Koula 12 - Testament ke Siki 1960 (Kabba Laka)

¹ Ndò té ke nou Mbaibé Hérode oula dja ta da madjang ke mare dooudjé ke kei Allah té.

² Nè ntòl Jacques ngokö Jean ke tòkou kiaa.

³ Tokou nè no mè Juifdjé koukou mbata tar nèn, nè nao ta kwaa Pierre tò. Ndè tén to ndò kousa mourou ke nkourou ke sér ang.

⁴ Tokou nè nwaa Pierre mbä, nè nilè kei koula té, nè nare ndjè pouroudjé dòkou gérè misä ta ngemè. Nè nedji ta karè ntéh no dooudjé té tokou ndò Pâque ndai.

⁵ Tokou ban dèdè ngem Pierre kei koula té, a dooudjé ke kei Allah doudjou Allah nya mbata la.

⁶ Tilti ndja ke Hérode ao ta karè ntéh daka, Pierre to dana lo ndjè pouroudjé djo, ntòè ke koulaa narè djo. Ndjè ngem kei koula arr ao ngem tadeo kei.

⁷ Wo, ange lo Mbaibé Seigneur kada téh, lokarè ndokoo mè kei té, ange ounda Pierre karè té ndolè, mpana, ï tarr loshénè loshénè. Koulaa narè ke dja té toutou.

⁸ Ange pa arè, Oula koubou loi ke oula ndar gòli té. Nè nda ban. Ange pa arè, Oula koubou ke bo loi ròi té tò, edé gom té.

⁹ Pierre ao daka, nao go ange té, nè ngeré ang né ke ange da to né ke tokoro, nè nedji nè no tokou lo ni.

¹⁰ Tokou dèdè ndai ndjè ngem kei ke kada ke yéh ke djo, dèdè ndé ta ndooko narè té ke ao deo bo. Ta ndooko teï ke mèa ndja ba, dèdè dao daka ndai deo kada, loshénè loshénè ange ïyè.

¹¹ Kedji lo Pierre tél, nè mpana, Loshénè mam ngeré ke tokoro to Mbaibé Seigneur ke oula ange la are òroum mè dji Hérode té, ke né toï ke Juifdjé ao ngebe.

¹² Tokou nè nedji mèa té ban, nè nao kei lo Marie kö Jean ke mare ria na Marc, loou té ke mare dooudjé nya mbòna, dao ndoudjou Allah.

¹³ Tokou nè nounda ta ndooko, ngonlokisi ke dènè ria na Rhode dé ta ko.

¹⁴ Tokou nè no ndou Pierre, nè nòrou ta ndooko ang mbata mèa koukou nya. Ntél naïn mè kei té mpa naredè, mpana, Pierre arr ta ndooko té.

¹⁵ Dèdè mpa darè, I to mbe. Nè mpa ke tarr to tokou ban ke tokoro. Dèdè mpana, To to ange la.

¹⁶ A Pierre tél ounda marè bai, tokou dèdè dòrou ta ndooko dèdè doè, mèdè ounda do biä.

¹⁷ Nè nyè dja naredè ta kisi dèkèkè, nè mpa naredè deo té ke Mbaibé Seigneur arè ntéh kei koula té. Nè mpana, Oulaidjé ke tar nèn are Jacques ke ndjè ke to ngaködjèdjè. Tokou ban nè ntéh daka, nao mare loou ke dang.

¹⁸ Tokou ban ke sindò ke kade téh, tòkou tar to horo ndjè pouroudjé té ta geré sè loou ke Pierre ao kendé.

¹⁹ Tokou Hérode sangè pi ke nè ningè ang, nè ndoudjou ndjè ke ngem tadeo kei koula, ke nè noula tè ta kare ntòldè. Gè té nè nïya Judée a nao Césarée té, nisi nou.

²⁰ Ongou da Hérode nya ke dooudjé ke Tyr ke Sidon. Gè té dèdè ntourou mè Blaste, doou ke ndjè ngem né ke mè kei té lo mbaibé, dèdè ndé rò mbaibé té naaté ta doudjou mè woul, mbata béh lodè inga mourou ke béh lo mbaibé.

²¹ Ke ndò kada ke nè mpa naredè, Hérode oula koubou mbai la, nè nisi ngèndé gange saria té, nè mpa tòkou tar naredè.

²² Dooudjé mpa ke tarr, Yèn to ndou bouka kòr kada, yèn to ndou doou ang.

²³ Loshénè loshénè ange lo Mbaibé Seigneur kada oundè mbata nè nòsou gadji Allah ang, tokou ban koudèdjé öè, nè noei.

²⁴ Tar lo Allah bar ke an nya wota.

²⁵ Barnabas ke Saul dï Jérusalem té, ntél tokou dèdè nda koula lodè ase, dèdè dare Jean ao kedè, ke mare ria na Marc.