Markus 16 - Sura Magali Nuntu Ngkatuwu

Pembangu i Yesu 16:1-8

¹ Butu liumo eo Umapo, njoʼumo i Maria Madalena, i Maria ine i Yakobu pai i Salome maoli waʼa rampa da ndalanaika wata ngkoro i Yesu.

² Mowuro-wuro mpodago nepa mebete pinca reme, ri eo kaʼisa ri minggu setu, malaimo tau seʼe njoʼu ri dayo.

^3-4 Ri yae njaya napombepeoasika ntau seʼe, “Isemamo anu mangkoto da mantulungi kita da mawaenggo watu palo dayo?” Maka watu setu bangke kojo. Paikanya karata ntau seʼe njairia, nakita watu setu tedulimo.

⁵ Nepa mesua tau seʼe ri raya dayo setu. Ri rayanya tondo mokana, nakita ntau seʼe sambaʼa ngalitau anu mampake juba mabuya matunda-tunda, jingki raya ntau seʼe.

⁶ Mompau ngalitau setu natoʼo, “Neʼe maeka! Kuincani komi mampepali i Yesu to Nasare anu roo ndapaku ri kaju ndapanggo. Sira bareʼemo reʼe ireʼi. Sira membangumo! Ndipeolemo, seʼi waka mpauli ntau seʼe Sira.

⁷ Seʼi-seʼi ndipalaimo, ndiparatamo bambari seʼi ri waʼa anaguru-A, tesua i Peturu. Da nditoʼo, ‘Sira mampesindiukamo komi njoʼu ri Galilea. Njairia nepa da ndikita Sira, silulu pai anu roomo ndatoʼoka komi.’ ”

⁸ Mesuwumo tau seʼe ungka raya dayo setu, nepa molonco ua jingki raya pai maeka. Bereʼe bara nunjaa-njaa anu natoʼo ntau seʼe ri tau ntaninya, ua maeka.

KAPUSA NUNTU NGKATUWU ANU NAʼUKI I MARAKUSI MALULU UKI ANU RIUNYA I Yesu mampapamara koroa ri Maria Madalena 16:9-11

⁹ Butu membangumo i Yesu ungka ri kapate-A, mowuro-wuro ri eo minggu Sira riu-riunya mampapamara koro-A ri Maria Madalena. (Ungka ri Maria seʼimo ndapampapesuwu i Yesu papitu inosa majaʼa.) Waʼa mbeʼa setu njoʼu madadu i Peturu pai waʼa yununya, nepa napau ntau seʼe ri kaʼedenya pura-pura anu roo natoʼo ngalitau setu ri tau seʼe.

¹⁰ Malaimo i Maria Madalena mampetumbu anu mewali setu ri waʼa yunu i Yesu, anu ntongo moomboka pai motumangi. Roo setu, i Yesu ngkalio-A mampoliu waʼa anaguru-A mampobambarika ungka ri pebetea rata ri kasoyoa nuntu anu magali pai bareʼe da reʼe kapusanya kono katesorepaka anu bareʼe da reʼe kapusanya.]

¹¹ Paikanya padonge ntau seʼe i Yesu tuwu muni, pai i Maria mangkitamo Sira, bareʼe naaya ntau seʼe.

I Yesu mampapamara koro-A ri anaguru-A radua 16:12-13

¹² Ungka lairia i Yesu mampapamara koro-A ri anaguru-A radua, anu ntaninya katepewalinya. Inceʼe tepewali sindara tau radua setu ntongo mpelinja njoʼu ri sambaʼa lipu.

¹³ Mewali mewalili tau seʼe, napetumbu anu mewali setu ri waʼa yununya anu ntaninya. Paikanya bareʼe naaya ntau seʼe.

I Yesu mampapamara koro-A ri waʼa anaguru-A 16:14-18

¹⁴ Ripurinya, i Yesu mampapamara koro-A ri sampuyu pai sambaʼa anaguru-A, ri sindara tau seʼe ntongo mpangkoni. Sira manceko tau seʼe, maka makura peaya ndaya ntau seʼe pai maʼai ngkapeni woʼo painaka bareʼe naaya waʼa ntau anu mangkitamo ngkalionya i Yesu tuwu.

¹⁵ Nepa ndatoʼo i Yesu ri tau seʼe, “Ndipalaimo ri sambawo lino pai ndipobambarikamo Nuntu ngKatuwu ungka ri Pue Ala ri pura-pura tolino.

¹⁶ Tau anu bareʼe maaya da ndahuku. Paikanya tau anu maaya pai ndariu, da tesorepaka.

¹⁷ Pai katongawanya katau seʼenya meaya, waʼa ntau setu da mangairi inosa majaʼa ri toʼo-Ku: tau seʼe da mompau mampobasaka waʼa basa anu bareʼe naincani ntau seʼe.

¹⁸ Ane nakekeni ntau seʼe ule bara mainu rasu, bareʼe da napomarugi ntau seʼe. Ane nadonco ntau seʼe waʼa ntau majuʼa, waʼa ntau setu daʼosa.”

I Yesu ndaoretaka ndeki suruga 16:19-20

¹⁹ Roo mompau i Yesu ri tau seʼe, Sira ndaoretaka ndeki suruga. Ndatiria Sira moparenta sangkani-ngkani pai Pue Ala.

²⁰ Malaimo waʼa anaguru-A mampobambarika nuntu ungka Pue Ala ri mbeʼi-mbeʼi kanjoʼunya. Pai i Pue seʼe njoʼu motetala sangkani-ngkani pai tau seʼe, pai tongawa ri waʼa tanda ngkuasa kamonco nuntu anu napetumbu ntau seʼe. [