Kɔgya 120 - Katɔti Ɔku Kedee

¹ Uwi ɔni na ala étulo-mi ni, líwulo lɛ́kpali Unwoti Katɔti na únu úte-mi.

² Unwoti Katɔti, die-mi na ɔkɔ banyine ku bekyuli bani mɔɔtɔ́lɔ bekyuli kudɔ.

³ Bɛnu kaduɛ na lɛla lɛni na Katɔti ɔdubo-mii bɔbla lɛlɔ, ɔsika ɔɔɔdubo-mii buse buɛɛ.

⁴ Ukpone atula ani mbo ɔbi yayaaya ndubo-mii bɔtu. Na ɔgya ku agyabi gbagbangba ndubo-mii bɔkyula na bɛyii udu.

⁵ Bɔbuɛ na ɔdi ka bete-mi ka líbo nli-mi akɔ na Mesek na buuduo Kedar nvo kemmo taalɛ.

⁶ Bekyuli bani naaayɔ keyi buɛɛ akɔ na líti mina lɛlɔ ḿbakya.

⁷ Mɔɔyɔ́ ka atu ayɔ-mi nsu si lítemi banii lɛ́tɛ kekpo lɛbɛɛ.