PATADA 11 - Sura Magali Nuntu Ngkatuwu

¹ Bareʼe ndapokono i mPue tau anu mampake podasi anu bamonco, paikanya ndapokawongko tau anu mampake podasi anu monco.

² Tau anu mekiunde da ndapetikodi; tau anulauka raya inceʼe anu loʼe.

³ Tau anu madago da naponinika kayoa ndayanya; tau anu napokono mombamba da napakarugi ngkakambamba-mbambanya.

⁴ Ane mancuaramo kapate, waʼa aga-aga bareʼe reʼe yowenya; katuwumu da tesorepaka anu ane mayoa rayamu.

⁵ Jaya ngkatuwu ntau madago da napalene ngkayoa, paikanya tau anu majaʼa mangkeni koronya ri kagero.

⁶ Tau mayoa da tesorepaka ua kayoa ndayanya, tau anu bareʼe ndasarumaka, da terompo ri kabagagunya.

⁷ Ane tau majaʼa mate, sako pampomata-matanya seʼe woʼu mate; meonda ri roso ngkalio bereʼe yowenya.

⁸ Tau mepoʼinaya tewawence ungka ri kapari; tau majaʼa da marata salemporinya.

⁹ Pompasimbaju ntau majaʼa mepakagero; kaloʼe ntau anu madago inceʼe moncorepaka.

¹⁰ Meawa ndakita raya ngkota ane tau mayoa marata kagana-gana ngkatuwu; da manggora-nggora tau sondo ane mate tau majaʼa.

¹¹ Popadonco ntau anu mayoa mampakadolidi kota; paikanya pompau ntau majaʼa mampakajaʼa.

¹² Mampetikodi tau ntaninya inceʼe tetala ntau anu maʼai ngkatengo; tau anu menaa rayanya, bareʼe da reʼe nunjaa natoʼo.

¹³ Tau anu topongkeni-ngkeni pau bareʼe nakoto madika rahasia; paikanya tau anu maya ndasarumaka nakoto madika rahasia.

¹⁴ Sambaʼa banca da magero ane bereʼe anu mawawanaka; kakomaria-ria topepatuju da kakoteranga-rangani katesorepaka.

¹⁵ Mojanji da mangabayari inda ntau ntaninya inceʼe posokinya mampareʼe rugi; moruana neʼe tesua ri anu ewanceʼe da naka maʼuono.

¹⁶ Weʼa anu loʼe, marata katetubunaka; tau anu masii mampasambaka kakoreʼe.

¹⁷ Tau anu madago raya mampaporasi koronya ngkalionya; tau anu masii mampakarugi koronya ngkalionya.

¹⁸ Porasi ntau anu majaʼa inceʼe ewa limbayo, paikanya porasi ntau anu madago inceʼe rasi anu nteliogu.

¹⁹ Isema anu kutuʼua mowia anu madago da madago katuwunya; isema anu mompari-mpari mowia anu majaʼa inceʼe tepatotoka ri kapate.

²⁰ I Pue bareʼe mampokono tau anu majaʼa powianya, paikanya Sira mampokapuru tau anu bereʼe posarinya.

²¹ Tau anu majaʼa manoto da mangarata hukunya; tau madago da tesorepaka.

²² Kadolidi mbeʼa anu bareʼe madago engkonya podo ewa sinci anu ndapataka ri panjume mbawu.

²³ Tangara ndaya ntau anu madago sangaya-ngaya bareʼe bali-bali da mampowuaka anu madago, paikanya anu maya napomata-mata ntau majaʼa inceʼe karau ndaya.

²⁴ Reʼe tau anu pande mombai, paikanya kakoteranga-rangani kakoreʼenya, reʼe anu napari-pari manongo paikanya kakoteranga-rangani kapari pai kakaasi-asinya.

²⁵ Tau anu sondo pombainya da kakoteranga-rangani anunya, tau anu napokono mantulungi yunu siʼa woʼu da ndatulungi.

²⁶ Isema anu napokono mabuyunaka aga-aganya da natusaki ntau, paikanya anu napokono mampobalu aga-aganya inceʼe da ndaunde.

²⁷ Isema anu madoyo mowia dago da napokono yunu; isema anu mampepali jaʼa da napere ngkapari.

²⁸ Isema anu mampetionda aga-aganya da manawu ewa ira anu matuʼa; tau anu mayoa raya da mewongga ewa wayo ngkaju anu mangura.

²⁹ Tau anu mampakapari somborinya, da paya pura-pura anunya. Tau tengo da mamporiokoi tau loʼe.

³⁰ Tau anu mepoʼinaya da reʼe anu nakatuwuka; tau anu loʼe da kakoteranga-rangani anu malulu.

³¹ Ane ri lino seʼi sako tau anu madago mantarima sili mpowianya, manoto woʼu tau anu majaʼa pai masalaa da mangarata hukunya.