PATADA 14 - Sura Magali Nuntu Ngkatuwu

¹ Sombori anu ndawangu ua kaloʼe mbeʼa, paikanya da terongkasi ua katengonya.

² Tau anu mayoa rayanya da medonge pai da metubunaka ri Pue Ala; tau anu bareʼe mayoa rayanya ri katuwunya inceʼe anu mampetikodi Siʼa.

³ Ua pekiundenya tau tengo napokono mobangke-bangke, tau anu loʼe da nakantawi koronya pai waʼa mpaunya ngkalionya.

⁴ Ane bereʼe japi, bareʼe da reʼe sili lenge ungka ri jamaa; ua roso japi, wua mpojamaa da maʼai ngkarianya.

⁵ Sabi anu mayoa sangaya-ngaya da mangantoʼo nunjaa anu monco; sabi anu bareʼe ndasarumaka podo mbamba anu da natoʼo.

⁶ Tau anu mekiunde bareʼe da mewali loʼe, paikanya tau anu mataja nawa-nawanya saru-saru meguru.

⁷ Neʼe mobale-bale pai tau tengo, bareʼe da reʼe bara nunjaa-njaa anu da napaguruka siko.

⁸ Tau anu loʼe naincani nunjaa anu napowia, tau tengo da manawu ua katengonya.

⁹ Tau anu tengo bareʼe nanawa-nawa, ndakitanaka bara bareʼe salaanya; tau madago napokono ane bareʼe ndakitanaka salaanya.

¹⁰ Wongko ndaya bara susa ndaya ntano lau ndadika ri raya; bareʼe naposiepe ntau ntaninya.

¹¹ Banua ntau madago bebali karosonya, banua ntau majaʼa da madungka.

¹² Reʼe jaya anu ndakita mayoa, paikanya kapusanya jaya setu tepatotoka ri kapate.

¹³ Ri sambaliku gele boi reʼe potumangi; wongko ndaya boi motando pai susa ndaya.

¹⁴ Tau majaʼa da mampota wua ngkajaʼanya, tau madago da mampota wua ngkadagonya.

¹⁵ Tau tengo naaya pura-pura waʼa mpau, tau anu loʼe nanawa-nawa mpodago anu napowia.

¹⁶ Tau loʼe moncoro-ncoro mpaliu pai mantilawangi anu majaʼa, tau tengo ganggara sengke, inceʼe naepe madago.

¹⁷ Tau anu sarai sengke inceʼe powia ntau anu tengo, tau anu loʼe inceʼe mayombu ponawa-nawanya.

¹⁸ Tau anu bareʼe gana pangaincaninya da mewali tengo; tau anu loʼe da teranga-rangani pangaincaninya.

¹⁹ Tau anu majaʼa da meʼuru ri tau anu mayoa rayanya, da merapi naka ndapokapuru.

²⁰ Tau anu kaasi-asi bareʼe napokono waʼa yununya; paikanya tau koreʼe maria balenya.

²¹ Isema anu mampetikodi tau ntaninya, inceʼe mowia salaa; isema anu pande mporaya ri tau kaasi-asi da lindo rayanya.

²² Isema mampari-mpari anu madago, da ndasrumaka pai da ndatubunaka; isema anu mantinako ndaya anu majaʼa siʼa melinja ri jaya ngkalingu.

²³ Ri mpengaya-ngaya anu ndapari-pari njau rasi; pasimbaju anu soa inceʼe mampakakaasi-asi tau.

²⁴ Tau anu loʼe ndaunde ua kaloʼenya; tau tengo tebambari ua katengonya.

²⁵ Ane sambaʼa sabi mompau ri kamonconya siʼa metuwuri, ane mombamba siʼa, siʼa manawusaka kasiyununya.

²⁶ Tau anu mepoʼinaya ri Pue, da lindo rayanya, pai somborinya mampotumpu petatondo.

²⁷ Pepoʼinaya ri Pue inceʼe popuʼu kalindo ndaya; jaya pantilawangi kapate.

²⁸ Kabangke katebambari mokole inceʼe tongawa ri kasondo palilinya; ane bereʼe palilinya bereʼe kuasanya.

²⁹ Tau anuloʼe bareʼe ronga sengke; tau anu tengo bareʼe nakoto mantodosaka rayanya.

³⁰ Karodo ndaya mampakadonde koro; sina ndaya da ewa juʼa mangkeni kapate.

³¹ Isema anu mampowia dago ri tau kaasi-asi, mantubunaka i Pue Ala puenya; isema anu majeani tau anu kapuru raya, mampetikodi anu mampapewali.

³² Tau majaʼa magero ua kajaʼanya, tau madago tetatondoni ua kayoa ndayanya.

³³ Kaloʼe bareʼe tepalai ungka ri nawa-nawa ntau loʼe; paikanya tewawence ungka ri nawa-nawa ntau tengo.

³⁴ Kayoa pai kadago mantanderaka katetoʼo banca, paikanya salaa mampapopuʼu ndapampetikodi banca.

³⁵ Napokawongko i mokole topotetala anu loʼe pai madoyo, paikanya i mokole mampokarau topotetala anu bareʼe naincani mawianaka tetalanya.