maika 1 - ᑲᓈᒋ ᑭᐦᒋ ᒪᓯᓈᐦᐃᑲᐣ

¹ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᐅᑎᐦᑎᑯᐟ ᒪᐃᑲ ᐊᓇ ᒫᕒᐊᐢᑕᐃᐟ ᒣᑳᐧᐨ ᐁ ᐊᔮᒋᐠ ᒑᐦᑖᒼ, ᐁᐦᐋᐢ, ᒥᓇ ᐦᐁᓯᑳᔭ, ᒍᑕ ᑭᐦᒋ ᐅᑭᒫᐊᐧᐠ, ᑳ ᑭ ᐃᓯ ᐋᐧᐸᐦᑕᕽ ᓴᒣᕒᐃᔭ ᒥᓇ ᒉᕒᐅᓴᓬᐊᒼ ᐅᐦᒋ.

² ᐯᐦᑕᒧᐠ, ᑭᔭᐋᐧᐤ ᐊᔨᓯᔨᓂᑎᐠ, ᑲᐦᑭᔭᐤ ᐁ ᐃᑕᓯᔦᐠ; ᑭᔭ ᐊᐢᑭ, ᒥᓇ ᑲᐦᑭᔭᐤ ᑫᑲᐧᐩ ᐁᑯᑕ ᑳ ᐊᔮᐠ; ᐁᑯᓯ ᑭᔮᒼ ᑳ ᑎᐯᔨᐦᒋᑫᐟ ᑭᓭᒪᓂᑐ ᑭ ᑲ ᐋᒋᒥᑯᐋᐧᐤ, ᑳ ᑎᐯᔨᐦᒋᑫᐟ ᑳ ᑲᓈᑕᓂᔨᐠ ᐅ ᑭᐦᒋᐊᔭᒥᐦᐁᐃᐧᑲᒥᑯᕽ ᐅᐦᒋ.

³ ᒋᑫᒫ ᒫᑎᑲ, ᑳ ᑎᐯᔨᐦᒋᑫᐟ ᐯ ᐊᐧᔭᐃᐧᐤ ᐅᐟ ᐃᐦᑖᐃᐧᓂᕽ ᐅᐦᒋ ᐁᑯᓯ ᑭᑕ ᐯ ᔮᓯᐤ, ᒥᓇ ᑭᑕ ᑖᑕᑯᐢᑫᐤ ᐃᐢᐸᔭᓄᕽ ᐊᐢᑭᕽ.

⁴ ᐁᑯᓯ ᑭᑕ ᑎᐦᑭᐢᑲᒼ ᐊᐧᒋᔭ, ᒥᓇ ᐋᐧᔭᑎᓈᐊᐧ ᑭᑕ ᑖᐢᑖᐢᑭᐸᔨᐊᐧ, ᑖᐱᐢᑯᐨ ᐊᑯᐢᑭᐊᐧᓯᑲᐣ ᒋᑭᐢᑯᑌᕽ, ᑖᐱᐢᑯᐨ ᓂᐱᔭ ᐁ ᓯᑭᒋᐊᐧᐦᑭ ᑭᐢᑲᑎᓈᕽ.

⁵ ᐅ ᐊᐧᓂᑐᑕᒧᐃᐧᐣ ᒉᑲᑊ ᑲᐦᑭᔭᐤ ᐅᒪ ᑳ ᐅᐦᒋ ᐊᔮᐠ, ᒥᓇ ᐅ ᒪᒋᑐᑕᒧᐃᐧᓂᐋᐧᐊᐧ ᐅᐦᒋ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ. ᑫᑲᐧᐩ ᐊᓂᒪ ᐅ ᐊᐧᓂᑐᑕᒧᐃᐧᐣ ᒉᑲᑊ? ᓇᒪ ᒋ ᐁᐊᐧᑯ ᓴᒣᕒᐃᔭ? ᒥᓇ ᑖᓈᓂᐃ ᐅᐟ ᐃᐢᐹᔭᓄᒪ ᒍᑕ? ᓇᒪ ᒋ ᐁᐊᐧᑯᓂ ᒉᕒᐅᓴᓬᐊᒼ?

