mālakay 1 - ᑲᓈᒋ ᑭᐦᒋ ᒪᓯᓈᐦᐃᑲᐣ1 ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᐁ ᑌᐹᐧᑖᐟ ᐃᐢᕒᐁᐃᓬᐊ ᒫᓬᐊᑲᐩ ᐅᐦᒋ. 2 ᑭ ᑭ ᓵᑭᐦᐃᑎᓈᐋᐧᐤ, ᐃᑌᐧᐤ ᑳ ᑎᐯᔨᐦᒋᑫᐟ. ᐁᔨᐁᐧᕽ ᒫᑲ ᑭᐟ ᐃᑖᐧᓈᐋᐧᐤ, ᑖᓂᑕ ᐃᐧᔭ ᑳ ᓵᑭᐦᐃᔮᕽ? ᓇᒪ ᒋ ᐃᓵ ᐁᐊᐧᑯᓂ ᒉᑲᑊ ᐅᒋᐋᐧᒪ? ᐃᑌᐧᐤ ᑳ ᑎᐯᔨᐦᒋᑫᐟ; ᐁᔨᐁᐧᕽ ᒫᑲ ᓂ ᑭ ᓵᑭᐦᐋᐤ ᒉᑲᑊ; 3 ᒫᑲ ᐃᓵ ᓂ ᑭ ᐸᑳᐧᑖᐤ, ᒥᓇ ᐅ ᐊᐧᒋᒪ ᓂ ᑭ ᑭᐋᐧᒋᐦᑖᐋᐧᐣ, ᒥᓇ ᑳ ᑎᐯᔨᐦᑕᕽ ᓂ ᑭ ᒥᔨᒫᐊᐧ ᐱᑲᐧᒋ ᐊᑎᒪᐧ ᐱᑲᐧᑕᐢᑭᕽ ᑳ ᐊᔮᒋᐠ. 4 ᐁᑯᓯ ᐃᐧᔭ ᐃᑕᒼ ᐃᑌᐧᐤ, ᓂ ᑭᑎᒪᐦᐃᑲᐃᐧᓈᐣ, ᒫᑲ ᓂ ᑲ ᐯ ᑭᐋᐧᓈᐣ ᐁᑯᓯ ᓂ ᑲ ᐅᓯᐦᑖᓈᐣ ᑳ ᐱᑲᐧᑕᐢᑌᑭ; ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᑭᑕ ᐋᐧᐢᑳᐦᐃᑲᓂᑫᐊᐧᐠ ᒫᑲ ᓂ ᑲ ᓂᐦᒋᐁᐧᐱᓇᒫᐧᐣ; ᐁᑯᓯ ᐊᔨᓯᔨᓂᐊᐧ ᑭᑕ ᐃᓯᔨᐦᑳᑎᑲᐧᐠ, ᑳ ᐋᐧᓴᑳᒣᔮᐠ ᒪᒑᔨᐃᐧᐣ, ᒥᓇ, ᐊᔨᓯᔨᓂᐊᐧᐠ ᑳ ᑎᐯᔨᐦᒋᑫᐟ ᑳ ᑭᓯᐢᑕᐋᐧᐟ ᑳᑭᑫ. 5 ᐁᑯᓯ ᑭᐢᑭᓯᑯᐋᐧᕽ ᑭ ᑲ ᐋᐧᐸᐦᑌᓈᐋᐧᐤ, ᒥᓇ ᑭ ᑲ ᐃᑖᐧᓈᐋᐧᐤ, ᑳ ᑎᐯᔨᐦᒋᑫᐟ ᑭᑕ ᐃᐧ ᑭᐢᑌᔨᑖᑯᐦᐋᐤ ᐊᐊᐧᓵᔨᕽ ᐁᐢᑯ ᐅᑕᐢᑭᐠ ᐃᐢᕒᐁᐃᓬ. 6 ᐅᑯᓯᓯᒫᐤ ᑭᐢᑕᑭᒣᐤ ᐅᑖᐃᐧᔭ, ᒥᓇ ᐊᑐᐢᑫᔮᑲᐣ ᐅᐟ ᐅᑭᒫᒪ; ᑭᐢᐱᐣ ᒫᑲ ᓂᔭ ᐅᑖᐃᐧᒫᐤ, ᑖᓂᑌ ᓂ ᑭᐢᑌᔨᒥᑯᐃᐧᐣ? ᒥᓇ ᑭᐢᐱᐣ ᐁᐧᑭᒫᐃᐧᐋᐧᓀ ᑖᓂᐁᐧ ᓂ ᑯᓯᑫᐧᔨᒥᑯᐃᐧᐣ? ᑭᑎᑯᐋᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᑭᔭᐋᐧᐤ ᐊᔭᒥᐦᐁᐃᐧᔨᓂᑎᐠ, ᑳ ᐱᐁᐧᔨᑕᒣᐠ ᓂ ᐃᐧᔪᐃᐧᐣ. ᑭᐟ ᐃᑖᐧᓈᐋᐧᐤ ᒫᑲ, ᑖᓂᑕ ᑳ ᐱᐁᐧᔨᑕᒫᕽ ᑭ ᐃᐧᔪᐃᐧᐣ? 