Башталыш 36 - Инжил ЛС (2005)

Эсаптан тарагандар

¹ Эдом атка конгон Эсаптын санжырасы мындай.

² Эсап канаандык кыздарга үйлөнгөн. Биринчи аялы хет элинен чыккан Элондун кызы Ада болчу. Экинчиси Ананын кызы Охолибама эле. Охолибама хип элинен чыккан Зибондун небереси болчу.

³ Үчүнчүсү Ысмайылдын кызы, Наваёттун карындашы Басмат эле.

⁴ Ададан Элифаз, Басматтан Ревуел,

⁵ Охолибамадан Жууш, Жалам, Корах туулган. Булар – Эсаптын Канаанда туулган уулдары.

⁶ Эсап аялдарын, уул-кыздарын, кул-күңдөрүн жана Канаанда тапкан бардык мал-мүлкүн алып, иниси Жакыптан башка жакка көчүп кетти.

⁷ Анткени экөөнүн мал-мүлкү көп болгондуктан, бирге жашай албай калышкан. Отурукташкан жери малдын көптүгүнөн алар үчүн тар болуп калган.

⁸ Ушул себептен Эсап, же Эдом, Сеир тоолоруна барып жайланышты.

⁹ Сеир тоолорундагы эдомдуктардын түп атасы Эсаптын санжырасы мындай.

¹⁰ Эсаптын уулдарынын ысымдары: Ада деген аялынан Элифаз, Басмат деген аялынан Ревуел.

¹¹ Элифаздын уулдары: Теман, Омор, Зефо, Гатам, Кеназ.

¹² Тимна Эсаптын уулу Элифаздын токолу болгон, ал күйөөсүнө Амаликти төрөп берген. Эсаптын аялы Аданын уулдары ушулар.

¹³ Ревуелдин уулдары болсо булар: Нахат, Зерах, Шамма, Мизза. Булар – Эсаптын аялы Басматтын неберелери.

¹⁴ Зибондун небереси, Ананын кызы Охолибама күйөөсү Эсапка төрөп берген уулдары: Жууш, Жалам, Корах.

¹⁵ Эсаптан тараган уруу башчылары булар. Эсаптын тун уулу Элифаздын уулдары: Теман башчы, Омор башчы, Зефо башчы, Кеназ башчы,

¹⁶ Корах башчы, Гатам башчы, Амалик башчы. Булар – Эдом жеринде Элифаздын тукумунан чыккан башчылар, Аданын неберелери.

¹⁷ Эсаптын уулу Ревуелдин уулдары: Нахат, Зерах, Шамма, Мизза. Булар – Эдомдогу Ревуелдин тукумунан чыккан башчылар, Эсаптын аялы Басматтын неберелери.

¹⁸ Эсаптын аялы Охолибаманын уулдары: Жууш, Жалам, Корах. Булар – Ананын кызы, Эсаптын аялы Охолибамадан тараган башчылар.

¹⁹ Булардын баары Эсаптын, же Эдомдун урпактары жана анын уруу башчылары.

Сеирдин урпактары

²⁰ Эдом жеринде жашаган хори элинен чыккан Сеирдин уулдары булар: Латан, Шабал, Зибон, Ана,

²¹ Дишон, Эзер, Дишан. Булар – Сеирдин уулдары, Эдом жеринде жашаган хори элинин уруу башчылары.

²² Латандын уулдары: Хори менен Хемам. Тимна Латандын карындашы эле.

²³ Шабалдын уулдары: Алван, Манахат, Эйбал, Шефо, Онам.

²⁴ Зибондун уулдары: Ая жана Ана. Атасы Зибондун эшектерин кайтарып жүрүп, чөлдөн ысык булак таап алган Ана ушул.

²⁵ Ананын балдары: уулу Дишон жана кызы Охолибама.

²⁶ Дишондун уулдары: Хемдан, Эшбан, Итран, Керан.

²⁷ Эзердин уулдары: Билхан, Заабан, Акан.

²⁸ Дишандын уулдары: Уз менен Аран.

²⁹ Хори элинин уруу башчылары булар: Латан башчы, Шабал башчы, Зибон башчы, Ана башчы,

³⁰ Дишон башчы, Эзер башчы, Дишан башчы. Булар Сеир жериндеги хори элинин уруу башчылары эле.

Эдом падышалары

³¹ Ысрайыл элинде падыша боло электе, Эдом элинде төмөндөгү падышалар бийлик жүргүзгөн:

³² Беор уулу Бела Эдом падышасы болду. Анын шаарынын аты Динхаба эле.

³³ Бела дүйнө салгандан кийин, анын ордуна Зерахтын уулу Жабап падыша болду. Ал Босра шаарынан эле.

³⁴ Жабап кайтыш болгондон кийин, Теман жеринен Хушам падыша болду.

³⁵ Хушам кайтыш болгон соң, Маап жеринде мидияндарды кыйраткан, Бедаттын уулу Хадат падыша болду. Анын шаарынын аты Абыт эле.

³⁶ Хадат көз жумгандан кийин, анын ордуна Самла падыша болду. Ал Масрека шаарынан эле.

³⁷ Самла каза болгондон кийин, анын ордуна Шабыл падыша болду. Ал дарыя боюндагы Рехобот шаарынан болчу.

³⁸ Шабыл кайтыш болгон соң, анын ордуна Акбардын уулу Баал-Канаан падыша болду.

³⁹ Акбардын уулу Баал-Канаан көз жумгандан кийин, анын ордуна Хадар падыша болду. Анын шаарынын аты – Поо, аялынын аты – Мехетабыл. Мехетабыл Матреттин кызы, Матрет Мезахаптын кызы эле.

⁴⁰ Эсаптын уруулары, жерлерине карай бөлүнгөн уруу башчыларынын ысымдары мындай: Тимна, Алба, Жетет,

⁴¹ Охолибама, Эла, Пинон,

⁴² Кеназ, Теман, Мипсар,

⁴³ Магдиел жана Ирам. Өздөрү ээлеген жерге өз ысымдарын ыйгарган Эдом башчылары ушулар. Эдомдуктардын түпкү атасы Эсап эле.