Psalm 150 - BIBLE MUTAL

Kaksakin LEUM GOD

¹ Kaksakin LEUM GOD! Kaksakin LEUM GOD in Tempul lal! Kaksakin ku lal inkusrao!

² Kaksakunul ke orekma ku su El orala. Kaksakin fulatlana lal.

³ Kaksakunul ke pusren mwe ukuk. Kaksakunul ke pusren harp ac lyre.

⁴ Kaksakunul ke pusren drum ac ke onsrosro. Kaksakunul ke pusren harp ac flute.

⁵ Kaksakunul ke pusren cymbal. Kaksakunul ke cymbal yohk pusra.

⁶ Kaksakin LEUM GOD, kowos ma orekla nukewa su oasr moul la! Kaksakin LEUM GOD!