7 ᑭ ᐸᑭᑎᓈᐋᐧᐤ ᐁᑳ ᐁ ᐯᑭᓯᐟ ᐸᐦᑫᐧᓯᑲᐣ ᓂ ᐸᑭᑎᓈᓱᐃᐧᓈᐱᐢᑯᕽ, ᐁᑯᓯ ᑭᐟ ᐃᑖᐧᓈᐋᐧᐤ, ᑖᓂᑕ ᐁᑳ ᑳ ᑲᓈᑌᔨᒥᑖᕽ? ᐊᓂᒪ ᐁ ᐃᑌᐧᔦᐠ, ᐅ ᒥᒋᓱᐃᐧᓈᑎᐠ ᑳ ᑎᐯᔨᐦᒋᑫᐟ ᒫᔦᔨᑖᑲᐧᓂᔨᐤ. 8 ᒥᓇ ᐯᑭᑎᓈᔦᑯ ᐁᑳ ᑳ ᐋᐧᐱᐟ ᑭᑕ ᐸᑭᑎᓈᓱᔦᐠ, ᓇᒪᐃᐧᔭ ᒫᔮᑕᐣ! ᒥᓇ ᐯᑭᑎᓈᔦᑯ ᑳ ᒫᐢᑭᓯᐟ ᒥᓇ ᑳ ᐋᐦᑯᓯᐟ, ᓇᒪᐃᐧᔭ ᒫᔮᑕᐣ! ᒫᐦᑎ ᐁᑲᐧ ᐸᑭᑎᓇᒪᐤ ᑯᔭᓱᐁᐧᐃᐧᑭᒫᒼ; ᑭ ᑲ ᒥᔦᐧᔨᒥᐠ ᒋ? ᐊᐦᐳ ᒋ ᑭ ᑲ ᒥᔪ ᐅᑎᓇᒫᐠ? ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ. 9 ᐁᑲᐧ ᒫᑲ ᒫᐦᑎ ᑳᑭᓯᒧᑐᑖᕽ ᑭᓭᒪᓂᑐ ᑭᑕ ᑭᑎᒫᑭᓈᑯᔭᕽ; ᑭᔭᐋᐧᐤ ᐅᐦᒋ ᐅᒪ ᑳ ᐃᐢᐸᔨᐠ; ᑭ ᑲ ᒥᔪ ᐅᑎᓇᒫᑯᐋᐧᐤ ᒋ ᓂᑯᑖᐧ ᑭᔭᐋᐧᐤ? ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ. 10 ᐱᑕᓀ ᐊᐃᐧᔭᐠ ᐃᐦᑖᐟ ᑭᔭᐋᐧᐤ ᑭᑕ ᑭᐸᐊᕽ ᐃᐢᑳᐧᑌᒪ, ᐁᑳ ᐱᑯᓇᑕ ᑭᑕ ᑳᐧᑯᑌᓇᒣᐠ ᐃᐢᑯᑌᐤ ᓂ ᐸᑭᑎᓈᓱᐃᐧᓈᐱᐢᑯᕽ! ᓇᒪᐃᐧᔭ ᑭ ᓇᐦᐃᔭᐁᐧᐃᓈᐋᐧᐤ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᓇᒪᐃᐧᔭ ᒥᓇ ᓂ ᑲ ᐅᑎᓀᐣ ᐸᑭᑎᓈᓱᐃᐧᐣ ᑭᒋᐦᒋᐋᐧᕽ. 