⁴¹ An neteros nelimi beresuas, netereni ton, Talitha kumi, ierem takahlaupen le nakaran uk, Beresuas, tiakani tonik, armig.

⁴² An ihwe am beresuas neterermig mamaliwak, mero in ka ramibor le nu katilum katilum mekiu. An ihwe am netakamaisak le nasakan asul.

⁴³ Netereni hmahma to ilar moma ieremim ker tereshinatinan nar uk, an netereni moma tokofen kam in nar ker rikin.