AYUBA 25 - KITABI HABARI MOPIOHE

Tei Bildad

^1-2 Lapatao̒ tei Bildad lolametao̒, “Allahu Taa̒ala boito okawaasa daa̒: ngoa̒amila tau musi humihela totalu-Lio; Eeyaalo tamolala odudame todelomo yilaidia-Lio tosologa.

³ Tingga mowali yia̒apo lo Malai̒kati tahe momaya to Eeya? Tingga woluo tambati udiila otinela lobaa-Ngio?

⁴ Tingga woluo manusia mantali tomato lo Allahu Taa̒ala? Tingga mowali tio mantali to bibilohu Eeya?

⁵ Duo̒lo Allahu Taa̒ala, tumbao̒ penu boli hulalo olo diila mobaango, wau poliyama ilanggapulio diila boti mobaango.

⁶ Tidiyolo mao̒ manusia, tiluwanti, ti titio̒! To mato lo Allahu Taa̒ala tio otutu diila ohalaga.”