ᓭᐣᐟ ᒫᕒᐠ 1 - ᑲᓈᒋ ᑭᐦᒋ ᒪᓯᓈᐦᐃᑲᐣ1 ᐁ ᒫᒋᐸᔨᔨᐠ ᐅ ᒥᐋᐧᒋᒧᐃᐧᐣ ᒋᓴᐢ ᙭, ᐅᑯᓯᓴ ᑭᓭᒪᓂᑐ. 2 ᒣᐧᐦᒋ ᑳ ᐃᑕᓯᓇᐦᐃᑫᐟ ᐋᓵᔭ ᐅᑭᐢᑭᐁᐧᐦᐃᑫᐤ, ᒋᐢᐟ ᑭ ᓂᑳᓂᑎᓴᐊᒫᑎᐣ ᓂᐟ ᐃᑌᐧᐃᐁᐧᒼ ᐊᓇ ᑫ ᓂᑳᓂ ᑲᐧᔮᒋᑕᒫᐢᐠ ᑭ ᒣᐢᑲᓇᐤ; 3 ᒪᑌᐧ ᑌᐯᐧᐤ ᐯᔭᐠ ᐱᑲᐧᑕᐢᑭᕽ, ᐊᐧᐁᐧᔨᑖᐋᐧᕽ ᐅ ᒣᐢᑲᓇᐤ ᑳ ᑎᐯᔨᐦᒋᑫᐟ, ᑲᐧᔭᐢᑲᐧᒧᑖᐋᐧᕽ ᐅ ᒣᐢᑲᓇᐊᐧ; 4 ᒑᐣ ᑭ ᐯ ᐃᑐᐦᑌᐤ ᐁ ᐹᑊᑕᐃᓯᐃᐧᑫᐟ ᐱᑲᐧᑕᐢᑭᕽ ᒥᓇ ᐁ ᑲᑫᐢᑭᒥᐁᐧᐟ ᐹᑊᑕᐃᓯᐃᐧᑫᐃᐧᐣ ᑭᑕ ᐳᓀᔨᒋᑳᑌᑭ ᒪᒋ ᐃᑎᐃᐧᓇ. 5 ᐁᑯᑕ ᒫᑲ ᑭ ᐯ ᐅᐦᒋ ᐊᐧᔭᐃᐧᔨᐊᐧ ᐁ ᐯ ᓈᑎᑯᐟ ᑲᐦᑭᔭᐤ ᒍᑎᔭ ᐊᐢᑭᕽ, ᒥᓇ ᑲᐦᑭᔭᐤ ᒉᕒᐅᓴᓬᐊᒥᕽ ᑳ ᐊᔮᒋᐠ; ᑭ ᐹᑊᑕᐃᓯᐃᐧᐃᑲᐧᐠ ᒫᑲ ᒑᕒᑕᐣ ᓯᐱᕽ, ᐁ ᐋᐧᐃᐧᑕᑭᐠ ᐅ ᒪᒋᑎᐃᐧᓂᐋᐧᐊᐧ. 6 ᒑᐣ ᒫᑲ ᑭ ᐃᐧᔮᑕᒼ ᐅᐱᐢᑳᐧᐃᐧᑲᓀᐃᐧᐱᓯᐢᑭᐤ ᐅᐱᐊᐧᔭ, ᒥᓇ ᐸᑫᑭᓄᐃᐧ ᐸᑲᐧᑌᐦᐅᐣ ᑭ ᐸᑲᐧᑌᐦᐅ, ᒥᓇ ᑭ ᒧᐁᐧᐤ ᑳᐧᐢᑯᑎᓯᓴ ᒥᓇ ᐱᑲᐧᒋ ᐊᒧ ᓯᓯᐹᐢᑲᐧᐟ. 7 ᑭ ᑲᑫᐢᑭᒥᐁᐧᐤ ᒫᑲ, ᐁ ᐃᑌᐧᐟ, ᐯᔭᐠ ᐯ ᑕᑯᓯᐣ ᐁ ᐊᐢᑯᐃᐧᐟ ᐊᐊᐧᓯᒣ ᐁ ᑭᐢᑌᔨᑖᑯᓯᐟ ᐃᐢᐱ ᓂᔭ, ᐅ ᒪᐢᑭᓯᓀᔮᐱᔭ ᓇᒪᐃᐧᔭ ᓂ ᑌᐸᑫᔨᑖᑯᓯᐣ ᑭᑕ ᓇᐊᐧᑭᔮᐣ ᑭᑕ ᐋᐱᑯᓇᒪᐧᐠ. 