Baɗitari 10 - KAKAƊU NA ƁƊAKKARKARA

Kəkayeri Ar Maɗashilər Nuhu

¹ Nggədza thləma kəkayeri ar maɗa' Nuhu, na an Shem, ka Ham, ka Yafeth, natə aghəla yimər avava ni da ka kəra ɗa tsuwa ku wutə maɗashili.

Kəkayeri Ar Yafeth

² Kəkayeri ar Yafeth an, mjir Gomer, Magog, Madai, Yavan, Tebal, Meshek, ka Tiras.

³ Kəkayeri ar Gomer an mjir Ashkenaz, ka Rifath, ka Togarma.

⁴ Kəkayeri ar Yavan an, mjir Elisha, ka Tarshish, ka Kittim, ka Dodanim.

⁵ Atar kəkayeri ngəni antə mji na ana ndzi ata mnya yimi ku səɓəla ka titiləmtadzi akwa kəlara bwa, kəlara mji ka mnyar ɗa.

Kəkayeri ar Ham

⁶ Kəkayeri ar Ham an, mjir Kush, ka Masar, ka Put, ka Kanana.

⁷ Kəkayeri ar Kush an, mjir Seba, ka Havila, Sabta, ka Raama, ka Sabteka. Kəkayeri ar Raama an, mjir Sheba ka Dedan.

⁸ Kush ku yaɓəla Nimrod. Tsuwa Nimrod an mdə na ntangkəma akwa duniya na ndzi masəkur mpa.

⁹ Tsa an muzəmaku na mulmulari akəma MTHLAKU. An su na hara tə mda ana pəla, “Tsa apa Nimrod na muzəmaku na mulmulari akəma MTHLAKU.”

¹⁰ Tsa baɗitə nci kuthlikur arni akwa Babila, ka Erek, ka Akkad, tsuwa shanga ɗa ni akwa tsəɗi Shinar.

¹¹ Sakatə tsa zhar tsəɗi ndaga, antə mwari ahar Assiriya, ka nthləi Nineva, ka Rehoboth Ir, ka Kala,

¹² ka Resen na akwa daɓwa Nineva ka bərni na ola tə mda ana kəga thləmari Kala ni.

¹³ Antə Masar an kəkar mjir Lud, ka mjir Anam, ka mjir Lehab, ka mjir Naftu,

¹⁴ ka mjir Pathrus, ka mjir Kaslu, vəi tə mjir Filistiya ku səɓəla, ka tsuwa mjir Kaftor.

¹⁵ Antə Kanana ku yaɓəla Sidon natə tsa an ɓzər sal na yarakəmarni, kambəla tsa ya Heth.

¹⁶ Tsuwa Kanana an kəkar mjir Yebusi, ka mjir Amor, ka mjir Girgashi,

¹⁷ ka mjir Hivi, ka mjir Arki, ka mjir Sini,

¹⁸ ka mjir Arvad, ka mjir Zemari, ka mjir Hamath. Aghəla nda antə mjir kutakəyir Kanana ni ku titilidzi akwa kəlara bwa.

¹⁹ Antə tsəɗi mjir Kanana baɗita ahar Sidon təbwar Gerar, har ka kudzəhə ka Gaza, ka mwari təbwar Sodom, ka Gomora, ka Adma, ka Zeboyim, har ka mwanta adzə Lasha.

²⁰ Mji nayeri ni an kəkayeri na maɗashili ar Ham, na akwa ndzəndzi akwa tsəɗiyayeri arɗa, kutakəi kutakəi, kəga dura ɗa, waskəi ka mnyar ɗa.

Kəkayeri Ar Shem

²¹ Shem natə tsa an ɓzərma' Yafeth na olari, ku yaɓəla maɗashili, antə tsa an kəkar shanga mjir nyarmbwar Eber.

²² Kəkayeri na maɗashilər ar Shem an, Elam, ka Asshur, ka Arpakshad, ka Lud, ka Aram.

²³ Kəkayeri na maɗashili ar Aram an, Uz, ka Hul, ka Gethler, ka Mash.

²⁴ Arpakshad ku yaɓəla Shela, antə Shela ku yaɓəla Eber.

²⁵ Eber ku yaɓəla maɗashili suɗa. Thləma ɓzərni na yarakəma an Peleg, kamnyar akwa sakarni antə mdə ndəkəi duniya. Tsuwa thləma ɓzərma'ni an Yoktan.

²⁶ Antə Yoktan ku yaɓəla Almodad, ka Shelef, ka Hazarmaveth, ka Yera,

²⁷ ka Hadoram, ka Uzal, ka Dikla,

²⁸ ka Obal, ka Abimayel, ka Sheba,

²⁹ ka Ofir, ka Havila, ka Yobab. Shanga mji nayeri ni kəkayeri ar Yoktan.

³⁰ Kəla tsəɗi natə da andzəndzi akwa ni an baɗita adzə Mesha har ka mwanta ahar Sefar akwa tsəɗi garayeri na abwar raghəi.

³¹ Mji nayeri ni an kəkayeri na maɗashili ar Shem, na akwa ndzəndzi akwa tsəɗiyayeri arɗa, kutakəi kutakəi, kəga dura ɗa, waskəi ka mnyar ɗa.

³² Tsuwa shanga mji nayeri ni an mjir nyarmbwar Nuhu, apatə mdə jikatə ɗa ata nyarmbwa ata nyarmbwa, kəga dura ɗa. Tsuwa akwa nca mji ngəni antə mdə wutə mji na titiləmtadzi ata kəra duniya akwa kəlara bwa, aghəla yimər avava ni.