Baɗitari 36 - KAKAƊU NA ƁƊAKKARKARA

Mwankir Isuwa Ka Maɗashilərni Akwa Tsəɗi Kanana

¹ Nayeri ni an kəkayeri ar Isuwa, watau Edom.

² Isuwa ku kəl mwankir ni akwa nca maɗankwiyir mjir Kanana. Da an Ada na ngkwar Elon na mdər Hitti, ka Oholibama na ngkwar Ana na Ɓzər Zibeyon na mdər Hivi,

³ ka Basemath na ngkwar Ishmayel. Tsuwa Basemath an ngkwarma' Nebayoth.

⁴ Antə Ada ku yaɓəla Elifaz aka Isuwa, antə Basemath yaɓəla alari Reyuwel.

⁵ Tsuwa Oholibama ku yaɓəla alari Yewush, ka Yalam, ka Kora. Nayeri ni maɗashilər Isuwa natə mdə yaɓəla alari akwa tsəɗi Kanana.

Isuwa Ku Ɗu Ka Mwari Akwa Tsəɗi Damwa

⁶ Antə Isuwa fatə mwankirni, kəga maɗa'ni shili ka mwanki, ka shanga mjir kutakəyirni, kəga thlarni, ka shanga mwaɓiyayeri arni, ka shanga kariyayeri arni tə tsa wuta akwa tsəɗi Kanana, ka təra mwari akwa tsəɗi laga ciju ta ɓzərma'ni Yakub.

⁷ Tsa hara apani kamnyar tə mwaɓiyayeri arɗa ku hara hang, tə ahara ka da ndzəndzi ata vəi duku wa. Tsəɗi tə da akwa ni amzhi kəsi ɗa japu wa, kamnyar hangkurər mwaɓiyayeri arɗa.

⁸ Antə Isuwa mwari ka ndzəndzi akwa bwar garayeri ar Seyir, tsuwa Isuwa an Edom ni.

Kəkayeri Ar Isuwa Akwa Tsəɗi Seyir

⁹ Nayeri ni an kəkayeri ar Isuwa na kəkar mjir Edom akwa bwar garayeri ar Seyir.

¹⁰ Nayeri ni an thləma maɗashilər Isuwa, Elifaz na ɓzər Ada na mwalar Isuwa, ka Reyuwel na ɓzər Basemath na mwalar Isuwa.

¹¹ Maɗashilər Elifaz an Teman, ka Omar, ka Zefo, ka Gatam, ka Kenaz.

¹² Tsuwa Elifaz na ɓzər Isuwa ni ka mwala laga na ka thləmari Timna, na ku yaɓəla alari Amalek. Shang nayeri ni an maɗashili na kəkar Ada na mwalar Isuwa.

¹³ Maɗashilər Reyuwel an Nahath, ka Zera, ka Shamma, ka Mizza. Shang nayeri ni an maɗashili na kəkar Basemath na mwalar Isuwa.

¹⁴ Nayeri ni an maɗashilər Oholibama na mwalar Isuwa. Oholibama an ngkwar Ana na kəkar Zibeyon. Antə maɗashili tə tsa yaɓəla aka Isuwa an Yewush, ka Yalam, ka Kora.

Kuthlyayeri Ka Mji Ol'ola Ar Edom

¹⁵ Nayeri ni an thləma kuthlyayeri na səɓəla akwa nyarmbwar Isuwa. Maɗashilər Elifaz na yarakəmar Isuwa an; Teman, ka Omar, ka Zefo, ka Kenaz,

¹⁶ ka Kora, ka Gatam, ka Amalek. Shanga mji ngəni akwa Edom ni səɓəla akwa nyarmbwar Elifaz, tsuwa da an kəkar Ada na mwalar Isuwa.

¹⁷ Nayeri ni an maɗashilər Reyuwel na ɓzər Isuwa: Nahath, ka Zera, ka Shamma, ka Mizza: da an kuthlyayeri na səɓəla akwa nyarmbwar Reyuwel akwa tsəɗi Edom, tsuwa da an kəkar Basemath na mwalar Isuwa.

¹⁸ Maɗashilər Oholibama na mwalar Isuwa an: Yewush, ka Yalam, ka Kora. Da an kuthlyayeri na səɓəla akwa nyarmbwar Oholibama na mwalar Isuwa, tsuwa mwala ngəni an ngkwar Ana.

