Mark 11 - Nakaran ut te Jesu Kristo 1902

¹ An netakarua iwaket to Jerusalem to Bethpej mene Bethani le Towar Oliv min; an neterhalita tan ieremim mil kiu,

² An netereni to ilau, Iavan to nauanu etuatu to kamilau, an ihwe am nekiava lauanu tenepuahm as asuas kameruatin, ierem ieremim ker ramesowatean lan; iarisin miair miava.

³ An takma ieremim ker tereni to kmilau, Nakamiaol nar un tona? Tenukuani, Ieremera rolkeikei in. An ihwe am terefhalipa mun ikenuk.

⁴ An netikiavan muahm as asuas kameruatin le nausilua ilua le suatu. An netikiarisin in.

⁵ An nevin le nerem kamailil iken netakani to ilau, Neta un nakamiaol mamiarisin as asuas?

⁶ An ilau netukuani to ilar kama in ka Iesu rameni; an netakaruata le ilau.

⁷ An netikiair as asuas miava to Iesu; an netakaihlaupen nar kamarviu ilar lan, an neterowata lan.

⁸ An neremim nevin karevi nar kamarviu ilar lan le suatu; an nevin karevi numali nik ierem min kameirai lemehnamera.

⁹ An nerem kamaiupan mene nerem kamaiuatisig netakamaisak, Hosana, Ierem keikei ierem rakava le netige Ieremera.

¹⁰ Niko keikei ierem rakava, niko taha Devid remitar. Hosana iles aken.

¹¹ An neterua Jerusalem le nimwa ahwak, neteramahmena naremnar min, an mero in ka reknapinap neterier muan Bethani ilar nerem katilum katilum mekiu.

¹² An lauk in netakarier le Bethani, an neteremek.

¹³ An neterahm nihm ramail isou le numalin, neterua moma takamol terahm nar ker lan, an neterua ton mesahman nar ker mero numalin am, mero in ka resolan moma nian te nowa nihm.

¹⁴ An neteraram mameni ton, Pas ieremim ker reskinan nowam tonik towe mene lenowa nu min. An tan ieremim min netakairou.

¹⁵ An netakarua Jerusalem. An neteruan le nimwa ahwak, netererwowun mahmaliatou nerem kamaiura mene nerem kamaros nemri nar le nimwa ahwak, an neterahwin tebel te nerem kamtain mani, mene nar kamowata lan te nerem kamaiura in nemenuk.

¹⁶ An neteresapasan ieremim ker teros nevigenar mua mier le nowa nimwa ahwak.

¹⁷ An neterametikun mameni to ilar, Kamesraian moma, Tahak nimwa tepeni moma nimwa te nahwakan to nahuto min? Mero kamiar neknarol in nepag te nakihla.

¹⁸ An neremera le nuhwasigenan mene nerem kamatikun netakairou, an netakamaitkoigen mama takatuahro in; mero in ka kamarignin in, mero in ka nahuto etahun kamaisak to netikunan tahan.

¹⁹ Au lehnaiu neterua netakarier ilua le nauanu.

²⁰ An netakarua maruan lakapnipin netakaihm nihm riknimer petum le nukin.

²¹ An Piter nekin neterakahmo netereni ton, Rabi, ahm ru nihm ierem nemakar tat kam in riknimer.

²² An Iesu neteraram meni to ilar, Ani nuparhienan le Wuhgin.

²³ Nuparhien tiakani to kamiar, ierem tereni to towar uk, Tuklesit ik kalakiatou in le tamite, an teresenian neiwean le nekin mero tereni nuparhienan lan moma nar rameni tapol, tapol kam in.

²⁴ Mero in ka le nar uk tiakani to kamiar, Naremnar min nakameihwak ton mameihrapkin, ani nuparhienan lan, mama neknaros, an tapol to kamiar.

²⁵ An takama nakamailil mameihwak, takama nakamarol niehma kam ieremim ker arosita tehwaga tat tahan, moma Remimiar mun ierem le neai tereposita to kamiar tehwaga tat temiar.

²⁶ Mero takama tenesarositean, Remimiar ierem le neai terepesositean tehwaga tat temiar.

²⁷ An netakarua mun Jerusalem. An neteramaliwak le nimwa ahwak, an neremera le nuhwasigenan mene nerem kamatikun mene nerem asul netakarua ton,

²⁸ An netakani ton, Nesanenan ierem petuan nakamol nar uk lan? Wa pehe ramofena nesanenan uk kam ik to nolan nar min uk.

²⁹ An Iesu netereni to ilar, Tiapehrapuk to kamiar nakaran karena, an tenakairam tonio, an tiapeni to kamiar moma nesanenan ierem petuan iakamol nar min uk lan.

³⁰ Nebaptisoan te Jon remsipe le neai wa remsipe le neremim? Airam tonio.

³¹ An netakameikar kam ilar min, mamani, Takama takani, Le neai, terepeni, An retol nesanian nuparhienan lan?

³² Mero takama takani, Le neremim, kamarignin nahuto; mero in ka neremim min petum kamani nuparhienan le Jon mama in profeta.

³³ An netakairam to Iesu mamani, Iakatiktik. An Iesu netereni to ilar, Io mun tiesenian to kamiar moma nesanenan ierem petuan iakamol nar min uk lan.