Salmos 150 - Jaꞌ An Biblia Yin Akateko

Al-le Ojabꞌ Watxꞌ Kꞌane Tet Jehová

¹ ¡Al-le ojabꞌ watxꞌ kꞌane tet Jehová! Bꞌitnojonwej tet yet ey jon ecꞌ bꞌey stemplo. Bꞌitnojonwej tet yutol miman yeloc apnoj sbꞌi Naj bꞌey satcan.

² Bꞌitnojonwej tet Jehová yu masanil tzet qꞌueyubꞌtaj yili tzet jix swaꞌne. Bꞌitnojonwej tet yu smimanbꞌilal tol miman yeocoj.

³ Bꞌitnojonwej tet yin cu xuon yucꞌaꞌ noꞌ meꞌ. Bꞌitnojonwej tet yetoj arpa, cꞌal yetoj chꞌen salterio.

⁴ Bꞌitnojonwej tet yetoj chꞌen pandereta. Bꞌitnojonwej tet yetoj flauta, cꞌal yetoj wanxa mitxꞌkꞌabꞌe eyoc xꞌanil.

⁵ Bꞌitnojonwej tet Jehová yetoj chꞌen platillo tol caw txian yoc yul snukꞌ; bꞌitnojonwej tet yetoj chꞌen platillo tol chi txanani yoc yul snukꞌ.

⁶ Masanil tzetyetal chi yiꞌ skaꞌeꞌ, bꞌitnoj ojabꞌ tet Jehová. ¡Al-le ojabꞌ watxꞌ kꞌane tet Jehová!