⁶ ᐁᐊᐧᑯ ᐅᐦᒋ ᓂ ᑲ ᐃᓯᑖᐣ ᓴᒣᕒᐃᔭ ᑖᐱᐢᑯᐨ ᐱᐢᑲᐧᐢᑌᐤ ᑭᐢᑎᑳᓂᕽ, ᒥᓇ ᑖᐱᐢᑯᐨ ᑭᐢᑎᑳᒋᑲᓇ ᓱᒥᓂᑭᐢᑎᑳᓂᕽ; ᐋᐧᔭᑎᓈᕽ ᒫᑲ ᓂ ᑲ ᐃᓯ ᓂᐦᒋᐁᐧᐱᓀᐣ ᐁ ᐊᓯᓂᐊᐧᕽ, ᒥᓇ ᓂ ᑲ ᓄᑯᑖᐣ ᑳ ᐁᓇᐢᑲᒥᑭᒋᑲᓂᐊᐧᕽ.

⁷ ᑲᐦᑭᔭᐤ ᒫᑲ ᐅᔨᑯᒋᑲᓂ ᓇᐢᐱᓯᒋᑲᓇ ᑭᑕ ᓯᑲᐧᑕᐅᒫᐊᐧ, ᒥᓇ ᑲᐦᑭᔭᐤ ᐅᐦᑎᓯᐃᐧᓇ ᑭᑕ ᒣᐢᑎᑲᑌᔨᐊᐧ, ᒥᓇ ᑲᐦᑭᔭᐤ ᐅ ᒪᓂᑐᑳᓇ ᓂ ᑲ ᓂᓯᐊᐧᓈᒋᐃᒫᐊᐧ; ᒋᑫᒫ ᐅᐦᑎᓯᐃᐧᐣ ᐱᓯᑳᐧᑎᐢᑫᐧᐤ ᑳ ᑭ ᐅᐦᒋ ᒫᐊᐧᒋᐦᐋᐟ, ᐁᑯᓯ ᑳᐃᐧ ᐅᐦᑎᓯᐃᐧᐣ ᐱᓯᑳᐧᑎᐢᑫᐧᐤ ᑭᑕ ᐃᑖᐸᑭᐋᐤ.

⁸ ᐅᒪ ᐅᐦᒋ ᓂ ᑲ ᒫᑐᐣ ᒥᓇ ᓂ ᑲ ᒪᐃᐧᒧᑳᐣ, ᓂ ᑲ ᑫᑕᓵᑫᐱᑎᓱᐣ ᒥᓇ ᓂ ᑲ ᒧᓭᐢᑲᑖᐣ; ᓂ ᑲ ᒪᐃᐧᒧᐣ ᑖᐱᐢᑯᐨ ᐱᑲᐧᒋ ᐊᑎᒪᐧᐠ, ᒥᓇ ᓂ ᑲ ᑳᒫᐧᑌᐧᐃᐧᑌ ᑖᐱᐢᑯᐨ ᒥᓯᐅᒋᒑᑲᐧᐠ.

⁹ ᒋᑫᒫ ᐅ ᒥᓵᐧᑲᓂᑳᑎᑯᐃᐧᓇ ᓇᒪᐃᐧᔭ ᑭᑕ ᑭ ᐃᔨᓂᐦᑲᐦᐃᐦᐟ; ᐊᔨᐢ ᐊᐦᐳ ᒍᑕ ᐅᑎᐦᑎᐠ; ᐅᑎᐦᑎᑲᐧᐠ ᐅ ᑭᐦᒋᐃᐢᑳᐧᑌᒥᐋᐧᕽ ᓂᐟ ᐊᔨᓯᔨᓂᒪᐠ, ᒉᕒᐅᓴᓬᐊᒥᕽ ᐅᑎ.

¹⁰ ᐁᑳᐃᐧᔭ ᐋᑐᑕᒧᐠ ᐊᓂᑕ ᑳᐦᐟ, ᐁᑳᐃᐧᔭ ᐋᐧᐋᐧᐨ ᒫᑐᐠ; ᐁᑯᑕ ᐯᐟᓬᐃᐋᐸᕒᐊ ᓂ ᑭ ᑎᑎᐱᓯᒧᐣ ᐊᓯᐢᑭᕽ.

