လံာ်မံကၤ 1 - Sgaw Mason Bible

¹ ယွၤအကလုၢ်လၢအဘၣ် ပှၤမိရၤၡးဖိစီၤမံကၤလၢအ ထံၣ်ဝဲလၢၡၤမရံ, ဒီးယရူၤၡလ့ၣ်အဂ့ၢ်လၢယူဒၤအစီၤပၤ ယိၤသၣ်, စီၤအၤဃာ်, ဒီးစီၤဃံးစကံယၤအမုၢ်နံၤတဖၣ် န့ၣ်လီၤ.

² ကနၣ်တက့ၢ်, ပှၤဂီၢ်မုၢ်ခဲလၢာ်သ့ၣ်ဧၢ, ဒိကနၣ်တ က့ၢ်, ဟီၣ်ခိၣ်ဒီးတၢ်မၤပှဲၤအီၤသ့ၣ်ဧၢ, ဒီးပျဲကစၢ်ယွၤ အုၣ်အသးလၢသုမဲာ်ညါ, ယွၤလၢအနူၢ်စီဆှံပူၤတက့ၢ်.

³ အဂ့ၢ်ဒ်အံၤ, ကွၢ်ကွၢ်, ယွၤဟဲထီၣ်လၢအလီၢ်ပူၤ, ဒီး ကဟဲလီၤဒီး ယီၢ်လီၤဟီၣ်ခိၣ်အလီၢ်ထီၣ်ထီတဖၣ်န့ၣ် လီၤ.

⁴ ဒီးကစၢၢ်ကလိကပှံၢ်ကွံာ်ဝဲလၢအဖီလာ်, ဒီးက စၢၢ်ကဆူးကသ့ၣ်ဖး ဒ်ဃိးလၢမ့ၣ်အူအမဲာ်ညါအသိး, ဒ်ထံလၢအလူလီၤအသးလၢတၢ်ဘံလိၤအသိးန့ၣ်လီၤ.

⁵ တၢ်အံၤတဖၣ်ခဲလၢာ်အိၣ်ဝဲလၢ ယၤကိာ်အတၢ်ကမၣ် အဃိ, ဒီးလၢအံၣ်စရ့လးအပှၤဟံၣ်ဖိအတၢ်ဒဲးဘးအဃိ လီၤ. ယၤကိာ်အတၢ်ကမၣ်န့ၣ်မ့ၢ်မနုၤတမံၤလဲၣ်. မ့ၢ် ၡၤမရံန့ၣ်တမ့ၢ်ဘၣ်ဧါ. ဒီးယူဒၤအလီၢ်ထီၣ်ထီတဖၣ်န့ၣ် မ့ၢ်မနုၤတမံၤလဲၣ်. မ့ၢ်ယရူၤၡလ့ၣ်တမ့ၢ်ဘၣ်ဧါ.

⁶ ဒီးယကပာ်ၡၤမရံလၢတၢ်ပူ လၢဟီၣ်ခိၣ်အကဝီၤပူၤ, စပံးအလီၢ်အတၢ်သူၣ်အသး, ဒီးယကတ့ၢ်လီၤကွံာ်အ လၢၢ်တဖၣ်ဆူကစၢၢ်ကဆူးပူၤ, ဒီးယကလီၣ်ဖျါထီၣ်အ ခီၣ်ထံးတဖၣ်လီၤ.

⁷ ဒီးအတၢ်ဂီၤတၢ်ဖီၣ်ခဲလၢာ် ကဘၣ်တၢ်တီၢ်လီၤကလဲ အီၤ, ဒီးမ့ၣ်အူကအီၣ်ကွံာ်အဘူးအလဲခဲလၢာ်, ဒီးယက မၤသယုၢ်အတၢ်ဂီၤတၢ်ဖီၣ်ခဲလၢာ်လီၤ. အဂ့ၢ်ဒ်အံၤ, ပာ် ဖှိၣ်ဝဲလၢ ပှၤဃဲသဲမုၣ်အဘူးအလဲ, ဒီးကကဲထီၣ်က့ၤ ပှၤဃဲသဲမုၣ်အဘူးအလဲလီၤ.

