Mark 3 - Nakaran ut te Jesu Kristo 1902

¹ An neteruan mun le nimwa ahwak; an ieremim ker iken nelimin ravava.

² An netakamaihmena in mama terepol ut in le nian ausim wa kapa, mama takaitat in.

³ An netereni to ieremim ka nelimin ravava, moma, Armig le nelukin.

⁴ An netereni to ilar, Rematu tokol ut nar le nian ausim wa tokol ouloul? Tokos miuh wa tukhwapnin? Mero netesaikaran.

⁵ An neteramahmena ilar le niehma, mero in ka nekin ramahma to nekin ilar riakis, netereni to ieremim, Hwatuin nelimam; an neterhwatuin, an nelimin kenol ut.

⁶ An Farisi min netakarier, an ihwe am netakaikar ton ilar neremim te Herod mama takatuahro.

⁷ An Iesu netereleleg pen mun ihre ilar tan iremim min; an nahuto puk le Kalili netakairoupen, mene le Judia,

⁸ Mene le Jerusalem mene le Idiumia mene le televinpen le Jordan, mene iken min Tair mene Saidon, nahuto puk aken, netakairou narepuk min ramol netakarua ton.

⁹ An netereni to tan ieremim min moma bot asuas terametanin in mero in ka le nahuto moma tesarhiuapninan in.

¹⁰ Mero in ka ramol ut ilar rapus, an nerem kamaros netetan netakaram pen lan mama takariap in.

¹¹ An nanumun tat min netakaihm in netakaram le nemrin, mamaisak mamani, mama, Ik Neri Wuhgin.

¹² An neterenhiau aken ilar moma tesaniapuan in.

¹³ An neteret le towar neteraunin ierem min in atu rolkeikei ilar, netakarua ton.

¹⁴ An neterol ilar katilum katilum mekiu, ierem min ramhin netig kam ilar moma apostelo min, moma takamairik ilar min, an moma terhailiatou ilar to netikunan,

¹⁵ Mene to nosan nesanenan to hnaliatouan nanumun tat min.

¹⁶ An neterol ilar katilum katilum mekiu an neterhin netig kam Saimon moma Piter,

¹⁷ Mene Jems neri Sebedi mene Jon nohra Jems, an neterhin netig kam ilau moma Boanerjes, ierem kameni mok lan, Nereri Kalualua,

¹⁸ Mene Andru, mene Filip, mene Bartholomiu, mene Mathiu, mene Tomas, mene Jems neri Alfias, mene Thadius, mene Saimon ierem Kenan,

¹⁹ Mene Judas Iskariot, ierem ramaurai in.

²⁰ An neterua imwa. An nahuto netakarhwafugen mun, moma riakis to ilar moma takarkin bred.

²¹ An taniel min netakairou, netakarier mama takarhiapatin in, mero in ka netakani mama rakamalmel.

²² An nerem kamatikun, nerem kamasipen Jerusalem maitite marua, netakani, mama, Ramos Beelsebab, an, Le ieremera te nanumun tat min rahmaliatou manumun tat min.

²³ An neteraunin ilar ton, netereni to ilar le hnoa nakaran min, Setan teretua hmaliatou Setan?

²⁴ An takama niko kenotaprai atu riakis to niko ka moma terail.

²⁵ An takama nimwa kenotaprai atu riakis to nimwa ka moma terail.

²⁶ An takama Setan terepermig atu ton mepotaprai, riakis ton moma terail, mero terepuka

²⁷ Mero riakis to ieremim ker moma teruan le nimwa te ierem ausikausik mametaken tahan nauta, takama resaupanan melis ierem ausikausik, an terepoatisig metaken nimwa tahan.

²⁸ Nuparhien tiakani to kamiar moma tehwaga tat min taposita to nereri neremim mene nakartetan le Wuhgin ilar kamani;

²⁹ Mero ierem terepakar tat kam Nanumun Ausim tepesositean tehwaga tat tahan le nowa nu min, mero reknol tehwaga tat lilen.

³⁰ Mero in ka kamani, Ramos nanumun tat.

³¹ An inen mene pian netakarua netakailil ilua mahil ruan ton mamaiunin in.

³² An nahuto kamamaiwata elauelau in netakani ton, Ahm ru, inam mene piam min ilua kamaitkoigen ik.

³³ An neteraram to ilar meni, Pehe iama mene piak min?

³⁴ An neteramahmena nerem kamaiwata elauelau in, netereni, Aihm ru, iama mene piak min.

³⁵ Mero in ka ierem terol nowa te Wuhgin, in piak mene noinuk mene iama.