tāitas 1 - ᑲᓈᒋ ᑭᐦᒋ ᒪᓯᓈᐦᐃᑲᐣ

¹ ᐹᓬ ᐅᐟ ᐊᑐᐢᑫᔮᑲᓇ ᑭᓭᒪᓂᑐ ᒥᓇ ᐅᐟ ᐊᐹᐢᑎᓬᐃᒪ ᒋᓴᐢ ᙭, ᐁ ᐃᑕᐢᑌᔨᐠ ᐅ ᑖᐯᐧᔦᔨᑕᒧᐃᐧᓂᔨᐤ ᑭᓭᒪᓂᑐ ᐅ ᓇᐊᐧᓱᓈᑲᓇ ᒥᓇ ᐁ ᑭᐢᑫᔨᑕᒥᕽ ᑖᐯᐧᐃᐧᐣ ᒪᓂᑐᐋᐧᑎᓯᐃᐧᓂᕽ ᑳ ᐃᑕᐢᑌᐠ,

² ᐁ ᐸᑯᓭᔨᒧᕽ ᑳᑭᑫ ᐱᒫᑎᓯᐃᐧᐣ ᐊᓂᒪ ᑭᓭᒪᓂᑐ ᐁᑳ ᑫ ᑭ ᑭᔭᐢᑭᐟ ᑳ ᑭ ᐊᓱᑕᒫᑫᐟ ᐯ ᒥᒋᒫᐨ ᐅᐦᒋ;

³ ᒫᑲ ᐃᐧᔭ ᐃᔨᑯᕽ ᐁ ᐃᑌᔨᑕᕽ ᑳ ᑭ ᐋᐧᐸᐦᑕᐦᐃᐁᐧᐟ ᐅᐟ ᐃᑌᐧᐃᐧᐣ ᐊᓂᒪ ᐃᑌᐧᐃᐁᐧᐃᐧᓂᕽ ᑳ ᑭ ᐸᒥᓇᒧᐃᑲᐃᐧᔭᐣ ᐁ ᐃᑕᐢᑌᔨᐠ ᐅᔮᓱᐁᐧᐃᐧᐣ ᑭᓭᒪᓂᑐ ᑯᐱᒫᒋᐦᐃᐁᐧᒥᓇᐤ;

⁴ ᐁ ᒪᓯᓇᐦᐊᒫᑖᐣ ᑖᐃᑕᐢ, ᑖᐯᐧ ᓂᐟ ᐊᐋᐧᓯᒥᐢ ᐁ ᐃᓯ ᐯᔭᑯᑕᔭᕽ ᑖᐯᐧᔦᔨᑕᒧᐃᐧᐣ; ᑭᓭᐋᐧᑐᑖᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐅᐦᒋᐢᑕᒫᐠ ᑭᓭᒪᓂᑐ ᐁᐧᔪᑖᐃᐧᕽ ᒥᓇ ᙭ ᒋᓴᐢ ᑯᐱᒫᒋᐦᐃᐁᐧᒥᓇᐤ.

⁵ ᐁᐊᐧᑯ ᐅᒪ ᐅᐦᒋ ᑳ ᑭ ᓇᑲᑎᑖᐣ ᑲᕒᐃᑎᕽ, ᑭᑕ ᑲᐧᔭᐢᑲᐧᐢᑖᔭᐣ ᐊᓂᐦᐃ ᑳ ᓄᑌᐸᔨᑭ ᒥᓇ ᑭᑕ ᐅᔭᑭᒪᒋᐠ ᑫ ᓂᑳᓀᔨᑖᑯᓯᒋᐠ ᑎᑲᐠ ᐅᑌᓈᕽ ᑳ ᑭ ᐃᓯ ᐸᒥᓇᒧᐃᑖᐣ;

⁶ ᑭᐢᐱᐣ ᐊᐃᐧᔭᐠ ᐁᑳ ᐁ ᐋᓀᐧᔨᑖᑯᓯᐟ, ᐁ ᐯᔭᑯᔨᐟ ᐃᐧᐊᐧ, ᐅᐟ ᐊᐋᐧᓯᒥᓴ ᐁ ᑖᐯᐧᑕᒥᔨᐟ, ᐁᑳ ᐁ ᐊᑖᒥᒥᒥᐦᐟ ᑭᐢᑫᐧᔮᑎᓯᐃᐧᐣ ᐊᐦᐳ ᓴᓯᐱᑕᒧᐃᐧᐣ.

⁷ ᒋᑫᒫ ᑭᐦᒋ ᐊᔭᒥᐦᐁᐃᐧᔨᓂᐤ ᐱᑯ ᑭᑕ ᐁᑳ ᐋᓀᐧᔨᑖᑯᓯᐟ ᑖᐱᐢᑯᐨ ᑭᓭᒪᓂᑐ ᐅ ᐸᒥᐢᑕᒪᐋᐧᑲᓇ; ᐁᑳ ᐁ ᐯᔭᑫᐧᔨᒥᓱᐟ, ᐁᑳ ᑭᔨᐸ ᐁ ᑭᓯᐋᐧᓯᐟ, ᐁᑳ ᐁ ᑭᑲᐃᐧᑕᐢᑭᐟ, ᐁᑳ ᐁ ᐸᑲᒪᐃᑫᐢᑭᐟ, ᐁᑳ ᐁ ᑳᓴᑳᑎᓯᐟ ᒪᒋ ᐅᐦᑎᓯᐃᐧᐣ;

⁸ ᒫᑲ ᑭᑕ ᓂᐦᑖ ᐱᐦᑐᑲᐦᐃᐁᐧᐟ, ᐁ ᓵᑭᐦᑖᐟ ᑳ ᒥᔮᐧᓯᓂᔨᐠ, ᐁ ᐯᔭᑕᑭ ᒥᑐᓀᔨᒋᑲᓀᐟ, ᐁ ᑲᐧᔭᐢᑳᐧᑎᓯᐟ, ᐁ ᑲᓈᑎᓯᐟ, ᐁ ᓇᐃᔨᑯᑳᐧᑎᓯᐟ;

⁹ ᐁ ᒥᒋᒥᓇᕽ ᑳ ᑖᐯᐧᐃᐧᓂᐊᐧᓂᔨᐠ ᐃᑌᐧᐃᐧᐣ ᑳ ᐃᑕᐢᑌᐠ ᑭᐢᑭᓄᐦᐊᒫᑫᐃᐧᐣ, ᑭᑕ ᑲᐢᑭᑖᐟ ᑭᑕ ᓯᑭᑫᒧᐟ ᑳ ᐱᒫᑎᓯᐢᑳᑫᐠ ᑲᑫᐢᑫᐧᐃᐧᐣ, ᒥᓇ ᑭᑕ ᑲᐢᑭᒫᐟ ᐅᑖᓀᐧᑕᒧᐊᐧ.

¹⁰ ᒋᑫᒫ ᒥᐦᒉᑎᐊᐧᐠ ᑳ ᓴᓯᐱᑕᑭᐠ ᐊᔨᓯᔨᓂᐊᐧᐠ, ᐱᑯᓇᑕ ᐁ ᐱᑭᐢᑫᐧᒋᐠ ᒥᓇ ᐁ ᐊᐧᔦᓯᐃᐁᐧᒋᐠ ᐅᓵᒼ ᐅᑎ ᐊᓂᑭ ᓴᕒᑲᒼᓴᐃᓯᐃᐧᐃᐧᐣ ᑳ ᐃᐧᒋᐃᐁᐧᒋᐠ,

¹¹ ᐁᐊᐧᑯᓂᐠ ᐱᑯ ᑭᑕ ᑭᐳᑐᓀᐅᐦᒋᐠ; ᐊᔨᓯᔨᓂᐊᐧᐠ ᑳ ᓂᓯᐊᐧᓈᒋᑖᒋᐠ ᒫᒥᓯᐁᐧ ᐋᐧᐢᑳᐦᐃᑲᓇ, ᐁ ᑭᐢᑭᓄᐦᐊᒫᑫᒋᐠ ᐊᓂᐦᐃ ᐁᑳ ᐁ ᐃᑕᐢᑌᔨᑭ ᑭᑕ ᑭᐢᑭᓄᐦᐊᒫᑫᒋᐠ, ᒪᒋ ᐅᐦᑎᓯᐃᐧᐣ ᐅᐦᒋ.

¹² ᐯᔭᐠ ᐃᐧᔭᐋᐧᐤ ᐅᐦᒋ, ᐃᐧᔭᐋᐧᐤ ᐅᑭᐢᑭᐁᐧᐦᐃᑫᐃᐧᔨᓂᒥᐋᐧᐊᐧ, ᑭ ᐃᑌᐧᐤ, ᑲᕒᐃᑕᓇᐠ ᑳᑭᑫ ᑭᔮᐢᑭᐢᑭᐊᐧᐠ, ᒪᒋ ᐱᓯᐢᑭᐊᐧᐠ, ᑭᑎᒥᑲᓂ ᐅᒥᐢᑕᒋᑫᐊᐧᐠ.

¹³ ᑖᐯᐧᐤ ᐊᐊᐧ ᑳ ᐃᑌᐧᐠ. ᐁᐊᐧᑯ ᐅᐦᒋ ᒫᑲ ᓱᐦᑭ ᑭᑕᐦᐊᒪᐃᐧᐠ, ᑭᑕ ᒪᐢᑲᐃᐧᓯᒋᐠ ᑖᐯᐧᔦᔨᑕᒧᐃᐧᓂᕽ,

¹⁴ ᐁᑳ ᑭᑕ ᓇᑐᑕᐦᑭᐠ ᒍᐃᐧ ᐊᑕᔪᑳᓇ ᒥᓇ ᐅᔭᓱᐁᐧᐃᐧᓂᔨᐊᐧ ᐊᔨᓯᔨᓂᐊᐧ ᑳ ᑫᐧᐢᑭᓂᐁᐧᔨᐟ ᑖᐯᐧᐃᐧᓂᕽ ᐅᐦᒋ.

¹⁵ ᑳ ᐯᑭᓯᒋᐠ ᑲᐦᑭᔭᐤ ᑫᑲᐧᐩ ᐯᑲᓂᔨᐤ; ᒫᑲ ᐊᓂᑭ ᐁᑳ ᑳ ᐯᑭᓯᒋᐠ ᒥᓇ ᐁᑳ ᑳ ᑖᐯᐧᑕᐦᑭᐠ ᓇᒪ ᑫᑲᐧᐩ ᐯᑲᓂᔨᐤ; ᒫᑲ ᑖᐱᐢᑯᐨ ᐅ ᒥᑐᓀᔨᒋᑲᓂᐋᐤ ᒥᓇ ᐅ ᑭᐢᑫᔨᒥᓱᐃᐧᓂᐋᐧᐤ ᓇᒪᐃᐧᔭ ᐯᑲᓂᔨᐤ.

¹⁶ ᑭᐢᑫᔨᒫᓈᐣ ᑭᓭᒪᓂᑐ ᐃᑖᐧᓱᐊᐧᐠ; ᒫᑲ ᐃᐧᔭ ᐅᐟ ᐃᓯᐦᒋᑫᐃᐧᓂᐋᐧᐊᐧ ᐅᐦᒋ ᐋᓀᐧᑕᐁᐧᐊᐧᐠ, ᐁ ᐸᑳᐧᑎᑯᓯᒋᐠ ᒥᓇ ᐁ ᓴᓯᐱᑕᑭᐠ ᒥᓇ ᑲᐦᑭᔭᐤ ᒥᔪ ᐊᑐᐢᑫᐃᐧᓇ ᐁ ᐸᑳᐧᑕᑭᐠ.