کورینتھیپའ ۱ 15 - New Testament in Ladakhi Langageمسیحا شیکھانگونّی ٹھونے جانگسّا زادس۔ 1 نگے فونو گُون، تا نگا کھیوجاگونلا نگے سنگونلا شادکھانّی گاموےناتسُولّی سکورلا ایدتو سکولچوگشیگ۔ تے زانے کھیوجاگونّی تے ناستشولبوا گاسوس جوستے اینپین، یانگ تارُونگانگ تیبوے نانّگا ستانپو اینوگ۔ 2 کالتیس کھیوجاگونّی نگے شادکھانّی گاموےناتسُول ایمان چوسکھانبوے نانّگا ستانپو دوگنا، تینے تے لونبوے کھیوجاگون سکیوبین، تے مانے کھیوجاگونّی چانگ پھانتھوگس میدکھانجیگی نانّگا ایمان چوستے اینوگ۔ 3 نگے لاگا ستادا زادکھان تشانگمیسانگ کھاگچانبو، نگے کھیوجاگونلا تانگستے اینپین، ہلژخمہ شوقبُو بوے نانّگا مولتے یودکھان نانگجینلا تیبو نی مسیحا نگاتانگونّی دِیگپے پھیا ڈونگسّا زادس۔ 4 یانگ ہلژخمہ شوقبُو نانگجین کھونگ قبرستانی نانّگا سوبس یانگ جاگما سومپے جاگّا شیکھانگونّی ٹونے سونتیا جانگسّا زادس۔ 5 کھونگ ٹانگپو کیفاسی، تینے مسیح رسُول چوگنییسپوے جالتے اینپین۔ 6 تیبوے ستینگنے توسچیگیکا کھونگرانگی فونو (لوبٹوگس) 500 سانگ مانّگاجیگی جالکیاگ، تیگونّی ٹونے کھاچیگ ڈونگس تشارتے اِین نانگ مانگچھیاجیگ تارُونگانگ سونتیا یودتے اینوگ۔ 7 تینے کھونگ کھونگرانگی نو، یعقُوبؔ یانگ ستینگنے رسُول تشانگمے جالکیاگ۔ 8 اِین نانگ ستینگجوگا یامتشان تشولّی نانّگا سکییسکھان نگیانگ کھونگ جال۔ 9 نگا رسُول تشانگمے نانگنے تُھوشوگپو این۔ نگے خُدے عبادت خانہ گونلا ناگس ستان پاسانگ، نگا رسُول زیرچیسّی اوسپانگ مید۔ 10 اِین نانگ داگسا نگا یودکھانبو نی، خُدے نگیکا میگسالّی تھوگرجیگون پھوا زادچیسپوے این، یانگ تیبو گودلا سونگتے مانوگ۔ چیازیرنا نگے جانیانگ رسُول گُونی سانگ سونڈوس مانّگا چوستے لاس چواد۔ اِین نانگ تیبو نگا مانپا، خُدے کھونگرانگی شزدے گیُودتے، نگیکا چھاگلاس زادتے اینوگ۔ 11 نگے چھوسشادّادڈو یا کھونگونی، چانگ کھیادجیگ میدپا اینوگ، چیازیرنا نگاجا تشانگمے لون تسوگسپو شادّانوگ، کابوا کھیوجاگونّی ایمان چوستے اینوگ۔ شیکھانگون سونتیا لانّگا زادچیس۔ 12 اِین نانگ نگا ایبو شودشیگ، نگاجا گُونی مسیحا شیکھانگونّی ٹونے سونتیا جانگستے اینوگ زیرتیانگ، کھیوجا کھاچیگی شیتے ستینگنے سونتیا لانگچیسپو میدکیاگ چیا زیرّاد؟ 13 کالتیس شیتے ستینگنے سونتیا لانگچیسپو میدپینّا، تینے مسیحا نگ سونتیا جانگستے میدڈو۔ 14 یانگ کالتیس مسیحا ماجانگسپینّا، تینے نگاجا گُونی چھوسشادچیس تشانگما پھانمیتھوگس اینوگ، یانگ کھیوجاگونّی ایمان بوانگ۔ 