¹⁹ Nayeri ni an mji kəga kuthlyayeri na səɓəla akwa nyarmbwar Isuwa, watau Edom.

Vəi Natə Mjir Edom Thləla Ata

²⁰ Nayeri ni an thləma maɗashilər Seyir na mdər Hori, mji na ka ndzi akwa tsəɗi ni Lotan, ka Shobal, ka Zibeyon, ka Ana,

²¹ ka Dishon, ka Ezer, ka Dishan. Mji nayeri ni an kuthlyayeri ar mjir Hori, da an kəkar Seyir, mji na nthlə tsəɗi Edom.

²² Maɗashili na kəkar Lotan an Hori ka Heman. Tsuwa ngkwarma' Lotan aɗi ka thləmari Timna.

²³ Maɗashilər Shobal an Alvan, ka Manahath, ka Ebal, ka Shefo, ka Onam.

²⁴ Maɗashilər Zibeyon an Aiya ka Ana. Ngəni an Ana na wutə kucirkilar yimi gərgər akwa mtaku sakatə tsa akwa ɓəla kwarayeri ar baba'ni Zibeyon ni.

²⁵ Maɗa' Ana an ɓzərni Dishon ka ngkwarni Oholibama.

²⁶ Maɗashilər Dishon an Hemdan, ka Eshban, ka Ithran, ka Keran.

²⁷ Maɗashilər Ezer an, Bilhan, ka Zaavan, ka Akan.

²⁸ Maɗashilər Dishan an Uz ka Aran.

²⁹ Nayeri ni an kuthlyayeri na səɓəla akwa nyarmbwar Hori, Lotan, ka Shobal, ka Zibeyon, ka Ana,

³⁰ ka Dishon, ka Ezer, ka Dishan. Da an kuthlyayeri ar mjir Hori, ata nyarmbwa ata nyarmbwa, akwa tsəɗi Seyir.

Kuthlyayeri Ar Edom

³¹ Nayeri ni an kuthlyayeri na ku hara kuthlikur akwa tsəɗi Edom akəmata mjir Israila awutə kuthli.

³² Bela na ɓzər Beyor ku hara kuthlikur ata kəra Edom. Thləma bərniyirni an Dinhaba.

³³ Sakatə Bela ku mti, antə Yobab na ɓzər Zera na ahar Bozra ku dlu kuthlikur ata vəyari.

³⁴ Sakatə Yobab ku mti, antə Husham na akwa tsəɗiyir mjir Teman ku dlu kuthlikur ata vəyari.

³⁵ Sakatə Husham ku mti, antə Hadad ɓzər Bedad, ku dlu kuthlikur ata vəyari. Hadad ngəni an səm mjir Midiyan akwa mpa akwa tsəɗi Mowab. Thləma bərniyirni ni an Avith.

³⁶ Sakatə Hadad ku mti, antə Samla na ahar Masreka, ku dlu kuthlikur ata vəyari.

³⁷ Sakatə Samla ku mti, antə Shawulu na ahar Rehoboth na ata mnya Thlyagha Yufiretis ku dlu kuthlikur ata vəyari.

³⁸ Sakatə Shawulu ku mti, antə Baal Hanan na ɓzər Akbor ku dlu kuthlikur ata vəyari.

³⁹ Sakatə Baal Hanan na ɓzər Akbor ku mti, antə Hadar ku dlu kuthlikur ata vəyari. Thləma bərniyirni ni an Pau. Tsuwa thləma mwalankiɗa an Mehetabel na ngkwar Matred na ngkwar Mezahab.

⁴⁰ Nayeri ni an thləma kuthlyayeri na səɓəla akwa nyarmbwar Isuwa atar nyarmbwar ɗa ka vəyayeri tə da ndzi akwa. Kuthlyayeri ni an Timna, ka Alva, ka Yethleth,

⁴¹ ka Oholibama, ka Ela, ka Pinon,

⁴² ka Kenaz, ka Teman, ka Mibzar,

⁴³ ka Magdiyel, ka Iram. Da an kuthlyayeri ar Edom, watau Isuwa na kəkar mjir Edom, antə waskəi ku ndzəndzi ka bwarni akwa tsəɗiyir ɗa ni.