ᒥᐦᑖᑌᐧᐃᐧᓇ 1 - ᑲᓈᒋ ᑭᐦᒋ ᒪᓯᓈᐦᐃᑲᐣ1 ᑖᐹᐧᓂ ᐱᓯᓯᑲᐧᐢᑌᐤ ᐅᑌᓇᐤ, ᑳ ᑭ ᒫᓇ ᑌᐱᐢᑲᒫᑐᒋᐠ ᐊᔨᓯᔨᓂᐊᐧᐠ! ᑖᐸᐧᓂ ᐃᓯ ᐊᔮᐤ ᑖᐱᐢᑯᐨ ᓯᑳᐃᐧᐢᑫᐧᐤ! ᒫᐅᑖᓂ ᑭ ᑭᐦᒑᔨᐃᐧᐤ ᓇᓈᑐᑯᐢᑳᓀᓯᓈᕽ, ᒥᓇ ᑭ ᐅᑭᒫᐢᑫᐧᐃᐧᐤ ᐸᐯᐢᑭᒋᑎᐯᔨᒋᑲᓂᕽ, ᑖᐹᐧᓂ ᐁᑲᐧ ᑎᐸᐦᐃᑫᐦᐋᐤ! 2 ᐊᐧᐃᐧᓴᑲᑌᐧᒧ ᑌᐱᐢᑳᔨᑭ, ᒥᓇ ᐸᐱᒫᓯᑲᐋᐧᐱᐤ; ᑕᐦᑐ ᑳ ᑭ ᓵᑭᐦᐃᑐᒋᐠ ᓇᒪ ᐊᐃᐧᔭ ᐃᐦᑖᔨᐊᐧ ᑭᑕ ᑳᑭᒋᐦᐃᑯᐟ; ᑲᐦᑭᔭᐤ ᐅᑐᑌᒪ ᑭ ᑲᑲᔦᓯᑲᑖᐠ, ᐁᑲᐧ ᐅᓄᑎᓈᑲᓂᐤ. 3 ᒍᑕ ᐃᑐᐦᑌᐤ ᐊᐊᐧᑳᑎᑯᐃᐧᓂᕽ ᑯᑕᑭᑖᐃᐧᐣ ᐅᐦᒋ, ᒥᓇ ᒥᐢᑕᐦᐃ ᐊᑐᐢᑫᐃᑯᐃᐧᐣ ᐅᐦᒋ; ᐃᐧᒋᐊᔮᒣᐤ ᐁᑳ ᑳ ᐊᔭᒥᐦᐋᔨᐟ, ᓇᒪᐃᐧᔭ ᒥᐢᑲᒼ ᐊᔦᐧᐱᐃᐧᐣ; ᑲᐦᑭᔭᐤ ᑳ ᑯᑕᑭᐦᐃᑯᐟ ᑭ ᐊᑎᒥᓀᐅᐠ ᐃᑕ ᐁ ᐃᐧᐳᑕᐋᐧᓯᐠ. 4 ᐅ ᒣᐢᑲᓇᐊᐧ ᓵᔭᐣ ᒫᑐᒪᑲᓇᐧ, ᐁᑳ ᐊᐃᐧᔭᐠ ᐁ ᐯ ᐃᑐᐦᑌᐟ ᑲᓈᒋ ᒫᒪᐃᐧᐊᔮᐃᐧᓂᕽ; ᑲᐦᑭᔭᐤ ᐅ ᑭᐦᒋᐃᐢᑳᐧᑌᒪ ᓯᑲᐊᐧᐢᑲᒋᑳᑌᔨᐊᐧ, ᐅᐟ ᐊᔭᒥᐦᐁᐃᐧᔨᓂᒪ ᒥᐦᒋᔭᐁᐧᒧᔨᐊᐧ; ᐅᐢᑭᓂᑭᐢᑫᐧᒪ ᑯᑕᑭᑖᔨᐊᐧ, ᐃᐧᔭ ᑫᐦᒋᐋᐧᐠ ᐃᐧᓴᑭ ᒥᐦᒋᔭᐁᐧᓯᐤ. 5 ᑳ ᐸᑳᐧᑎᑯᐟ ᓂᑳᓀᔨᑖᑯᓯᔨᐊᐧ, ᑳ ᐃᐧ ᓂᓯᐊᐧᓈᒋᐦᐃᑯᐟ ᓇᓇᐦᐃᐸᔨᔨᐊᐧ; ᒋᑫᒫ ᑳ ᑎᐯᔨᐦᒋᑫᐟ ᑭ ᑯᑕᑭᐦᐃᐠ ᐁ ᐃᓯ ᐅᓵᒣᔭᑎᓂᔨᑭ ᐅ ᐊᐧᓂᑐᑕᒧᐃᐧᓇ; ᐅᐟ ᐊᐋᐧᓯᒥᓴ ᑭ ᓂᑳᓂᑎᓴᐅᑯᔨᐊᐧ ᐊᐊᐧᑳᑎᑯᐃᐧᓂᕽ ᐊᓂᐦᐃ ᑳ ᐸᑳᐧᑎᑯᐟ. 