11 ᒋᑫᒫ ᐁ ᓵᑳᐢᑌᐠ ᐅᐦᒋ ᐱᔨᐢ ᐁ ᐸᐦᑭᓯᒧᐟ ᐱᓯᒼ ᓂ ᐃᐧᔪᐃᐧᐣ ᑭᑕ ᑭᐦᒉᔨᑖᑲᐧᐣ ᒉᐣᑕᐃᓬᐃᓈᕽ; ᒥᓇ ᒥᓯᐁᐧ ᐃᑕ ᐃᐧᑭᒫᓯᑳᓂᐊᐧᐣ ᓂ ᐃᐧᔪᐃᐧᓂᕽ ᐃᓯ, ᒥᓇ ᐁ ᐯᑲᕽ ᐸᑭᑎᓈᓱᐃᐧᐣ; ᒋᑫᒫ ᓂ ᐃᐧᔪᐃᐧᐣ ᑭᑕ ᑭᐦᒉᔨᑖᑲᐧᐣ ᒉᐣᑕᐃᓬᐃᓈᕽ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ. 12 ᒫᑲ ᐃᐧᔭ ᑭᔭᐋᐧᐤ ᑭ ᐱᐁᐧᔨᑖᑯᑖᓈᐋᐧᐤ, ᐊᓂᒪ ᑳ ᐃᑌᐧᔦᐠ, ᐅ ᒥᒋᓱᐃᐧᓈᑎᐠ ᑳ ᑎᐯᔨᐦᒋᑫᐟ ᐃᐧᔨᐱᑖᐋᐧᐣ, ᒥᓇ ᐁ ᐃᓯ ᒥᓂᓯᐊᐧᓂᔨᐠ, ᐅ ᐃᐧᔮᓯᒼ ᐅᑎ, ᒫᔦᔨᑖᑲᐧᓂᔨᐤ. 13 ᑭᐟ ᐃᑖᐧᓈᐋᐧᐤ ᒥᓇ, ᒫᑎᑲ, ᑖᐯᐧ ᓯᑲᑌᔨᑖᑲᐧᐣ! ᐁᑯᓯ ᑭ ᑭ ᐋᑕᐁᐧᔨᑌᓈᐋᐧᐤ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ; ᐁᑯᓯ ᑭ ᑭ ᐯᑖᓈᐋᐧᐤ ᐊᓂᒪ ᑳ ᑭ ᒪᐢᑲᑌᐧᕽ, ᒥᓇ ᑳ ᒫᐢᑭᓯᐟ, ᒥᓇ ᑳ ᐋᐦᑯᓯᐟ; ᐁᑯᓯ ᑳ ᐃᓯ ᐯᑖᔦᐠ ᐸᑭᑎᓈᓱᐃᐧᐣ; ᓂ ᑲ ᐅᑎᓀᐣ ᒋ ᐅᒪ ᑭᒋᐦᒋᐋᐧᕽ? ᐃᑌᐧᐤ ᑳ ᑎᐯᔨᐦᒋᑫᐟ. 14 ᒫᑲ ᑭᑕ ᒪᒐᑭᒫᐤ ᐅᑲᔦᓯᐃᐁᐧᐤ ᑳ ᐊᔮᐋᐧᐟ ᒫᔭᑎᐦᑯᓈᕽ ᔮᐯᐊᐧ, ᑳ ᑭᐦᒋᐃᑌᐧᐟ ᒫᑲ, ᐁᑯᓯ ᑳ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ ᐁ ᒫᐢᑭᓯᔨᐟ; ᒋᑫᒫ ᓂ ᑭᐦᒋ ᐅᑭᒫᐃᐧᐣ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᒥᓇ ᓂ ᐃᐧᔪᐃᐧᐣ ᑯᐢᑖᑌᔨᑖᑲᐧᐣ ᒉᐣᑕᐃᓬᐃᓈᕽ. |
This Bible text is a corrected edition of the 1908 Western Cree Bible; it is in the public domain.
Canadian Bible Society