SETERI 10 - Sura Magali Nuntu Ngkatuwu

Katetoʼo i Ahasiwero pai Modekai 10:1-3

¹ I Datu Ahasiwero mampareʼe potetala anu ndaperisoka, banya podo ri waʼa mpalilinya anu ri wiwi ntasi anu ri ara mparentanya paikanya ri waʼa mpalilinya anu ri une ntana woʼu.

² Pura-pura powianya anu bangke pai mantuju kuasanya, tuntukanya anu timama kojo ewambeʼi palantinya i Modekai mewali tau bangke ri poparentanya pura-pura ndaʼuki ri sura ntuntuka waʼa datu Parisisa pai Media.

³ I Modekai to Yahudi setu, todo mangkekeni lanti bangke setu ri ara mparenta i Datu Ahasiwero ngkalionya. I Modekai natubunaka pai napokono waʼa ntau anu kasambaʼa-mbaʼa bancanya. Siʼa mampari-mpari da naka tesorepaka, pai naka dago ngkatuwu bancanya sangkani pai waʼa muli ntau seʼe.