6 ᐁᑯᓯ ᓵᔭᐣ ᐅᑖᓂᓴ ᓇᑲᑎᐠ ᑲᐦᑭᔭᐤ ᐅ ᑲᑕᐊᐧᓯᓯᐃᐧᐣ; ᐅᐟ ᐅᑭᒫᒪ ᐊᑎ ᐃᓯ ᐊᔮᔨᐊᐧ ᑖᐱᐢᑯᐨ ᐊᑎᑲᐧᐠ ᐁᑳ ᑳ ᒥᐢᑲᐦᑭᐠ ᑭᑕ ᒥᒋᒋᐠ, ᐁᑯᓯ ᐁᑳ ᑳ ᒪᐢᑲᐃᐧᓯᒋᐠ ᐁ ᑕᐸᓯᐋᒋᐠ ᑳ ᓇᐊᐧᓵᐧᑎᑯᒋᐠ. 7 ᒉᕒᐅᓴᓬᐊᒼ ᑭᐢᑭᓯᑐᑕᒼ ᒣᑳᐧᐨ ᐁ ᑯᑕᑭᑖᐟ ᒥᓇ ᐁ ᑭᑎᒫᑭᓯᐟ ᑲᐦᑭᔭᐤ ᑳ ᑭ ᐃᓯ ᒥᔪᐊᔮᐟ ᑲᔮᐢ ᐅᐦᒋ; ᐃᐢᐱ ᐅᐟ ᐊᔨᓯᔨᓂᒪ ᑳ ᐅᑎᐦᑎᓂᑯᔨᐟ ᑳ ᐸᑳᐧᑎᑯᔨᐟ, ᐁᑯᓯ ᐁᑳ ᐊᐃᐧᔭ ᐁ ᐃᐧᒋᐦᐃᑯᐟ, ᑳ ᐸᑳᐧᑎᑯᐟ ᑭ ᐋᐧᐸᒥᐠ, ᑭ ᒣᑕᐋᑳᑕᒥᔨᐊᐧ ᐅ ᑭᐋᐧᑎᓯᐃᐧᓇ. 8 ᒉᕒᐅᓴᓬᐊᒼ ᑭ ᑭᐦᒋᒪᒋᑐᑕᒼ; ᐁᐊᐧᑯ ᐅᐦᒋ ᐃᓯ ᐊᔮᐤ ᑖᐱᐢᑯᐨ ᑫᑲᐧᐩ ᐁᑳ ᑳ ᐯᑲᕽ; ᑲᐦᑭᔭᐤ ᑳ ᑭ ᑭᐢᑌᔨᒥᑯᐟ ᐱᐁᐧᔨᒥᐠ, ᐃᐧᔭ ᐁ ᑭ ᐋᐧᐸᐦᑕᒥᔨᐟ ᐅ ᒧᓭᐢᑲᑌᐃᐧᐣ; ᐁᐦᐁ, ᒥᐦᒋᔭᐁᐧᒧ ᒥᓇ ᐊᑎ ᑭᐁᐧᐤ. 9 ᐅ ᐃᐧᓀᔨᑖᑯᓯᐃᐧᐣ ᐅᐢᑯᑖᑳᕽ ᐊᔮᔨᐤ; ᓇᒪᐃᐧᔭ ᑭᐢᑭᓯᑐᑕᒼ ᐃᐢᑳᐧᔮᐨ ᑭᑕ ᐃᓯ ᐊᔮᐟ; ᐁᐊᐧᑯ ᐅᐦᒋ ᒫᒪᐢᑳᐨ ᑳ ᓂᐦᒋᐸᔨᐟ; ᓇᒪᐃᐧᔭ ᐃᐦᑖᔨᐊᐧ ᑭᑕ ᑳᑭᒋᐦᐃᑯᐟ; ᐋᐧᐸᐦᑕ, ᑌᐯᔨᐦᒋᑫᔭᐣ ᓂ ᑯᑕᑭᑖᐃᐧᐣ; ᒋᑫᒫ ᑳ ᐃᐧ ᓂᓯᐊᐧᓈᒋᐦᐃᐁᐧᐟ ᑭ ᒪᒥᐦᒋᒥᓱ. 