Matiye 2 - Testament ke Siki 1960 (Kabba Laka)

¹ Tokou doudjou Jésus béh té ke Bethléhem, nange té ke Judée, ndò té lo Mbaibé Hérode, wo, dooudjé ke ndjè kemkarèdjé ke loou té ke kade téh, ndé Jérusalem té, mpana,

² Nè ke dèdè doudjè to Mbaibé lo Juifdjé néh da wa? Mbata djèdjè djo ndètélendè la loou té ke kade téh, ke djèdjè ndé ta mpitè.

³ Tokou Mbaibé Hérode wo tar nèn, bel dè ke dèdè toï ke Jérusalem té tò.

⁴ Nè mbòn tokou ndjè kòrdjé ke ndjè da maketourou ndedjidjé lo Juifdjé, nè ndoudjoudè da koudjou Christ loou té ke da wa.

⁵ Dèdè mpa darè, Mè béh Bethléhem té ke Judée, mbata prophète da mè maketourou té tokou ban,

⁶ I Bethléhem ke nange té lo Juda, I to ngadjiba horo mbaidjé té lo Juda ang, Mbata mbai kada a téh hori té, Ke nè na kö dooudjé lom Israël.

⁷ Tokou ban Hérode bar ndjè kemkarèdjé hoi, nè ndoudjoudè ndètélendè téh ke ndò ban wa.

⁸ Nè nouladè Bethléhem té, mpana, Abidjé, esangidjé tar lo ngon nèn gaté gaté madji. Tokou sésè ingèdjé, etélidjé ta pa karem, baa mase ta kao pitè tò.

⁹ Tokou dèdè do tar lo Mbaibé ase, dèdè dao deo té lodè. Wo, ndètélendè ke dèdè do loou té ke kade téh, ao nòdè té sar nè narr loou té ke ngon éh kendé.

¹⁰ Tokou dèdè do ndètélendè mèdè koukou ke rònèl nya.

¹¹ Tokou dèdè dao mè kei té, dèdè do ngon ke këndjè Marie. Dèdè doso nange, dèdè mpitè. Tokou ban dèdè dòrou né kinga lodè, dèdè dare ngon né kinga ba, narè lor ke yambo encens ke myrrhe.

¹² Mbata Allah ndedjidè ke ni ta tél rò Hérode té ang, dèdè ntél dao béh lodè ke deo ke dang.

¹³ Tokou dèdè dao nga, wo, ange lo Mbaibé Seigneur kada téh rò Joseph té ke ni, pana, I tarr, oun ngon ke këndjè, aïndjé ke Egypte té. Isi nou sar ma mpa mari, mbata Hérode a sange ngon ta tòlè.

¹⁴ Joseph ï tarr, nè noun ngon ke këndjè tilti, nao Egypte té.

¹⁵ Nè nisi nou sar Hérode woei. Tar nèn dé tokou ban ta kare tar ke Mbaibé Seigneur pa leo deo té lo prophète, dé to tar ke tokoro, Ma mmar ngonem ke dingao ta téh Egypte té.

¹⁶ Tokou Hérode wo ndjè kemkarèdjé erè nga, ongou dè nya. Nè noula ta tòl ngandjé ke dingao toï ke Bethléhem té, ke mare béh té toï ke ngosiba to, dèdè toï ke bal lodè ase djo, ke dèdè ke bal lodè ase djo ang bai to. Nè ntoura ndò ke ndjè kemkarèdjé tòdjè mbä.

¹⁷ Tokou ban tar ke prophète Jérémie pa leo, dé to tar ke tokoro,

¹⁸ Do ndou Rama té, nò ke ki ke ongou, Rachel nò mbata nganè, nè ndiki ta kare mèa woul ang, mbata dèdè ngoto.

¹⁹ Tokou Hérode woei mbä, wo, ange lo Mbaibé Seigneur kada téh rò Joseph té ke ni ke Egypte té, pana,

²⁰ I tarr, oun ngon ke këndjè ao nange té lo Israël, mbata dèdè ke nsange ta tòl ngon doei mbä.

²¹ Joseph ï tarr, noun ngon ke këndjè, nao nange té lo Israël.

²² Tokou nè no tar na Archélaüs ö nange ke Judée tourou bèdjè Hérode té, bel da Joseph ta kao nou. Mbata Allah ndedjè ke ni, nè ntéh nao nange té ke Galilée.

²³ Nè nao nisi béh té kada ke ria na Nazareth, ta kare tar ke prophètedjé pa leo dé to tar ke tokoro, Dèdè da barè to Nazaréen.