Psalm 1 - LAPIHEN SIMBADIA DEUTEROKANONIKA

BUKKU PERLEBBÈ: PSALM 1—41 Kesayurntuaen situhuna

¹ Sayurntua ngo kalak siso mengèkutken peddah kalak perjahat, siso mengosih jelma perdosa oda mersaor dekket jelma simengelèai Dèbata,

² tapi dak lemmo atèna mengulaken Perèntah Jahowa janah mengeradum-radumisa mahar-ari berngin.

³ Dak merhasil ngo kalak sibagidi i karina bahanna codi bagè kayu i biding laè ngo ia merbuah i tikan mosimna janah oda nung males bulungna.

⁴ Tapi ukum kalak perjahat: codi bagè uhut sinisempulken angin ngo ia.

⁵ Ihukum Dèbata ngo perjahat i janah isirang bai bangsaNa nai.

⁶ Ukum jelma taat iteggu bana ijamoti Jahowa, tapi ukum kalak perjahat menghuju mi kemagonna.