¹¹ ᐊᑎ ᓯᐯᐧᐦᑌ, ᒧᓭᐢᑲᑌᐃᐧᓂᕽ ᒥᓇ ᓇᓀᐯᐃᐧᓯᐃᐧᓂᕽ ᑭᔭ ᓵᐦᐸᕒ ᑳ ᐅᐟ ᐃᐦᑖᐃᐧᓂᔭᐣ; ᑳ ᐅᐟ ᐃᐦᑖᐃᐧᓂᐟ ᐊᓂᑕ ᓭᐊᓈᐣ ᓇᒪᐃᐧᔭ ᐯ ᐊᐧᔭᐃᐧᐤ; ᒫᑐᐃᐧᐣ ᐊᓂᑕ ᐯᐟᐃᓭᓬ ᑭ ᑲ ᒪᐢᑲᒥᑯᐣ ᓯᑐᐢᑯᑖᑐᐃᐧᐣ.

¹² ᒋᑫᒫ ᑳ ᐅᐟ ᐃᐦᑖᐃᐧᓂᐟ ᐊᓂᑕ ᒫᕒᐋᐦᐟ ᑭ ᐋᐧᒥ ᐊᓴᐋᐧᐸᐦᑕᒪᐧᐠ ᒥᔪᑫᑲᐧᐩ; ᒋᑫᒫ ᒫᔨᑫᑲᐧᐩ ᑭ ᐯ ᐃᓯᑎᓴᐦᐊᒼ ᑳ ᑎᐯᔨᐦᒋᑫᐟ ᑭᐦᒋᐃᐢᑳᐧᑌᒥᕽ ᒉᕒᐅᓴᓬᐊᒥᕽ.

¹³ ᐅᔭᐱᐢ ᑎᑎᐱᑖᐸᓈᐢᑯᕽ ᑳ ᒥᑲᐃᐧᑭᐟ ᒥᐢᑕᑎᒼ, ᑭᔭ ᑳ ᐅᐟ ᐃᐦᑖᐃᐧᓂᔭᐣ ᓬᐁᑭᓯᕽ; ᐁᐊᐧᑳᐧᓇ ᑳ ᑭ ᒫᒋ ᒪᒋᑐᑕᒧᐋᐟ ᓵᔭᐣ ᐅᑖᓂᓴ; ᒋᑫᒫ ᐅ ᐊᐧᓂᑐᑕᒧᐃᐧᓇ ᐃᐢᕒᐁᐃᓬ ᑭ ᒥᐢᑭᑳᑌᐊᐧ ᐃᑕ ᑳ ᐊᔮᔭᐣ.

¹⁴ ᐁᐊᐧᑯ ᐅᐦᒋ ᐃᐢᑳᐧᔮᐨ ᑭ ᑲ ᒥᔮᐤ ᒣᑭᐃᐧᐣ ᒫᕒᐃᓭᐦᐟ-ᑳᐦᐟ; ᐅ ᐋᐧᐢᑳᐦᐃᑲᓇ ᐊᐠᓯᑊ ᑭᑕ ᑲᔦᓯᐃᑲᐧᐠ ᐃᐢᕒᐁᐃᓬ ᑭᐦᒋ ᐅᑭᒫᐊᐧᐠ.

¹⁵ ᒉᐢᑲᐧ ᑭ ᑲ ᐯᑕᒫᑎᐣ, ᑭᔭ ᑳ ᐅᐟ ᐃᐦᑖᐃᐧᓂᔭᐣ ᒫᕒᐃᓴ, ᐊᓇ ᑫ ᐊᔮᐃᐧᐢᐠ; ᐅ ᑭᐢᑌᔨᑖᑯᓯᐃᐧᐣ ᐃᐢᕒᐁᐃᓬ ᑭᑕ ᑕᑯᓯᓄᒪᑲᐣ ᐊᐦᐳ ᐊᓂᑕ ᐊᑕᓬᐊᒼ.

¹⁶ ᐸᐢᑯᐊᒫ, ᒥᓇ ᒪᓂᐱᑕ ᑭᐢᑕᑲᔭ ᐊᐋᐧᓯᓴᐠ ᐅᐦᒋ ᑳ ᒥᔦᐧᔨᒪᒋᐠ; ᔭᐦᑭ ᐸᐢᑯᑖ ᑭᐢᑎᑳᐧᐣ ᑖᐱᐢᑯᐨ ᒥᑭᓯᐤ; ᒋᑫᒫ ᐊᐊᐧᑳᑎᑯᐃᐧᓂᕽ ᑭ ᑭ ᐃᓯ ᓇᑲᑎᑲᐧᐠ.