⁸ မၤသးဒ်န့ၣ်ဒီးယကဟီၣ်ဒီးဟီၣ်ပသူထီၣ်လီၤ. ယလဲၤ တၢ်ဘ့ၣ်ဆ့, ဒီးအိၣ်ဘ့ၣ်ဆ့လီၤ. ယကကိးထီၣ်ဒ်ထွံၣ် ဟီၣ်ခိၣ်အိၣ်ယူၤအသိးန့ၣ်, ဒီးဟီၣ်ပသူထီၣ်ဒ်ထိၣ်ကီၤ လၤအူးအသိးန့ၣ်လီၤ.

⁹ အဂ့ၢ်ဒ်အံၤ, အပူၤလီၢ်ဘျါတသ့ဘၣ်. မ့ၢ်မးအဒုၣ် အဒါဟဲဝဲဆူယူဒၤ, ပၢၢ်လၢယပှၤဂီၢ်မုၢ်အပဲတရီ, ပၢၢ် လၢယရူၤၡလ့ၣ်လီၤ.

¹⁰ စံးဘၣ်တဲဘၣ်တၢ်လၢကၤသးအပူၤတဂ့ၤ, ဟီၣ်လၢ ဧးကိၤအပူၤတဂ့ၤ, ကလိာ်နသးလၢ ဟီၣ်ခိၣ်အကမူၣ် ကျါဖဲဘ့ၤသဧၤဖြၤတက့ၢ်.

¹¹ ပှၤလၢအအိၣ်အဆိးလၢၡၤဖံၣ်ဧၢ, လဲၤပူၤကွံာ် တၢ် လၢနအိၣ်ဘ့ၣ်ဆ့ဒီးနမဲာ်ဆှးတက့ၢ်. ပှၤအိၣ်ဝဲဆိးဝဲလၢ စၤနၣ်အပူၤန့ၣ်တလဲၤထီၣ်ဘၣ်. ဘ့ၤစသ့လးအဟီၣ်တၢ် န့ၣ်တဂၢၢ်တကျၢၤဘၣ်လၢသုဃိဘၣ်.

¹² မ့ၢ်မးပှၤအိၣ်ဝဲဆိးဝဲ လၢမၤရိးအပူၤန့ၣ်သးလီအတၢ် ဂ့ၤတဖၣ်လီၤ. အဂ့ၢ်ဒ်အံၤ, တၢ်အၢဟဲလီၤလၢ ယွၤအ အိၣ်ဆူယရူၤၡလ့ၣ်အပဲတရီန့ၣ်လီၤ.

¹³ ပှၤအိၣ်ဝဲဆိးဝဲလၢလၤကံၣ်အပူၤဧၢ, စၢဃာ်လ့ၣ်က ဟၣ်ဒီးကသ့ၣ်ဃ့ၢ်သဖှိတက့ၢ်. မ့ၢ်တၢ်ဒဲးဘးအခီၣ်ထံး လၢစံယိၣ်အဖိမုၣ်အဂီၢ်လီၤ. မ့ၢ်မးအံၣ်စရ့လးအတၢ်မၤ ကမၣ်တဖၣ်အိၣ်ဝဲလၢနပူၤလီၤ.

¹⁴ မၤသးဒ်န့ၣ်ဒီးနဘၣ်ဟ့ၣ်တၢ်လီၤဖး အတၢ်ဟ့ၣ်လၢ မိၤရၡးကၤသးလီၤ. အၤကစံာ်အဟံၣ်တဖၣ်ကမၤအံၣ်စ ရ့လးအစီၤပၤတဖၣ်လၢတၢ်လီတၢ်ဝ့ၤလီၤ.

¹⁵ ပှၤအိၣ်ဝဲဆိးဝဲလၢမရ့ၡၤအပူၤဧၢ, ယကဒုးဟဲ ပှၤန့ၢ် သါတၢ်တဂၤဆူနအိၣ်, အံၣ်စရ့လးအလၤကပီၤကဟဲဝဲ ဆူဧဒူးလၣ်လီၤ.

¹⁶ မၤလ့ၤနခိၣ်, ဒီးလူၤအီၤလၢနဖိသးဘိအမဲာ်, မၤလဲၢ် ထီၣ်နခိၣ်လ့ၤအလီၢ်, ဒ်လံာ်ကြီကြာ်အသိးန့ၣ်တက့ၢ်. အဂ့ၢ်ဒ်အံၤ, အဝဲသ့ၣ်န့ၣ်လဲၤကဲကုၢ်ဝဲလၢနအိၣ်လီၤ.