PATADA 12 - Sura Magali Nuntu Ngkatuwu

¹ Tau anu mampomawo pangaincani, mawongko rayanya ane marata peseko; paikanya anu bareʼe napokono ndaseko inceʼe tau tengo.

² Tau madago ndapokawongko i mPue, paikanya tau anu manawa-nawa anu majaʼa inceʼe da mantarima popahuku.

³ Bareʼe da reʼe mau sambaʼa tau anu madago mpaliu katuwunya ua mampowia jaʼa, paikanya mayoa toa bareʼe da tenjua.

⁴ Rongo anu madago inceʼe da ndaunde pai mampakawongko raya langkainya, rongo anu mampakaea langkainya, inceʼe ewa anu mekokoti ri raya mbuku.

⁵ Tau anu mayoa manganawa-nawa anu madago; tau anu majaʼa mantinako ndaya pokira-kira.

⁶ Waʼa mpau ntau anu majaʼa mepepate; waʼa mpau ntau anu mayoa inceʼe mesorepaka.

⁷ Tau anu majaʼa da manawu pai magero bareʼe ndarata sako wakanya; paikanya tau madago da toa popalapi-lapi tau.

⁸ Tau da ndainde silulu pai kaloʼenya; tau da ndapetitengo silulu pai katengonya.

⁹ Moruanaka mewali palili anu kodi paikanya mampotumpu tetala, painaka moʼengko ewa tau bangke ntanoka begana anu nakoni.

¹⁰ Tau anu madago pamporewunya pinatuwunya; paikanya tau anu majaʼa najeani pinatuwunya.

¹¹ Topojama anu madoyo da gana-gana pangkoninya; paikanya tau anu podo molose-lose inceʼemo tau tengo.

¹² Tau anu rayanya marata rasi ungka ri tau baleparu; tau anu madago da ewa pinamuya anu mowua.

¹³ Tau anu majaʼa tepungu pai waʼa mpau majaʼa anu napasowa; tau anu madago da tewawence ungka ri kapari.

¹⁴ Pura-pura tau da mantarima sili waʼa mpaunya pai powianya, pura-pura da mantarima saronya anu sintinaja.

¹⁵ Tau anu maʼai ngkatengo da maepe siʼa bereʼe kasalanya, paikanya tau anu loʼe napokono mampedongeka patada.

¹⁶ Ane tau tengo inepe, sampotunda-tunda setu seʼe natuju kakodi ndayanya; paikanya tau anu loʼe bareʼe naaya mau siʼa ndaposari.

¹⁷ Ua mangantoʼo anu monco, tau setu mantuju yoa; ua pombamba, tau setu mampareʼe podenggo.

¹⁸ Pau anu pontopanyamo mampakawela raya ewa pejalo mpenai; waʼa mpau anu manyombu ewa pakuli anu mampakaʼosa.

¹⁹ Pombamba da tebulengkari sampompida mata; paikanya waʼa mpau anu monco bareʼe da posa.

²⁰ Tau anu marencana jaʼa napokono podenggo, tau anu mampari-mpari kadago da uono katuwunya.

²¹ Tau anu madago bareʼe da nakono rugi; tau anu majaʼa bareʼe bali-bali napere ncusa ndaya.

²² I Pue mampobanciika tau kalopu-lopu; paikanya ndapokawongko tau anu mayoa.

²³ Tau anu loʼe bareʼe napekiundeka pangaincaninya; tau anu tengo mampetoʼo-toʼoka katengonya.

²⁴ Tau anu mampari-mpari tetalanya da mampareʼe kuasanya; kalose mangariso tau mewali watua.

²⁵ Kaʼipu-ipu ndaya melentei; paikanya waʼa mpau anu maʼalusu maʼiowaka tau.

²⁶ Tau anu madago da meruu rasinya pai tau anu samposori banuanya; tau majaʼa da lingu ri kajaʼanya.

²⁷ Ua polose-lose bereʼe da ndarata anu ndapodaraya; ua pompari-mpari tau da marata kakoreʼe.

²⁸ Tau anu malulu anu monco da uono katuwunya; tau anu malulu jaya anu jaʼa da njoʼu ri kapate.