10 ᑳ ᐸᑳᐧᑎᑯᐟ ᑭ ᐊᑲᐧᓂᒋᒑᑕᒥᔨᐊᐧ ᑲᐦᑭᔭᐤ ᑳ ᒥᔦᐧᔨᑖᑲᐧᓂᔨᑭ ᑳ ᐊᔮᐟ; ᒋᑫᒫ ᐋᐧᐸᐦᑕᒥᔨᐊᐧ ᐁᑳ ᑳ ᐊᔭᒥᐦᐋᔨᐟ ᐁ ᐱᐦᑐᑫᔨᐟ ᐅ ᑲᓈᒋᑲᒥᑯᕽ, ᐊᓂᑭ ᑳ ᑭ ᐃᑕᓱᐁᐧᔭᐣ ᐁᑳ ᑭᑕ ᐱᐦᑐᑫᒋᐠ ᑭ ᒫᐊᐧᒋᐦᐃᑐᐃᐧᓂᕽ. 11 ᑲᐦᑭᔭᐤ ᐅᐟ ᐊᔨᓯᔨᓂᒪ ᒥᐦᒋᔭᐁᐧᒧᔨᐊᐧ, ᓇᑐᓇᐁᐧᐊᐧᐠ ᐸᐦᑫᐧᓯᑲᓇ; ᑭ ᒣᑭᐊᐧᐠ ᑳ ᒥᔮᐧᓯᓂᔨᑭ ᐅᐟ ᐊᔮᓂᐋᐧᐊᐧ ᒥᒋᐃᐧᐣ ᐅᐦᒋ ᑭᑕ ᐱᒫᑎᓯᒋᐠ; ᒋᐢᐟ, ᑌᐯᔨᐦᒋᑫᔭᐣ, ᑲᓇᐋᐧᐸᐦᑕ ᒫᑲ; ᒋᑫᒫ ᓂᐟ ᐊᑎ ᒪᒉᔨᑖᑯᓯᐣ. 12 ᓇᒪ ᓈᐣᑕᐤ ᒋ ᑭᐟ ᐃᑌᔨᑌᓈᐋᐧᐤ, ᑲᐦᑭᔭᐤ ᑭᔭᐋᐧᐤ ᑳ ᐱᒧᐦᑌᔦᐠ? ᒫᑎᑲ, ᒥᓇ ᐋᐧᐸᐦᑕᒧᐠ ᑭᐢᐱᐣ ᐁᑕᑲᐧᓄᑫᐧ ᐋᔨᒥᓯᐃᐧᐣ ᑖᐱᐢᑯᐨ ᓂᔭ ᓂᐟ ᐋᔨᒥᓯᐃᐧᐣ, ᑳ ᐃᐦᑐᑖᑲᐃᐧᔮᐣ, ᑳ ᑭ ᐃᓯ ᑯᑕᑭᐦᐃᐟ ᑳ ᑎᐯᔨᐦᒋᑫᐟ ᐊᓂᒪ ᐁ ᑭᓯᑳᐠ ᑳ ᐋᐦᑯᔭᐁᐧᓯᐟ. 13 ᐃᐢᐱᒥᕽ ᐅᐦᒋ ᑭ ᐯ ᐃᓯᑎᓴᐦᐊᒼ ᐃᐢᑯᑌᐤ ᓂᐢᑲᓂᕽ, ᐁᑯᓯ ᓵᑯᒋᐦᑖᒪᑲᐣ; ᑭ ᑕᓭᐧᑲᔦᐤ ᐊᔭᐱᔭ ᓂᓯᑕ ᐅᐦᒋ, ᓂ ᑭ ᑭᐁᐧᑎᓴᐦᐅᐠ; ᓂ ᑭ ᑭᐋᐧᑌᔨᑕᒥᐃᐠ ᒥᓇ ᓂ ᑭ ᓀᓱᐁᐧᔨᑕᒥᐃᐠ ᑲᐯᑭᓯᐠ. 14 ᐁ ᑖᐱᐢᑲᐦᐃᐁᐧᑭ ᓂ ᒪᒋᑐᑕᒧᐃᐧᓇ ᐃᐧᔭ ᑕᐦᑯᐱᑕᒼ; ᒫᐊᐧᓴᑯᐸᔨᐊᐧ, ᒥᓇ ᐊᑲᐧᑕᒧᓇᐧ ᓂᑲᐧᔮᕽ; ᐊᒋᐃᐧᓇᒼ ᓂ ᒪᐢᑲᐃᐧᓯᐃᐧᐣ; ᑳ ᑎᐯᔨᐦᒋᑫᐟ ᓂ ᑭ ᐸᑭᑎᓂᐠ ᐅᒋᐦᒋᔨᕽ ᐊᓂᐦᐃ ᐁᑳ ᑭᑕ ᑭ ᓂᐸᐃᐧᐢᑖᒪᐠ. 