8 ᓂᔭ ᐃᐧᔭ ᓂᐱ ᑭ ᑭ ᐅᐦᒋ ᐹᑊᑕᐃᓯᐃᐧᐦᐃᑎᓈᐋᐧᐤ; ᒫᑲ ᐃᐧᔭ ᑳ ᑲᓈᑎᓯᔨᐟ ᐊᐦᒑᐦᑲᐧ ᑭ ᑲ ᐅᐦᒋ ᐹᑊᑕᐃᓯᐃᐧᐃᑯᐋᐧᐤ. 9 ᑭ ᐊᔨᑭᐣ ᒫᑲ ᐁᑯᐢᐱ ᐁ ᑲᑭᓯᑳᐠ, ᒋᓴᐢ ᑭ ᐯ ᐅᑐᑌᐤ ᓈᓴᕒᐁᑎᕽ ᑳᓬᐊᓬᐃ ᐊᐢᑭᕽ, ᐁᑯᓯ ᑭ ᐹᑊᑕᐃᓯᐃᐧᐃᐠ ᒑᓇ ᒑᕒᑕᓂᕽ. 10 ᓭᒫᐠ ᒫᑲ ᓂᐱᕽ ᐁ ᐯ ᐅᐦᒋ ᑲᐹᐟ, ᑭ ᐋᐧᐸᐦᑕᒼ ᑭᓯᑲᐧ ᐁ ᑕᐃᐧᐸᔨᑭ, ᐁᑯᓯ ᐊᐦᒑᐦᑲᐧ ᐅᒥᒥᕽ ᐁ ᐃᓯᓈᑯᓯᔨᐟ ᐁ ᐯ ᔭᓯᑐᑖᑯᐟ; 11 ᑭᓯᑯᕽ ᒫᑲ ᑭ ᐯ ᐅᐦᒋᐸᔨᐤ ᐃᑌᐧᐃᐧᐣ, ᑭᔭ ᑳ ᓵᑭᐦᐃᑖᐣ ᓂᑯᓯᐢ ᓈᐢᐱᐨ ᑳ ᓇᐦᐃᔭᐁᐧᐃᔭᐣ. 12 ᓭᒫᐠ ᒫᑲ ᐊᐦᒑᐦᑲᐧ ᑭ ᐃᓯᐃᐧᔨᐠ ᐸᑲᐧᑕᐢᑭᕽ. 13 ᐁᑯᑌ ᒫᑲ ᑭ ᐊᔮᐤ ᐱᑲᐧᑕᐢᑭᕽ ᓀᒥᑕᓇᐤ ᑭᓯᑳᐊᐧ, ᐁ ᑲᑫᐧᒋᐦᐃᑯᐟ ᓭᑕᓇ: ᐁ ᐃᐧᒉᐋᐧᐟ ᐱᑲᐧᒋ ᐱᓯᐢᑭᐊᐧ; ᐅᑭᓯᑯᐊᐧ ᒫᑲ ᑭ ᐸᒥᐃᐠ. 14 ᐃᐢᐱ ᒫᑲ ᑳ ᑭᐸᐅᐦᐟ ᒑᐣ, ᒋᓴᐢ ᑭ ᐯ ᑕᑯᓯᐣ ᑳᓬᐊᓬᐃᕽ, ᐁ ᑲᑫᐢᑭᒥᐁᐧᐟ ᑭᓭᒪᓂᑐ ᐅ ᒥᐋᐧᒋᒧᐃᐧᐣ, 15 ᐅᒥᓯ ᒫᑲ ᐁ ᐃᑌᐧᐟ, ᓵᓴᐩ ᑎᐱᐸᔨᐤ, ᒥᓇ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᑭᓯᐋᐧᐠ ᐊᔮᔨᐤ, ᑫᐧᐢᑳᑎᓯᐠ ᒥᓇ ᑖᐯᐧᑕᒧᐠ ᒥᐋᐧᒋᒧᐃᐧᐣ. 