3 Jon 1 - Nakaran ut te Jesu Kristo 1902

¹ Elder to Kaias ierem keikei, ierem iakolkeikei le nuparhienan.

² Ierem keikei, iakamohwak moma le naremnar min terepavit am tonik an tenepemiuh, rolkoma ravit am to nanumam.

³ Mero in ka nekiuk ramagienipus, mero in ka pietar min nevin kamarua mamaiusito in nuparhienan taham, rolkoma ik nakamavan le nuparhienan.

⁴ Iesosan nagienan ker iribor le ierem uk, moma iakamerou moma nereruk min kamaivan le nuparhienan.

⁵ Ierem keikei, ik nakamol nar parhien le nar nakamol to pietar ierem min napsupus mun,

⁶ Ierem min kamaiusito in nolkeikeian taham le nemri nahwak min, an tenepol nar ut takama tenakasitu le navenan tenilar rolkoma nar ravit to Wuhgin.

⁷ Mero in ka kamemarier to netigen, mesarosan nar ker to nerem Jentail.

⁸ An katar takaikeikei mariripa neremim karol kama ilar mene, moma takarol was nar katar min nuparhienan.

⁹ Iemrai nar ker to neli nahwak min; mero Diotrefes ierem rolkeikei neremerean le ilar resiran kamar.

¹⁰ To nar uk takama tiakuna, io tiapol nekin ilar terakameti nolan min ierem min rakamol, mametat kamar le nakartetan; an naremnar min ka resaukeran in, mero in resiripenan pietar min, mamenhiau nerem karolkeikei (mama takarir), mahmaliatou ilar le nimwa ahwak.

¹¹ Ierem keikei, tenesamtikunan nar retat, mero nar ut. Ierem ramol nar ut, in taha Wuhgin. Ierem ramol tehwaga tat resahman Wuhgin.

¹² Demetrias kamausito in le neremim petum mene le nuparhienan mun; an kamar mun iakamaiusito in, an nikhinatin moma nausitoan temar raparhien.

¹³ Iamos nar nevin moma tiakrai kam ik, mero iesolkeikeian moma tiakrai kam ik le peper mene pen.

¹⁴ Mero iakamatigeta moma tiapahm hwaihwai am ik, an tepuakar le nemrilau mil.

¹⁵ Nemelinuan tonik. Telauiel min takaikar vi kam ik. Akar vi kam telauiel min le netigen ilar min.