2 Timoce 3 - Testament ke Siki 1960 (Kabba Laka)

¹ A egeré yèn, ke ndò té ke goukou a to ndò ke ngeng.

² Mbata dooudjé a to ndjè ndiki ròdè ndja, ndjè ndiki narè, ndjè borodjè ke òsou gadji ridè ndja, dodè ngeng, ndjè né tadji, da ko tar lo bòdèdè ke ködèdè ang, da taa né ke woio ang, dèdè da to madjang.

³ Dèdè da da mè madji ang, ke da kïya tar ang, ndjè toula do dooudjé, dèdè nto boo ke ròdè té ang, dèdè nda singa, dèdè mbeté né ke madji.

⁴ Ndjè ndoko dooudjé, do ndedji ang, mèdè tòkou nya, dooudjé ke ndiki ndam ke koukou ba, a dèdè ndiki Allah ang.

⁵ Dèdè nda tokou dooudjé ke ngem tar lo Allah, a dèdè mbeté yéh ke to singa la. Etourou goi are dooudjé ke tokou ban.

⁶ Mbata ke horodè tén, maredjé to ke ake mè kei té, dèdè dwaa mbe dènèdjé to beredjé ke oto né ke madjang nya, ke boo ke rò té dang dang dadè.

⁷ Dèdè do tar ke ndò toï, a dase geré gel tar ke tokoro ang.

⁸ Deo kadaba tokou Jannès ke Jambrès mbeté Moïse leo, dèdè nèn to mbeté tar ke tokoro, dooudjé ke éh ke gousou ke toudjou, dase tar ko mè té ang.

⁹ A dase da né ke wota dò yèn té ang, mbata dooudjé toï a ko mbe lodè, tokou do mbe lo Jannès ke Jambrès leo.

¹⁰ A i ndja go tar té ke madji ke mam ntòdjou, deo ngem rom té, né ke mam ndiki ta da, ko mè té lom, mem ke enge ang, ndiki lom, mem ke ïya ang.

¹¹ Né singa ke sangem, ongou ke né nya ke oso dom té Antioche té, ke Icone, ke Listre, né singa nya ke mam nwaa ngeng kendé. A Mbaibé Seigneur òroum horodè té toï.

¹² Tokoro, dèdè toï ke ndiki ta kisi deo ngem tar té lo Allah mè Christ Jésus té, da ngädè ke tar.

¹³ A dooudjé ke madjang, ke dooudjé ke ndjè kere a bar ke né ke madjang nya wota, dèdè da kere dooudjé ke dooudjé a keredè.

¹⁴ A i, isi ke né ke i wo mbä, ke are mei oso pon kendé, mbata i geré dooudjé ke tòdji né nèn.

¹⁵ Tokou nai basä i geré maketourou lo Allah, ke ase kari kemkarè kinga kadji, deo ko mè té ke to mè Christ Jésus té.

¹⁶ Tar toï ke maketourou té lo Allah, ï ta Allah té ndja, ke to madji mbata tòdjou tar, ke mbata tòdjou madjang lo doou ke daka, ke mbata tél ke doou deoè té, ke mbata ndedji doou deoè té gaté gaté.

¹⁷ Ta kare doou lo Allah ase toï, ta kare nè nase da koula ke madji toï.