ESTERI 10 - KITABI HABARI MOPIOHE

Odudaa̒ lei Ahsyweros wolei Mordekhai

¹ Ti Olongia Ahasyweros helo ponao̒ kalaja pakusa, diila bo wambao̒ ode ulipu to mamaa-dalawaalo biihu deheto todelomo yilaidialio, bo olo to mamaa-dalawaalo u dudutuulio molamingo monto pentadu.

² Totoonulalo huhutuulio u udaa̒ wau polupolutuo̒, wau olo hikaayati u wimuwimumuto tomimbihu woloolo mola tio lomudua̒ olei Mordekhai lowali lodihu pantungo lailaio̒, tulatuladee todelomo buku sojara mongo olongia lo Persia wau Media.

³ Tei Modekhai, taulo Yahudi boito, debo hulohuloa̒a to huhuloa̒a u lailaia̒ daa̒ totibawa li Olongia Ahasyweros lohihilao. Tei Mordekhai hehurumatio lotau wau aahudu lotau-tauwala ngobangusa wolio. Tio helohipate duo̒lo poloa̒ahu wau osalamati bangusaalio wau ngoilanggubu wali mola limongolio.