Htû̌sò̌htò̌ 150 - Kawyaw New TestamentHtû̌sò̌htò̌ lô̌khô Cǒmara tûjû̌pwa̤ 1 Htû̌sò̌htò̌ Cǒmara tûjû̌pwa̤. Htû̌sò̌htò̌ Cǒmaradû̌ dǒ ata̤lṳhtò̌hô plò̌shǐkû. Htû̌sò̌htò̌ ata̤siwi̤sòwò̤ dǒ mǒkhû̌. 2 Htû̌sò̌htò̌ ata̤ma̤ cô̌klǐcô̌sè, ata̤dû̌ta̤htû dǒ awô̌lǒnu. 3 Ǔ kǐlû, dǒǐ tǐtu kû̌ tǐtutegwe dě htû̌sò̌htò̌ lô̌khô yǎ. 4 Plǎ̤ǐ cî̌ja, dǒǐ tǐtu, ǔ tǐlû̌, kalǐ htû̌sò̌htò̌ lô̌khô yǎ. 5 Plǎ̤ pwe̤nǎ̤sǎgô̌ cî̌ja dě htû̌sò̌htò̌ lô̌khô yǎ. 6 Ta̤bô̌lò̤ dǒ a ta̤htûpwa̤ ô̌ lǒ̤bò sî, htû̌sò̌htò̌ lô̌khô Cǒmara tûjû̌pwa̤. Htû̌sò̌htò̌ Cǒmara tûjû̌pwa̤. |
Wycliffe USA
The Seed Company