Kɔgya 121 - Katɔti Ɔku Kedee

¹ Nnye mɔɔnu abi lɛlɔ teemene. Wɛ na bɔƒɔ bɔdubɔsi bubo-mi?

² Katɔti ɔni nábla katɔ ku kalɔ ni, anwu ndububo ubaƒɔ ute-mi.

³ Anwu ɔni mɔɔgyumana ukyuli ni, ulenye ulanu-ɔ na ayii kanyankɔ. Ɔsika ɔda-a ngba, na lɛlɛɛ liléti-nwu.

⁴ Israel, nu! Unwoti Katɔti ɔni mɔɔgyumana-a ni, lɛlɛɛ liléti-nwu iye ɔtɛ ɔlɛɛ uwi ɔdi.

⁵ Anwu mɔɔnu-ɔ lɛlɔ na ɔkɛ-ɔ kɔdianu kakɛ uute-ɔ ɔyuli.

⁶ Ɔƒɛ uléƒi-ɔ na limeyi kemmo, na kɔbuli lɛnɔ kulékpoku-ɔ si kɔsia.

⁷ Unwoti Katɔti ɔdubɔgyumana-a na udie-ɔ kɔyu na ɔgbankpi biala kemmo.

⁸ Na ƒula busie teebo ƒui ni, Unwoti Katɔti ɔdubɔnu-ɔ lɛlɔ ɔ́si ɔƒɛni úsela uwi ƒui kemmo.