Psalm 146 - BIBLE MUTAL

Kaksakin God, Mwet Lango

¹ Kaksakin LEUM GOD! Kaksakin LEUM GOD, O ngunik!

² Nga fah kaksakin LEUM GOD in moul luk nufon; Nga fah on ac kaksakin God luk ke lusenna moul luk.

³ Nik kom filiya lulalfongi lom fin mwet kol lun faclu. Wangin mwet ku in molikomla.

⁴ Ke elos misa, elos folokla nu ke kutkut; In len sacnna akoo lalos nukewa wanginla.

⁵ Insewowo mwet se su eis God lal Jacob tuh Elan kasrel, Ac su filiya lulalfongi lal in LEUM GOD lal,

⁶ Su orala kusrao, ac faclu, ac meoa, Ac ma nukewa loac. El karingin wulela lal pacl e nukewa.

⁷ El oru nununku suwohs nu sin mwet su akkeokyeyuk, Ac El sang mwe mongo nu selos su masrinsral. LEUM GOD El tulala mwet kapir,

⁸ Ac El sang liyaten nu sin mwet kun. El tulokunulosyak su ikori. El lungse mwet suwoswos lal.

⁹ El karingin mwetsac su muta in facl sesr; El kasru mwet mukaimtal ac katinmas, Ac El usla mwet koluk nu ke kunausten.

¹⁰ LEUM GOD El tokosra ma pahtpat. God lom, O Zion, fah leum ke fwil nu ke fwil. Kaksakin LEUM GOD!