16 ᐁ ᐱᒫᓴᑳᒣᐟ ᒫᑲ ᑳᓬᐊᓬᐃ ᓵᑲᐦᐃᑲᓂᕽ ᑭ ᐋᐧᐸᒣᐤ ᓴᐃᒪᓇ ᒥᓇ ᐊᐣᑕᕒᐅᐊ ᐅᒋᐋᐧᒥᔨᐊᐧ ᓴᐃᒪᓇ, ᐁ ᐸᑭᑕᐋᐧᔨᐟ ᓵᑲᐦᐃᑲᓂᕽ: ᒋᑫᒫ ᑭ ᐅᓄᒋᑭᓄᓭᐁᐧᐃᐧᐊᐧᐠ. 17 ᒋᓴᐢ ᒫᑲ ᑭ ᐃᑌᐤ, ᐯ ᐱᒥᑎᓴᐦᐅᐠ, ᑭ ᑲ ᐃᓯᐃᑎᓈᐋᐧᐤ ᒫᑲ ᑭᑕ ᓄᒋᑭᓄᓭᐋᐧᑌᑳᐧᐤ ᐊᔨᓯᔨᓂᐊᐧᐠ. 18 ᓭᒫᐠ ᒫᑲ ᑭ ᓇᑲᑌᐊᐧᐠ ᐅᐟ ᐊᔭᐱᐋᐧᐊᐧ ᐁᑯᓯ ᐁ ᑭ ᐱᒥᑎᓴᐋᐧᒋᐠ. 19 ᐁ ᐊᑎ ᔭᐦᑭ ᓯᐯᐧᑌᐟ ᒫᑲ ᑭ ᐋᐧᐸᒣᐤ ᒉᒥᓴ ᐅᑯᓯᓴ ᓭᐱᑎ, ᒥᓇ ᒑᓇ ᐅᒋᐋᐧᒥᔨᐊᐧ, ᐅᓯᕽ ᐁ ᐊᔮᔨᐟ ᐁ ᒥᓴᔭᐯᔨᐟ. 20 ᓭᒫᐠ ᒫᑲ ᑭ ᓇᑐᒣᐤ; ᑭ ᓇᑲᑌᐊᐧᐠ ᒫᑲ ᐅᑖᐃᐧᐋᐧᐊᐧ ᓭᐱᑎᐊᐧ ᐅᓯᕽ ᐊᓯᒋ ᐊᑐᐢᑫᔮᑲᓇ, ᐁ ᑭ ᐱᒥᑎᓴᐋᐧᒋᐠ ᒫᑲ. 21 ᑭ ᐃᑐᐦᑌᐊᐧᐠ ᒫᑲ ᑫᐸᕒᓀᐊᒥᕽ, ᓭᒫᐠ ᒫᑲ ᐁ ᐊᔭᒥᐦᐁᑭᓯᑳᔨᐠ ᑭ ᐱᐦᑐᑫᐤ ᐊᔭᒥᐦᐁᐃᐧᑲᒥᑯᕽ ᐁ ᑭ ᑭᐢᑭᓄᐦᐊᒫᑫᐟ. 22 ᑭ ᒫᒪᐢᑳᑕᒣᐧᐊᐧᐠ ᒫᑲ ᐅ ᑭᐢᑭᓄᐦᐊᒫᑫᐃᐧᓂᔨᐤ; ᒋᑫᒫ ᑭ ᐃᓯ ᑭᐢᑭᓄᐦᐊᒫᑫᐤ ᑖᐱᐢᑯᐨ ᐊᐃᐧᔭᐠ ᐁ ᐊᔮᐟ ᑎᐯᔨᐦᒋᑫᐃᐧᐣ, ᓇᒪᐃᐧᔭ ᑖᐱᐢᑯ ᒪᓯᓇᐦᐃᑫᐃᐧᔨᓂᐊᐧᐠ. 23 ᐁᑯᑕ ᒫᑲ ᐅᐟ ᐊᔭᒥᐦᐁᐃᐧᑲᒥᑯᐋᐧᐠ ᐊᔮᐤ ᐯᔭᐠ ᐊᔨᓯᔨᓂᐤ ᐁ ᐊᔮᐋᐧᐟ ᐁᑳ ᐁ ᐯᑭᓯᔨᐟ ᐊᐦᒑᐦᑲᐧ; ᑭ ᑌᐯᐧᐤ ᒫᑲ, 24 ᐅᒥᓯ ᐁ ᐃᑌᐧᐟ, ᑫᑲᐧᐩ ᓂᔭᓈᐣ ᑫᓇᐋᐧᐸᒥᑯᔮᕽ ᑭᔭ ᐅᐦᒋ, ᑭᔭ ᒋᓴᐢ ᓈᓴᕒᐁᑎᕽ ᑯᐦᒋᔭᐣ? ᑭ ᐯ ᐃᑐᐦᑖᐣ ᒋ ᑭᑕ ᓂᓯᐊᐧᓈᒋᐃᔮᕽ? ᑭ ᑭᐢᑫᔨᒥᑎᐣ ᐊᐁᐧᓇ ᑭᔭ, ᐅ ᑲᓈᑎᓯᒪ ᑭᓭᒪᓂᑐ. 