15 ᑳ ᑎᐯᔨᐦᒋᑫᐟ ᑭ ᐱᐁᐧᔨᑖᑯᐁᐤ ᑲᐦᑭᔭᐤ ᑳ ᓱᑳᔭᐃᐧᓯᔨᐟ ᓂᐟ ᐊᔨᓯᔨᓂᒪ ᒣᑳᐧᐨ ᐃᑕ ᑳ ᐊᔮᔮᐣ; ᑭ ᑌᐹᐧᑕᒼ ᑭᑕ ᑭᐦᒋᒫᐊᐧᒋᐦᐃᓱᐢᑖᑲᐃᐧᔮᐣ ᑭᑕ ᓂᐸᐃᐢᑳᐦᒋᐠ ᓄᐢᑭᓂᑭᒪᐠ; ᑳ ᑎᐯᔨᐦᒋᑫᐟ ᑭ ᒫᒫᑯᐢᑲᐁᐧᐤ ᑖᐱᐢᑯᐨ ᓲᒥᓈᐳᒫᑯᐃᑲᓂᕽ ᐅᐢᑭᓂᑭᐢᑫᐧᐊᐧ ᒍᑕ ᐅᑖᓂᓴ. 16 ᐁᐊᐧᑯᓂ ᐅᐦᐃ ᐅᐦᒋ ᑳ ᒫᑐᔮᐣ; ᓂᐢᑭᓯᐠ, ᓂᐢᑭᓯᐠ ᐅᐦᒋ ᔮᓯᑲᐊᐧᐣ ᓂᐱ; ᒋᑫᒫ ᐅᒥᔪᑌᐦᐁᐃᐁᐧᐤ ᐊᓇ ᐅ ᑲ ᑭ ᓂᓱᑲᒪᐋᐧᐟ ᓂᐟ ᐊᐦᒑᐦᑲᐧ ᓂ ᔮᐋᐧᐸᒥᐠ; ᓂᐟ ᐊᐋᐧᓯᒥᓴᐠ ᑭᐋᐧᑎᓯᐊᐧᐠ ᒋᑫᒫ ᑳ ᐃᐧ ᓂᓯᐊᐧᓈᒋᐦᐃᐁᐧᐟ ᑭ ᓵᑯᑖᐧᐤ. 17 ᓵᔭᐣ ᓱᐃᐧᒋᒉᔨᐤ; ᓇᒪ ᐊᐃᐧᔭ ᐃᐦᑖᔨᐊᐧ ᑭᑕ ᒥᔪᑌᐦᐁᐃᑯᐟ; ᑳ ᑎᐯᔨᐦᒋᑫᐟ ᑭ ᐃᑕᓱᐁᐧᐤ ᒉᑲᐸ ᐅᐦᒋ, ᐊᓂᐦᐃ ᑳ ᐋᐧᐢᑳᐢᑳᑯᐟ ᑭᑕ ᐸᑳᐧᑎᑯᐟ; ᒉᕒᐅᓴᓬᐊᒼ ᐃᓯ ᑲᓇᐋᐧᐸᐦᑕᒪᐧᐠ ᑖᐱᐢᑯᐨ ᑫᑲᐧᐩ ᐁᑳ ᑳ ᐯᑲᕽ. 18 ᑳ ᑎᐯᔨᐦᒋᑫᐟ ᑲᐧᔭᐢᑭᑖᑎᓯᐤ; ᒋᑫᒫ ᓂ ᑭ ᐋᑕᐁᐧᔨᑕᒫᐧᐣ ᐅᔭᓱᐁᐧᐃᐧᐣ; ᓇᑐᐦᑕᒧᐠ ᑭ ᐸᑯᓭᔨᒥᑎᓈᐋᐧᐤ ᑲᐦᑭᔭᐤ ᑭᔭᐋᐧᐤ ᐊᔨᓯᔨᓂᑎᐠ, ᒥᓇ ᑲᓇᐋᐧᐸᐦᑕᒧᐠ ᓂᐟ ᐋᔨᒥᓯᐃᐧᐣ; ᓄᐢᑭᓂᑭᐢᑫᐧᒪᐠ ᒥᓇ ᓄᐢᑭᓂᑭᒪᐠ ᑭ ᐃᑐᐦᑌᐊᐧᐠ ᐊᐊᐧᑳᑎᑯᐃᐧᓂᕽ. 