15 ماتشاد نگاجا رسُول گُونی خُدے گواہ زون تانگستے اینوگ، چیازیرنا نگاجا گُونی خُدے مسیحا قبرستانی نانگنے سونتیا لانّگا زادکھانبوے گواہ تانّگانوگ۔ اِین نانگ کالتیس شیتے ستینگنے سونتیا لانگسشیسپو لدینبا مانپینّا، تینے خُدے مسیحا سونتیا لانّگا مازادّا اینوگ۔ 16 یانگ کالتیس شیتے ستینگنے سونتیا لانگچیسپو میدنا تینے مسیحا نگ سونتیا ماجانگسّا اینوگ۔ 17 یانگ کالتیس مسیحا سونتیا ماجانگسّا یودنا، تینے کھیوجاگونّی ایمان گون پھانمیتھوگسشیگ اینوگ، یانگ کھیوجاگون تارُوانگ کھیوجے دِیگپے نانّگا نونگسچان لوستے اینوگ۔ 18 تینے مسیح نانّگا ایمان یودتے شیکھان تشانگمانگ نیالوے نانّگا لیبستے اینوگ۔ 19 یانگ ای میتشے نانّگا کالتیس نگاتانگونّی مسیح نانّگا سونتیا لانگچیسّی ریوابو تونمید اینّا تینے نگاتانگون تشانگمیسانگ دِیگپا ریگ اینوگ۔ 20 اِین نانگ نگوسپوا مسیحا شیکھانگونّی ٹونے سونتیا جانگسّا زادتے اینوگ۔ کھونگ نی شیکھان تشانگمے ستونتھوگ چھینموے ڈاسبو دانگپوبو اینوگ۔ 21 کازوگی دُنیائی نانّگا شیچیسپو حضرت آدم زیرکھانّی میبو گیُودتے یونّگا تسوگسلا تا شیکھانگونّی ٹونے سونتیا لانگسشیسپو مسیحا ژوکھانّی میبو گیُودتے جُونگستے اینوگ۔ 22 نگاتانگ تشانگما حضرت آدم می اولاد گون این پاسانگ، شیانوگ۔ تینّا تسوگسلا مسیح اینکھان تشانگمالا میتشے سوماجیگ سالّا زادّانوگ۔ 23 اِین نانگ شیتے ستینگنے لانگسچیسپوا تشیرکاجیگ یودتے اینوگ۔ ستونتھوگی گومے ڈاسبو مسیحا، لوگستے سکیود زانے، کھونگی اینکھان تشانگما سونتیا لانّگا زادِین۔ 24 تیبوے ستینگنے تھامابو لیبین، کھونگی وانگثولپا، وانگ تانگ شید یودکھان تشانگما میدکھان چوا زادتے گیالثیدپو یاب خُدے چھاگّا پھولین۔ 25 خُدے کھونگرانگی ڈاو تشانگما، مسیح جابسّی یوگا کھیونگ کھیونگ تشوگپالا، کھونگی وانگثولّا زادگوس۔ 26 یانگ شیچیس نی ستینگجوگی ڈاو میدکھان چوچیسچانبو اینوگ۔ 27 ہلژخمہ شوقبُو بوے نانّگا مسیح سکورلا مولتے اینوگ ”خُدے چیتشانگما کھونگی وانگی یوگا بورّا زادس“ اونا ”چیتشانگما کھونگی وانگی یوگا بورّا زادس“ مولّا زاد زانے، مسیحا وانگچھا سالّا زادکھان خُدے کھونگرانگ تیبوے نانّگا تھیا مازادّا اینوگ۔ 28 تینے کھونگی چیتشانگما مسیح وانگی یوگا کھیونگ تشارّاچیگ، مسیح کھونگرانگ خُدے وانگی یوگا بورّا زادِین، تینے خُدے کارونگسا چیتشانگمیکا وانگثولّا زادِین۔ 29 کالتیس شیکھانجیگ سونتیا مالانگنا، تینے کھاچیگی، شیکھانگونّی تشابسلا غوتا لینچیسپوا چی گیونتشان یودکیاگ۔ کالتیس شیکھانگون سونتیا لانّگا میدنا، کھونگونی تیزوگ چیپھیا چوستے اینوگ۔ 