25 ᒋᓴᐢ ᒫᑲ ᑭ ᑭᑕᐦᐊᒪᐁᐧᐤ, ᐅᒥᓯ ᐁ ᐃᑖᐟ, ᐁᑳ ᑭᑐ, ᒥᓇ ᐯᒋ ᐊᐧᔭᐃᐧ ᐁᑯᑕ ᐅᐦᒋ. 26 ᐊᓇ ᒫᑲ ᐁᑳ ᑳ ᐯᑭᓯᐟ ᐊᐦᒑᕽ ᐁ ᐃᐧᓴᑭᐱᑖᐟ, ᒥᓇ ᐁ ᒥᐢᑕᐦᐃ ᑌᐯᐧᐟ, ᑭ ᐯ ᐊᐧᔭᐃᐧᐤ. 27 ᑲᐦᑭᔭᐤ ᒫᑲ ᑭ ᒫᒪᐢᑳᑕᒪᐧᐠ, ᐁᑯᓯ ᐁᐊᐧᑯ ᐅᐦᒋ ᑭ ᑲᑫᐧᒋᑐᐊᐧᐠ, ᐁ ᐃᑌᐧᒋᐠ, ᑫᑲᐧᐩ ᐅᒪ? ᑫᑯ ᐅᐢᑭ ᑭᐢᑭᓄᐦᐊᒫᑫᐃᐧᐣ ᐅᒪ? ᒋᑫᒫ ᑖᐱᐢᑯᐨ ᐁ ᑎᐯᔨᒫᐟ ᐃᓯ ᐅᔭᓱᐋᐧᑌᐤ ᐁᑳ ᐁ ᐯᑭᓯᔨᐟ ᐊᐦᒑᐦᑲᐧ ᐁᑯᓯ ᓇᓇᐃᐦᑖᐠ. 28 ᐅᐟ ᐋᒋᒥᑯᐃᐧᐣ ᒫᑲ ᒥᓯᐁᐧ ᑭ ᐯᑖᑲᐧᓂᔨᐤ ᑳᓬᐊᓬᐃ ᐊᐢᑭᕽ ᐋᐧᓴᑳᒼ. 29 ᓭᒫᐠ ᒫᑲ ᐃᐢᐱ ᐊᔭᒥᐦᐁᐃᐧᑲᒥᑯᕽ ᑳ ᐯ ᐅᐦᒋ ᐊᐧᔭᐃᐧᒋᐠ, ᑭ ᐱᐦᑐᑫᐊᐧᐠ ᐅ ᐋᐧᐢᑳᐦᐃᑲᓂᔨᕽ ᓴᐃᒪᓇ ᒥᓇ ᐋᐣᑕᕒᐅᐊᐧ ᐊᓯᒋ ᒉᒥᐢ ᒥᓇ ᒑᐣ. 30 ᓴᐃᒪᐣ ᒫᑲ ᐃᐧᐊᐧ ᐅᑳᐃᐧᔨᐊᐧ ᑭ ᐱᒥᓯᓂᔨᐊᐧ ᐁ ᑭᓯᓱᐋᐧᐢᐱᓀᔨᐟ; ᓭᒫᐠ ᒫᑲ ᑭ ᐊᒋᒧᐢᑕᐁᐧᐊᐧᐠ: 31 ᑭ ᐯ ᐃᑐᐦᑌᐤ ᒫᑲ, ᐁ ᑭ ᓴᑭᒋᒉᓈᐟ, ᒥᓇ ᑭ ᐅᐱᓀᐤ; ᓭᒫᐠ ᒫᑲ ᑭᓯᓱᐃᐧᐣ ᑭ ᓇᑲᑎᑯᔨᐊᐧ, ᐁᑯᓯ ᑭ ᐸᒥᐃᑲᐧᐠ. 