Башталыш 10 - Инжил ЛС (2005)

Нухтан тараган элдер

¹ Нухтун уулдары Шем, Хам жана Жепет топон суудан кийин балалуу болушту. Алардын санжырасы мындай.

Жепеттен тараган элдер

² Жепеттин уулдары: Гомер, Магок, Мадай, Жабан, Тубал, Мешех жана Тирас.

³ Гомердин уулдары: Ашкеназ, Рипат жана Тогарма.

⁴ Жабандан Элиша жана Таршыш төрөлүп, ошондой эле киттер менен додандар тараган.

⁵ Деңиз жээгинде жашаган элдер ушулардын тукуму. Алар өз жери, өз тили, өз уруулары бар, өз-өзүнчө элдер эле.

Хамдан тараган элдер

⁶ Хамдын уулдары: Куш, Мисир, Пут жана Канаан.

⁷ Куштун уулдары: Себа, Хабила, Сапта, Раама жана Саптеха. Рааманын уулдары – Шеба менен Дедан.

⁸ Куштан Нимрот деген уулу бар эле, ал дүйнөгө атагы чыккан баатыр болгон.

⁹ Ал Жараткан Эгенин алдында мыкты аңчы да болгон, ошондуктан «Эгенин алдындагы Нимроттой мыкты аңчы» деп айтылып калган.

¹⁰ Анын падышалыгы Шынар жериндеги Бабыл, Эрех, Акат жана Калне деген шаарлардан башталган.

¹¹ Ошол жерден Ашурга келип, Нинеби, Рехобот-Ир, Калах шаарларын

¹² жана Нинеби менен Калахтын ортосунда жайгашкан Ресен шаарын да курду. Ресен чоң шаар эле.

¹³ Мисир болсо луттардын, анамдардын, лехавдардын, наптухтардын,

¹⁴ патрустардын, каслухтардын жана капторлордун түпкү атасы болгон. Каслухтардан пелиштилер тараган.

¹⁵ Канаандын тун уулу Сидон эле. Канаандан хеттер,

¹⁶ жебустар, аморлор, гиргаштар,

¹⁷ хибилер, арктар, синдер,

¹⁸ арбаддар, семарлар жана хаматтар тарады. Кийин канаандыктардын уруулары туш-тушка тарап кетти.

¹⁹ Канаандыктардын чеги Сидондон башталып, Герар аркылуу Газага жетип, анан Содом, Гомор, Адма, Себайымды курчап өтүп, Лашага чейин барчу.

²⁰ Булар өз уруулары, өз тили, өз жери, өз эли бар Хамдын урпактары эле.

Шемден тараган элдер

²¹ Жепеттин агасы Шемдин да балдары болду. Ал Эберден тарагандардын баарынын түпкү атасы эле.

²² Шемдин уулдары: Эйлам, Ашур, Арпакшат, Лут жана Арами.

²³ Араминин уулдары: Уз, Хул, Гетер жана Маш.

²⁴ Арпакшаттан Шелах, Шелахтан Эбер туулду.

²⁵ Эберден эки уул туулду. Биринин атын Пелек деп коюшту, анткени ошол кезде жер бөлүнгөн эле. Ал эми экинчисинин аты Жоктан эле.

²⁶ Жоктандан Алмадат, Шелеп, Хатсармабет, Жарах,

²⁷ Адырам, Узал, Дикла,

²⁸ Обол, Абымайыл, Шеба,

²⁹ Офир, Хабила жана Жабап туулду. Булардын баары Жоктандын уулдары.

³⁰ Алардын жашаган жери Мешадан тартып, Сыпар аркылуу чыгышта жайгашкан тоого чейин жеткен.

³¹ Булар өз уруулары, өз тили, өз жери, өз эли бар Шемдин тукумдары эле.

³² Нух уулдарынын тукуму уруу-уруу, эл-эл болуп, мына ушинтип бөлүнгөн. Топон суудан кийин жер бетине жайылган элдин баары алардан тараган.