Ester 10 - LAPIHEN SIMBADIA DEUTEROKANONIKA

Kesangapen si Ahasweros dekket si Mordekhai

¹ Ipaksa si Ahasweros ngo jelma i merrodi, oda ngo pellin ginemgem simerian i biding laut, tapi dekket ngo karina simerian i kelongoen pè.

² Karina sinibaingna mbelgah janah mahantu i dekket tori-torien bakunè ia pebangkitken si Mordekhai gabè perpangkat ndates, isurat ngo ibas bukku tori-torien raja-raja Persia dekket Media.

³ Hot ngo si Mordekhai mengkunduli pangkat sindatesna i terruh Raja Ahasweros. Ipesangap janah ikekelengi denganna sada bangsa ngo si Mordekhai. Dak iperjuangken ngo bangsana asa njuah-njuah janah nduma soh mi pinempar kalak i.