32 ᐃᐢᐱ ᒫᑲ ᐁᑎ ᐅᑖᑯᓯᐠ, ᓵᓴᐩ ᐁ ᑭ ᐸᐦᑭᓯᒧᐠ, ᑭ ᐯᑕᒪᐁᐧᐊᐧᐠ ᑲᐦᑭᔭᐤ ᑳ ᐋᑯᓯᔨᐟ ᒥᓇ ᑳ ᐃᐧᔭᐃᐧᐢᑳᑯᔨᐟ ᒪᒋ ᐊᐦᒑᐦᑲᐧ. 33 ᑲᐦᑭᔭᐤ ᒫᑲ ᐅᑌᓈᕽ ᑳ ᐊᔮᒋᐠ ᑭ ᒫᐊᐧᒋᐃᑐᐊᐧᐠ ᐃᐢᑳᐧᑌᒥᕽ 34 ᑭ ᐃᔨᓂᑲᐦᐁᐤ ᒫᑲ ᒥᐦᒉᐟ ᑳ ᐋᑯᓯᔨᐟ ᓇᓈᑐᕽ ᐁ ᐃᑖᐢᐱᓀᔨᐟ, ᒥᓇ ᒥᐦᒉᐟ ᒪᒋ ᐊᐦᒑᐦᑲᐧ ᑭ ᐊᐧᔭᐃᐧᐁᐧᐱᓀᐤ, ᓇᒪᐃᐧᔭ ᒫᑲ ᑭ ᐃᔨᓇᒪᐁᐧᐤ ᒪᒋ ᐊᐦᒑᐦᑲᐧ ᑭᑕ ᐊᔭᒥᔨᐟ ᒋᑫᒫ ᑭ ᑭᐢᑫᔨᒥᐠ. 35 ᐃᐢᐱ ᒫᑲ ᑭᔦᑭᓭᐹᔮᐠ, ᐁ ᒪᐧᔦ ᒧᐢᒋᐊᐧᐠ ᐊᐧᐸᓂᔨᐠ ᑭ ᐊᐧᓂᐢᑳᐤ ᒥᓇ ᑭ ᐊᐧᔭᐃᐧᐤ, ᐁ ᑭ ᐃᑐᐦᑌᐟ ᐃᑕ ᐁ ᓂᓯᑲᑐᐁᐧᔨᑖᑲᐧᓂᔨᐠ, ᐁᑯᑕ ᐁ ᐊᔭᒥᐦᐋᐟ. 36 ᓴᐃᒪᐣ ᒫᑲ ᒥᓇ ᐊᓂᑭ ᑳ ᐃᐧᒉᐋᐧᒋᐠ ᑭ ᐱᒥᑎᓴᐁᐧᐊᐧᐠ. 37 ᐃᐢᐱ ᒫᑲ ᑳ ᒥᐢᑲᐋᐧᒋᐠ ᐅᒥᓯ ᑭ ᐃᑌᐊᐧᐠ, ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᓇᓈᑐᓈᑲᐧᐠ. 38 ᐅᒥᓯ ᒫᑲ ᑭ ᐃᑌᐤ, ᒫᐦᑎ ᐃᑐᑌᑖᐠ ᑯᑕᐠ ᐅᑌᓈᕽ, ᐁᑯᑕ ᒥᓇ ᑭᑕ ᑲᑫᐢᑭᒥᐁᐧᔮᐣ; ᒋᑫᒫ ᐁᐊᐧᑯ ᐅᐦᒋ ᑳ ᐯ ᐃᑐᐦᑌᔮᐣ. 39 ᐁᑯᓯ ᒫᑲ ᑭ ᑲᑫᐢᑭᒥᐁᐧᐤ ᐅᐟ ᐊᔭᒥᐦᐁᐃᐧᑲᒥᑯᔨᕽ ᒥᓯᐁᐧ ᑳᓬᐊᓬᐃᕽ, ᒥᓇ ᐁ ᑭ ᐊᐧᔭᐃᐧᐁᐧᐱᓈᐟ ᒪᒋ ᐊᐦᒑᐦᑲᐧ. 