Эстер 10 - Инжил ЛС (2005)

Мордохайдын зоболосунун көтөрүлүшү

¹ Ахашверош падыша өз падышалыгындагы кургактыктан баштап деңиз аралдарына чейин салык салды.

² Ахашвероштун күч-кубаты, кудурети жана бардык иштери, ошондой эле Мордохайга урмат көрсөтүп, анын даражасын жогорулаткандыгы жөнүндө «Мадай жана Персия падышаларынын жылнаамасы» китебине жазылган.

³ Иуда Мордохай даражасы боюнча Ахашверош падышадан кийинки экинчи адам болду. Ал өз элинин камын ойлоп, анын жыргалчылыгы жөнүндө гана сөз кылгандыктан, Мордохай иудалардын арасында кадыр-барктуу болуп, эли аны терең урматтаган.