PATADA 5 - Sura Magali Nuntu Ngkatuwu

Patiendo kono posalara 5:1-23

¹ Anaku, pedongekamo pauku! Parindaya kaloʼeku pai parata ndaya anu kupaguruka siko,

² da naka nuincani mangkeni koromu pai da mompau ewa tau anu reʼe paincaninya.

³ Weʼa wongo, ngujunya ewa kamomi juyu pai waʼa mpaunya madago ndadonge,

⁴ paikanya ane liumo pura-pura setu, anu da totaʼa jamo kapaʼinya pai kapari.

⁵ Siko da naombitaka njoʼu ri kareʼe ntau mate; jaya anu nalulu njoʼu ri kapate.

⁶ Siʼa bareʼe da rodo ri jaya anu da njoʼu ri katuwu; bareʼe naincani siʼa mebiamo ungka ri jaya setu.

⁷ Inceʼe painaka ee waʼa anaku, ndipedongekamo waʼa mpauku pai neʼe boi ndipesaru-saru.

⁸ Nditilawangi weʼa anu ewanceʼe! Neʼe boi nditimosuki banuanya.

⁹ Ane siko mogalo-galo pai weʼa anu ewancetu, da paya katetubunakamu pai inosamu da nayali ntau anu bereʼe purundayanya ntongo mangurapa siko.

¹⁰ Kakoreʼemu da pura nakoni ntau, pai waʼa sili lengemu podo da napapurasi ntau anu bareʼe nuincani.

¹¹ Ripurinya nepa da mekakai siko, ane koromu puramo najunju njuʼa.

¹² Nepa da nutoʼo, “Oo wenu painaka bareʼe kupedongeka patuju? Wenu painaka bareʼe kupokono ndaseko?

¹³ Bareʼe kupokono mampedongeka waʼa guruku pai bareʼe kululu tau seʼe.

¹⁴ Bareʼe kusoro-soro yaku manawumo ri suara ntau sondo.”

¹⁵ Inceʼe painaka katodomo ri rongomu ngkaliomu pai podo ri siʼa da nupantuju mawo ndayamu.

¹⁶ Bereʼe yowenya siko da mampepali karodo ndaya ri weʼa anu banya rongomu.

¹⁷ Karodo ndaya setu podo tilamu pai rongomu, banya pai tau ntaninya.

¹⁸ Inceʼe painaka da lindo rayamu pai rongomu ngkaliomu, pepalimo kalindo ndaya ri anaweʼa anu da nuporongo –

¹⁹ anaweʼa anu madolidi pai makaliki ewa lagiwa. Tuarapa kadolidi ngkoronya bareʼe bali-bali mampakawongko rayamu, pai kaloʼeya mantima rayamu bareʼe bali-bali.

²⁰ Nunjaa yowenya da nuposawoyo weʼa ntaninya, anaku? Wenu painaka da nupotengeaka weʼa wongo?

²¹ I Pue mampetiro pura-pura anu napowia ntau. Rimbeʼi ntano palai ntolino ndakita i mPue.

²² Salaa ntau majaʼa ewa patambo anu mantolia tau seʼe ngkalionya.

²³ Siʼa mate ua bareʼe napedongeka patuju. Katengonya anu mangkeni siʼa ri kagero.