30 یانگ سونتیا لانگچیسپو میدپینّا، تینے چیپھیا نگاجے نگاجا رانگی میتشے جیگسپے نانّگا توسگیون بورّانوگ۔ 31 فونو گُون، تانتانلا نگے جاگدانگ شیچیسّی جیگسپاگون دونگلین چواد۔ یانگ نگاتانگی حضرت عیسیٰ مسیح کھیوجاگونّی نانّگا چھاگلاس زانگپو چوا زادکھانبوے نانّگا نگے پھوسو تشورکھانبوانگ، لدینبا اینوگ۔ 32 یانگ کالتیس شیتے ستینگنے سونتیا لانگچیسپو میدنا، ریی نانّگا دوگکھانّی سیمسچان ژوگس، تے اِفسُس پاگون نیامپو نولکھانبوے نگا چی پھانتھوگس یونگس۔ یانگ ایمان میدکھانگونّی زیرکھان تسوگسلا نگادانگیانگ زیرثیدچیس اینوگ، ”یونگشیگ، زین تھونگین ، چیازیرنا تھورے نگاتانگون شیانوگ۔“ 33 ”شیتے ستینگنے سونتیا لانّگا مانوگ“ زیرکھانگون تسوگسلا کھیوجاگون بونگبو ماگیورشیگ۔ ”ٹوپا نگانپے سچودپا زانگپو شیگّانوگ“ زیرچیسپو ایدتو چوشیگ۔ 34 ٹانگپو مانکھانّی سامبا پھانگستے شیسرابسچان ریگ گیورتے دِیگپا ماچوشیگ۔ کھیوجاگون ٹھیلچوگچیسلا نگے زیرّاد، کھیوجا کھاچیگّا خُدے شیس کھورانگ شیسّا مانوگ۔ شیکھانّی زوگسپو لانّگا زادچیس۔ 35 اِین نانگ کھیوجاگونّی ٹونے کھاچیگی، ”کازوگی شیکھانجیگ لانگس نیانّانوگ؟ کھونگونلا زوگسپو کازوگشیگ یونّگانوگ؟“ زیرتے ٹیثیدچیس اینوگ۔ 36 چی سامبا میدکھانّی ٹیواجیگ اینوگ؛ کھیوجاگونّی ساون تاب زانے، تیبو میجیگ شیتے سے نانّگا سوبسکھان تسوگسلا سوبستے ماستوگس، سکییا مانوگ۔ 37 یانگ کھیوجاگونّی تابسکھانبو سکیکھانّی ساسپوس مانپا کھیوجاگونّی تابسکھانّی ٹو یا یانگریگسّی ساونجیگ اینوگ۔ 38 تینے خُدے تیبوا کھونگرانگی تھوگسدود نانگجینلا، زوگسپو سوماجیگ سالّا زادّانوگ۔ ساون ریرے تینّا ریگسّی زوگسپوے نانّگا لدانّانوگ۔ 39 تینّا تسوگسلا شا ریگس مانگپو یودتے اینوگ، ریگس چیگ نی می، یانگ چیگ سیمسچان، یانگ چیگ چیپا، یانگ چیگ نیا اینوگ۔ 40 نامکھے زوگس تانگ دُنیائی زوگس نیس یودتے اینوگ۔ نامکھے زوگسگونّی شان پو نی دُنیائی زوگسگونّی سانگ سوسو ریگ یودتے اینوگ۔ 41 نییما کھورانّگا شان ریگس چیگ، یانگ لزاوا تانگ سکارماگونلا جانیانگ شان ریگس چیگ یودتے اینوگ، سکارما تشانگمے نانّگانگ کھورانگ چیگ تانگ چیگی نانّگا شان سوسو ریگ یودتے اینوگ۔ 42 تینّا ژوگس، شیتے ستینگنے سونتیا لانگسشیسپوانگ اینوگ۔ نگاتانگون شی زانے، نگاتانگی دُنیائی زوگسپوگون سے نانّگا سوبّانوگ، اِین نانگ تیگون توسگیون لوسشیسّی پھیا سونتیا لانّگا زادچیس اینوگ۔ 43 جان تیگون سپال میدتے سوبنانگ، تیگون شان ّی نانّگا لانگسّانوگ۔ تیگون شیدمیدکھانّی نانّگا سوبّانوگ، اِین نانگ تیگون شیدچان گیورتے لانّگا زادچیس اینوگ۔ 