19 ᓂ ᑭ ᓇᑐᒫᐊᐧᐠ ᑳ ᑭ ᓵᑭᐦᐃᑐᔮᕽ, ᒫᑲ ᓂ ᑭ ᑲᔦᓯᐃᑲᐧᐠ; ᓂᐟ ᐊᔭᒥᐦᐁᐃᐧᔨᓂᒪᐠ ᒥᓇ ᑳ ᓂᑳᓀᔨᑖᑯᓯᒋᐠ ᑭ ᓂᐱᐊᐧᐠ ᐅᑌᓈᕽ, ᒣᑳᐧᐨ ᐁ ᓇᑐᓇᐦᑭᐠ ᒥᒋᐃᐧᐣ ᑭᑕ ᐅᐦᒋ ᐱᒫᒋᐦᐅᒋᐠ. 20 ᐋᐧᐸᐦᑕ, ᑳ ᑎᐯᔨᐦᒋᑫᔭᐣ, ᒋᑫᒫ ᐋᔨᒥᓯᐃᐧᓂᕽ ᓂᐟ ᐊᔮᐣ; ᓂ ᒥᑯᐢᑳᑕᒪᒋᐅᐣ ᐊᑖᒥᕽ; ᓂᑌᐦ ᑫᐧᐢᑭᐸᔨᐤ ᐱᐦᒋ; ᒥᐢᑕᐦᐃ ᒫᑲ ᓂ ᑭ ᒫᔭᑲᒥᑭᓯᐣ; ᐊᐧᔭᐃᐧᑎᒫᔨᕽ ᐃᓴᐁᐧᐢᐠ ᑭᐊᐧᒋᐦᐃᐁᐧᐤ, ᐱᑐᑲᒥᐠ ᑖᐱᐢᑯᐨ ᓂᐱᐃᐧᐣ. 21 ᑭ ᐯᐦᑕᒪᐧᐠ ᐁ ᒥᐦᒋᔭᐁᐧᒧᐊᐧᐠ; ᓇᒪᐃᐧᔭ ᐃᐦᑖᐤ ᐊᐃᐧᔭᐠ ᑭᑕ ᒥᔪᑌᐦᐁᐦᐃᐟ; ᑲᐦᑭᔭᐤ ᑳ ᐃᐧ ᓂᓯᐊᐧᓈᒋᐦᐃᒋᐠ ᑭ ᐯᐦᑕᒪᐧᐠ ᑳ ᐃᓯ ᐋᔨᒥᐃᑲᐃᐧᔮᐣ; ᒥᔦᐧᔨᑕᒪᐧᐠ ᐁ ᑭ ᐃᐦᑐᑕᒪᐣ; ᑭ ᑲ ᑕᑯᐸᔨᑖᐣ ᐊᓂᒪ ᑭᓯᑳᐤ ᑳ ᑭ ᑌᐹᐧᑕᒪᐣ, ᑭᑕ ᐃᓯ ᐊᔮᐊᐧᐠ ᒫᑲ ᑖᐱᐢᑯᐨ ᓂᔭ. 22 ᑭᔮᒼ ᑲᐦᑭᔭᐤ ᐅ ᒪᒑᔨᐃᐧᓂᐋᐧᐤ ᑭ ᑲ ᐃᐧ ᐅᑎᐢᑲᐃᐧᐢᑳᑯᐣ; ᐁᑯᓯ ᐃᑐᑕᐃᐧᐠ ᑳ ᑭ ᐃᑐᑕᐃᐧᔭᐣ ᑲᐦᑭᔭᐤ ᓂ ᐊᐧᓂᑐᑕᒧᐃᐧᓇ ᐅᐦᒋ; ᒋᑫᒫ ᒥᐦᒉᓇᐧ ᓂ ᒥᐦᒋᔭᐁᐧᒧᐃᐧᓇ, ᒥᓇ ᓂ ᓀᓱᐃᐧᑌᐦᐁᐹᔨᐣ. |
This Bible text is a corrected edition of the 1908 Western Cree Bible; it is in the public domain.
Canadian Bible Society