40 ᐁᑯᑕ ᒫᑲ ᑭ ᐯ ᓈᑎᐠ ᐅᒪᒑᐢᐱᓀᐊ, ᐁ ᑳᑭᓯᒧᑐᑖᑯᐟ, ᒥᓇ ᐁ ᐅᒋᐦᒋᐦᑲᐧᓇᐱᐢᑖᑯᐟ, ᐅᒥᓯ ᐁ ᐃᑎᑯᐟ, ᑭᐢᐱᐣ ᐃᑌᔨᑕᒪᓂ ᑭ ᑲ ᑭ ᐯᑭᐦᐃᐣ. 41 ᒋᓴᐢ ᒫᑲ, ᐁ ᑭᑎᒫᑭᓇᐋᐧᐟ, ᑭ ᓱᐃᐧᓂᐢᑫᔨᐤ, ᒥᓇ ᐁ ᑭ ᓵᒥᓈᐟ, ᐅᒥᓯ ᐁ ᐃᑖᐟ, ᓂᐟ ᐃᑌᔨᑌᐣ, ᑭ ᑲ ᐃᐧ ᐯᑭᐃᑲᐃᐧᐣ. 42 ᓭᒫᐠ ᒫᑲ ᒪᒑᐢᐱᓀᐃᐧᐣ ᑭ ᓇᑲᑎᐠ ᐁᑯᓯ ᑭ ᐯᑭᐋᐤ. 43 ᑭ ᐊᔮᑳᐧᒥᒣᐤ ᒫᑲ ᓭᒫᐠ ᒥᓇ ᑭ ᓯᐯᐧᑎᓴᐁᐧᐤ; 44 ᐅᒥᓯ ᐁ ᐃᑖᐟ, ᒣᔮᑳᐧᒼ ᐁᑳᐃᐧᔭ ᓈᐣᑕᐤ ᐃᓯ ᐊᐃᐧᔭᐠ ᐊᔨᓯᔨᓂᐤ, ᒫᑲ ᓯᐯᐧᐦᑌ, ᓇᑕᐃᐧ ᐋᐧᐸᑎᔨᓱᐢᑕᐤ ᐊᔭᒥᐦᐁᐃᐧᔨᓂᐤ, ᒥᓇ ᑭ ᐯᑭᐃᑯᐃᐧᐣ ᐅᐦᒋ ᐸᑭᑎᓈᓱ ᐊᓂᐦᐃ ᑫᑲᐧᔭ ᒧᓯᐢ ᑳ ᑭ ᐃᑕᓱᐁᐧᐟ, ᑭᑕ ᐅᐦᒋ ᑭᐢᑫᔨᑕᒧᐊᒋᐠ. 45 ᒫᑲ ᑭ ᐊᐧᔭᐃᐧᐤ, ᐁᑯᓯ ᐁ ᑭ ᓯᐯᐧᐋᑐᑕᕽ, ᒥᓇ ᒥᓯᐁᐧ ᐁ ᑭ ᑭᐢᑫᔨᑕᒧᐃᐁᐧᐟ ᐊᓂᒪ ᑳ ᑭ ᐃᑭᕽ, ᐁᐊᐧᑯ ᒫᑲ ᐅᐦᒋ ᒋᓴᐢ ᓇᒪᐃᐧᔭ ᒧᓯᐢ ᑭ ᐱᐦᑐᑫᐤ ᐅᑌᓈᕽ, ᒫᑲ ᓂᑯᑖᐧᐤ ᐱᑲᐧᑕᐢᑲᒥᑳᕽ ᑭ ᐊᔮᐤ; ᑭ ᐯ ᓈᑖᐤ ᒫᑲ ᒥᓯᐁᐧ ᐃᑌ ᐅᐦᒋ. |
This Bible text is a corrected edition of the 1908 Western Cree Bible; it is in the public domain.
Canadian Bible Society