44 تیگون میی زوگسپوے تشولّا سوبّانوگ، اِین نانگ رُوحانی زوگسپوگونّی تشولّا لانّگا زادِین، کازوگ رانگژینّی زوگسپوگون یودا تسوگسلا، رُوحانی زوگسپوگونّانگ یودتے اینوگ۔ 45 ہلژخمہ شوقبُو بوے نانّگا مولتے اینوگ ”حضرت آدم زیرکھانّی می دانگپوبو، سروک یودکھانّی میجیگ زادتے اینپین“ اِین نانگ تھامے حضرت آدم، حُکم بو مسیحا جُوگستے این، کھونگ نی رُوح بوے میتشے سالکھانجیگ جُوگستے اینوگ۔ 46 دانگپوبو نی رُوح بوے زوگسپو مانپا، رانگژینّی زوگسپوجیگ اینوگ، تے ستینگنے رُوح بوے زوگسپوبو جونگستے اینوگ۔ 47 حضرت آدم زیرکھانّی می دانگپوبو، دُنیائی سے کانے چوا زادتے اینپین، اِین نانگ می نیسپا مسیحا نامکھانے پھیبستے اینپین۔ 48 دُنیائی میگون دُنیائی میبو ژوگس، یانگ نامکھے میگون نامکھے می ژوگس یونّگانوگ۔ 49 کازوگ داگسا نگاتانگون دُنیائی میبو ژوگس این، جاگشیگ نگاتانگون نامکھے میبو ژوگس گیورچیس اینوگ۔ 50 فونو گُون، نگے زیرچیسّی تونتاگپو نی، نگاتانگونّی ای زوگسپوبوا خُدے گیالثید نورسکالّا تھوبّا مانوگ۔ شیچیسچانّی ای زوگسپوا توسگیون لوسشیسچانّی خُدے گیالثیدپو نورسکالّا میتھوب۔ 51 اِین نانگ نگے کھیوجاگونلا معجزہ سانگوابو سنگونچوگاین۔ نگاتانگونّی نانگنے تشانگما میشی، اِین نانگ نگاتانگ تشانگما گیورچوگّا زادِین۔ 52 تیگون میگ ٹابکھان تسوگسلا ہونمیدلا جونگچیس اینوگ نام خُدے فرشتاگونّی تھامے تونگبو پھوین۔ تونگبو پھواچیگ، شیتے یودکھان تشانگما توسگیونّی پھیا سونتیا لانّگا زادچیس تانگ نگاتانگ سونتیا لوسکھانگون گیورچوگّا زادِین۔ 53 نگاتانگونّی رولچیسچانّی زوگسپو میرولچیس یانگ شیچیسچانّی زوگسپو توسگیون سونتیا لوسکھان گیورگوس۔ 54 نگاتانگونّی شیچیسچانّی زوگسپوگون مانے میشیچیسچانّی زوگسپوے نانّگا گیورّاچیگ، ای ہلژخمہ شوقبُو بو ڈانڈا ڈوبچیس اینوگ، ”خُدے گیالکھے شیچیسپو میدکھان زادس۔“ 55 ”وا شیچیس، تا کھیرانگی گیالکھابو کارے۔ وا شیچیس، تا کھیرانگی نودپا کازوگی سکیالاین؟“ 56 دِیگپے جاستے میگونّیکا شیچیس جونّگانوگ، یانگ شریعت گیُودتے نگاتانّگا دِیگپے، ما جیگسپا ٹھیسّتور چوکھانّی وانگبو ہاگوانوگ۔ 57 اِین نانگ خُدا شُکر ، کھونگی نگاتانگونّی حضرت عیسیٰ مسیح ا گیُودتے نگاتانگونلا دِیگپا تانگ شیچیسّیکا گیالکھا سالّا زادتے اینوگ۔ 58 تیبویپھیا نگے فونو گُون، ایمانی نانّگا شیدچان تانگ ستانپو گیورشیگ۔ توسگیون مسیح پھیا رینگساینجیگ جابستوگ ژوشیگ، چیازیرنا مسیح پھیا چیجیگ چونانگ، گودلا میچھاچیسپو کھیوجاگونلا گیوس اینّوگ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation