ᓂᑲᒧᓇ ᐅ ᓂᑲᒧᐣ 1 - ᑲᓈᒋ ᑭᐦᒋ ᒪᓯᓈᐦᐃᑲᐣ1 ᓂᑲᒧᓇ ᐅ ᓂᑲᒧᐣ ᐁᐊᐧᑫᐧᔨᐤ ᓵᓬᐊᒪᐣ. 2 ᑭᔮᒼ ᓂ ᑲ ᐅᒉᒥᐠ ᐅᒉᐦᑐᐃᐧᓇ ᐅᑐᓂᕽ ᐅᐦᒋ; ᒋᑫᒫ ᑭ ᓵᑭᐦᐃᐁᐧᐃᐧᐣ ᓇᐊᐧᐨ ᐃᔨᑯᕽ ᓱᒥᓈᐳ. 3 ᑭ ᑕᒪᐢᑯᐃᐧᓇ ᒥᔮᐧᐸᐦᑌᐸᔨᐊᐧ; ᑭ ᐃᐧᔪᐃᐧᐣ ᑖᐱᐢᑯᐨ ᑕᒪᐢᑯᐃᐧᐣ ᐁ ᓯᑭᓂᑳᑌᐠ ᐁᐊᐧᑯ ᐅᐦᒋ ᐅᐢᑭᓂᑭᐢᑫᐧᐊᐧᐠ ᑭ ᓵᑭᐦᐃᑲᐧᐠ. 4 ᐅᑖᐱᑫᓂᐣ; ᑭ ᑲ ᐱᒥᑎᓴᐅᑎᓈᐣ; ᑭᐦᒋ ᐅᑭᒫᐤ ᓂ ᑭ ᐱᑐᑲᐃᐠ ᐅ ᐱᐢᑭᐦᒋᑲᒥᑯᕽ; ᓂ ᑲ ᒪᒪᐦᑖᑯᓯᓈᐣ ᒥᓇ ᓂ ᑲ ᒥᔭᐋᐧᑌᓈᐣ ᑭᔭ ᐅᐦᒋ, ᓂ ᑲ ᒫᒥᐢᑯᑌᓈᐣ ᑭ ᓵᑭᐦᐃᐁᐧᐃᐧᐣ ᐊᐊᐧᓯᒣ ᐃᔨᑯᕽ ᓱᒥᓈᐳ; ᑲᐧᔭᐢᐠ ᑳ ᓵᑭᐦᐃᐢᑭᐠ. 5 ᓂ ᑲᐢᑭᑌᓯᐣ ᒫᑲ ᓂ ᒥᔪᓈᑯᓯᐣ ᑭᔭᐋᐧᐤ ᒉᕒᐅᓴᓬᐊᒼ ᐅᑖᓂᓯᒫᑎᐠ, ᑖᐱᐢᑯᐨ ᑭᑕᕒ ᒥᑭᐋᐸ, ᑖᐱᐢᑯᐨ ᐅᐟ ᐋᑯᔦᑲᐦᐃᑲᓇ ᓵᓬᐊᒪᐣ. 6 ᐁᑳᐃᐧᔭ ᑲᓇᐋᐧᐸᒥᐠ, ᒋᑫᒫ ᐁ ᐊᑎᓱᔮᐣ, ᐃᐧᔭ ᐱᓯᒼ ᐁ ᑭ ᐊᑎᓱᐟ. ᓂᑳᐃᐧ ᐅᑯᓯᓴ ᓂ ᑭ ᑭᓯᐢᑖᑲᐧᐠ, ᓱᒥᓂᑭᐢᑎᑳᓇ ᓂ ᑭ ᑲᓇᐁᐧᔨᑕᒧᐃᑲᐧᐠ; ᒫᑲ ᓂᔭ ᓂ ᓱᒥᓂᑭᐢᑎᑳᐣ ᓇᒪᐃᐧᔭ ᓄᐦ ᑲᓇᐁᐧᔨᑌᐣ. 7 ᐃᐧᐦᑕᒪᐃᐧᐣ ᑭᔭ ᑳ ᓵᑭᐦᐃᐢᐠ ᓂᐟ ᐊᐦᒑᕽ, ᑖᓂᑕ ᑳ ᐊᓴᒪᒋᐠ ᑭ ᒫᔭᑎᐦᑯᒪᐠ, ᐃᑕ ᑳ ᐊᔦᐧᐱᐊᒋᐠ ᐃᔮᐱᑖᑭᓯᑳᑭ; ᒋᑫᒫ ᑫᑲᐧᐩ ᐅᐦᒋ ᑫ ᐃᓯ ᐊᔮᔮᐣ ᑖᐱᐢᑯᐨ ᐊᐃᐧᔭᐠ ᑳ ᐊᑲᐧᓈᑫᐧᐦᐅᐟ ᒋᑭ ᐅ ᒫᔭᑎᐦᑯᒥᐋᐧᐊᐧ ᑭ ᐃᐧᒉᐋᐧᑲᓇᐠ? 8 ᑭᐢᐱᐣ ᐁᑳ ᑫᐢᑫᔨᑕᒧᐊᐧᓀ, ᑭᔭ ᑳ ᒫᐊᐧᒋ ᑲᑕᐊᐧᓯᓯᔭᐣ ᐃᐢᑫᐧᓈᕽ, ᐊᑎ ᐃᓯ ᓯᐯᐧᐦᑌ ᑳ ᐊᑎ ᐃᓯᐢᑲᓇᐁᐧᒋᐠ ᒫᔭᑎᐦᑲᐧᐠ, ᒥᓇ ᐊᓴᒥᐠ ᑭ ᐋᐧᐸᑎᑯᓯᓯᒪᐠ ᒋᑭ ᐅᑲᓇᐃᐧᒫᔭᑎᐦᑫᐧᐊᐧᐠ ᐃᐧᑭᐋᐧᕽ. 9 ᑭ ᑭ ᐋᐁᐧᐃᑎᐣ ᑳ ᓵᑭᐦᐃᑖᐣ, ᑖᐱᐢᑯᐨ ᒥᐢᑕᑎᒼ ᐯᕒᐅ ᐅ ᑎᑎᐱᑖᐹᓈᐢᑯᕽ. 10 ᑲᓄᐊᐧᔭ ᒥᔪᓈᑲᐧᓇᐧ ᐁ ᐊᐱᑳᑌᑭ ᑭᐢᑕᑲᔭ, ᑭᑲᐧᔭᐤ ᐁ ᓂᐱᑌᔮᐱᓴᐃᑳᑌᑭ ᐅᓵᐃᐧᓱᓂᔮᐋᐧᐱᐢᐠ ᐊᐧᐁᐧᓯᐅᐃᐧᓇ. 11 ᑭ ᑲ ᐊᐱᐦᑳᑕᒫᑎᓈᐣ ᐅᓵᐃᐧᓱᓂᔮᐤ ᐋᐧᐱᐢᑭᓱᓂᔮᐤ ᐊᑎ ᐋᔮᐲᐢ. 12 ᑭᐦᒋ ᐅᑭᒫᐤ ᐁ ᐊᐱᐟ ᐅ ᒥᒋᓱᐃᐧᓈᑎᑯᕽ, ᐢᐸᐃᐠᓈᕒᐟ ᑳ ᑕᒪᐢᑯᔮᐣ ᑭ ᓯᐯᐧ ᐃᐧᐦᑭᒫᑲᐧᐣ. 13 ᑳ ᓵᑭᐦᐊᐠ ᓂᐟ ᐃᑌᔨᒫᐤ ᑖᐱᐢᑯᐨ ᒪᕒ ᐁ ᐊᓴᐱᑌᐠ, ᐁ ᐊᐢᑌᐠ ᓈᐢᑭᑲᓂᕽ. 14 ᑳ ᓵᑭᐦᐊᐠ ᓂᐟ ᐃᑌᔨᒫᐤ ᑖᐱᐢᑯᐨ ᐦᐁᓇ ᐋᐧᐱᑯᓂᔭ ᐁᐣᑭᑕᐩ ᓱᒥᓂᑭᐢᑎᑳᓂᕽ. 15 ᒫᑎᑲ, ᑭ ᑲᑕᐊᐧᓯᓯᐣ ᑳ ᓵᑭᐦᐃᑖᐣ; ᒫᑎᑲ ᑭ ᑲᑕᐊᐧᓯᓯᐣ; ᑭᐢᑭᓯᑲᐧ ᑖᐱᐢᑯᐨ ᐅᒥᐦᒥᐊᐧ. 16 ᒫᑎᑲ, ᑭ ᑲᑕᐋᐧᓯᓯᐣ ᑳ ᓵᑭᐦᐃᑖᐣ, ᐁᐦᐁ, ᑭ ᒥᔦᐧᔨᑖᑯᓯᐣ; ᒥᓇ ᑭ ᓂᐯᐃᐧᓂᓇᐤ ᐊᐢᑭᑕᑳᐧᐤ. 17 ᒫᓯᑭᐢᐠ ᐱᒥᑕᑯᒋᑲᓇ ᑭ ᐋᐧᐢᑳᐦᐃᑲᓂᓈᕽ, ᒥᓇ ᐊᐸᑳᐧᓈᑎᑲᐧ ᐅᐢᑳᑎᐠ. |
This Bible text is a corrected edition of the 1908 Western Cree Bible; it is in the public domain.
Canadian Bible Society