MATIUS 1 - ALLAH AKOT ATAKAM

MATIUS Aeapome Allah Akot Atakam Yesus Kristus arfais owe bajititimar atakam

¹ Ara atakam, Yesus Kristus arfaisomar juas bajititimar atakam. Armat Ipit Daut wurpisin. Daut Abraham wurpisin.

² Emesare, Abraham andep Ishak aren. Ishak andep ere, Yakub aren. Yakub aoorey jii ere, Yehuda aruum aren.

³ Yehuda aoorey jii ere, Peres anama Sera aren. Era ipit amnuk arsoot ere, Tamar aren. Me Peres andep ere, Hesron aren.

⁴ Hesron andep ere, Ram aren. Ram andep ere, Aminadab aren. Aminadab andep ere, Nahason aren. Nahason andep ere, Salmon aren.

⁵ Salmon andep ere, Boas aren. Boas arsoot ere, Rahab aren. Boas andep ere, Obed aren. Obed arsoot ere, Rut aren. Obed andep ere, Isai aren.

⁶ Isai andep ere, raja ipit juas Daut aren. Daut andep ere, Salomo aren. Salomo arsoot ere, Uria bonak ataete taot aren.

⁷ Me Salomo andep ere, Rehabeam aren. Rehabeam andep ere, Abia aren. Abia andep ere, Asa aren.

⁸ Asa andep ere, Yosafat aren. Yosafat andep ere, Yoram aren. Yoram andep ere, Usia aren.

⁹ Usia andep ere, Yotam aren. Yotam andep ere, Ahas aren. Ahas andep ere, Hiskia aren.

¹⁰ Hiskia andep ere, Manasye aren. Manasye andep ere, Amon aren. Amon andep ere, Yosia aren.

¹¹ Yosia andep ere, Yekhonya areotaisim aren. Ere, Babel owe, Israel owe, era Babel tapirmi jiisi atuumosomes bare aren.

¹² Are era owe jiisi atuumosomes ere, Yekhonya, Sealtiel aritipit aememen. Sealtiel andep ere, Serubabel aren.

¹³ Serubabel andep ere, Abihud aren. Abihud andep ere, Elyakim aren. Elyakim andep ere, Asor aren.

¹⁴ Asor andep ere, Sadok aren. Sadok andep ere, Akhim aren. Akhim andep ere, Eliud aren.

¹⁵ Eliud andep ere, Eleasar aren. Eleasar andep ere, Matan aren. Matan andep ere, Yakub aren.

¹⁶ Yakub andep ere, Yusuf aren. Me Yusuf ere, Maria armoen. Me Mariaam Yesus ajisipetiien. Me Yesus ere, juas Kristus.

¹⁷ Emesare, Abraham awasieme, wanam Daut awasieme bare ajiire, anom owetambwey 14en. Erarawa, Daut awasieme, wanam Babel owe Israel owe Babel tapirmi jiisi atuumosomes bare ajiire, anom owetambwey 14en. Erarawa, Babel owe, Israel owe, Babel tapirmi jiisi atuumosomes, wanam Kristus ajisamse bare ajiire, anom owetambwey 14en.

Yesus Kristus ajisamse atakam

¹⁸ Emesare, Yesus Kristus ajisamse atakam emes are: Arsoot Maria aren. Bonaknak ere, armat taot owe juas Yusuf oorey bajuut aemapen. Me, are era ipit bajuut apok ere, Allah Jip Maria jak asumapomen. Mariaam ajak asiape aporen.

¹⁹ Me, ajuutto ipit juas Yusuf, Musa Basakamtam Atakam ji bae ipitin. Are era taot damke bakamapom potan. Erarawa are era taot bataet apok, emes atakam tiruu asakamtiien.

²⁰ Armat ipit emes bimak binip atetaramen. Emes bimak binip atetaramerawa, ise atamwiten. Ise atamwiterawa, are Tuhan amalaikat bi aporen. Era malaikatam atakam Yusuf akoromen. “Yusuf! Wore Daut wurpis. Wore Maria bataet ombare bas. Era jak asiapmar ere, Allah jip aeme pak are.

²¹ Armat taot jii jipit ajisipetiitem. Era jii ere, aowe, adosa ajortaertem. Erarawa wore era jii juas Yesus aemtiitemarem.” Malaikat emes atakam aesimen.

^22-23 Bonaknak ere, Tuhan, atakam aatakam bakoretam ipit akoromen. Era ipit arawa, era atakam asamot owe akoretamen: “Tamane ban amsam apok taot jak asiaptem. Are jii jipit ajisipetiitem. Owe, Armat Ipit, juas Imanuel aemtiitemas.” Emes atakam aesimen. Emesare, owe era pak takes era atakam jipu aemesen. “Imanuel” daatakam jow bauumamtaer, “Allah da takan ajamememmaro.”

²⁴ Emesare. Yusuf ise awasiten. Ise awasiterawa, are Tuhan amalaikat atakam jipu aemen. Are Maria ataeren.

²⁵ Armat ipit ere, aremo, era jii ajisipetiie bare ajiire, damo bajukun apoknaken. Emesare, Yusuf era jii juas Yesus aemtiien.