ᒍᑊ 1 - ᑲᓈᒋ ᑭᐦᒋ ᒪᓯᓈᐦᐃᑲᐣ1 ᑭ ᐃᐦᑖᐤ ᓈᐯᐤ ᐊᐢ ᐊᐢᑭᕽ, ᒍᑊ ᐁ ᑭ ᐃᓯᔨᐦᑳᓱᐟ; ᐁᐊᐧᑯ ᒫᑲ ᓈᐯᐤ ᑭ ᒪᒥᑐᓂᐤ ᒥᓇ ᑭ ᑲᐧᔭᐢᑭᑖᑎᓯᐤ, ᑐᐊᐧ ᑳ ᑯᓯᑫᐧᔨᒫᐟ ᑭᓭᒪᓂᑐᐊᐧ, ᒥᓇ ᑳ ᐊᔮᑳᐧᒥᓯᐢᑕᕽ ᒪᒑᔨᐃᐧᐣ. 2 ᑭ ᓂᐦᑖᐃᐧᑭᑕᒪᐋᐧᐤ ᒫᑲ ᑌᐸᑯᑊ ᐅᑯᓯᓴ ᒥᓇ ᓂᐢᑐ ᐅᑖᓂᓴ. 3 ᑭ ᑭᑭᐃᐧᓯᐤ ᒫᑲ ᑌᐸᑯᐹᐧᐤ ᑭᐦᒋ ᒥᑖᑕᐦᑐᒥᑕᓇᐤ ᒫᔭᑎᐦᑲᐧ, ᒥᓇ ᓂᐢᑖᐧᐤ ᑭᐦᒋ ᒥᑖᑕᐦᑐᒥᑕᓇᐤ ᐱᐢᑳᐧᐃᐧᑲᓇ. ᒥᓇ ᓂᔮᓇᓈᐧᐤ ᒥᑖᑕᐦᑐᒥᑕᓇᐤ ᑕᑖᐧᐢᑯᒣᐤ ᔮᐯᒧᐢᑐᓴᐧ, ᒥᓇ ᓂᔮᓇᓈᐧᐤ ᒥᑖᑕᐦᑐᒥᑕᓇᐤ ᓄᓭ ᓱᓱᒥᐢᑕᑎᒪᐧ, ᒥᓇ ᒥᑐᓂ ᒥᐦᒉᐟ ᐃᐧᑭᕽ ᐁ ᐊᑐᐢᑳᑯᐟ; ᐁᑯᓯ ᐊᐊᐧ ᓈᐯᐤ ᑭ ᒫᐊᐧᒋ ᑭᐦᒑᔨᐃᐧᐤ ᑲᐦᑭᔭᐤ ᐊᓂᑭ ᐋᐧᐸᓄᑖᕽ ᑳ ᐅᐦᒋ ᓂᐦᑖᐃᐧᑭᒋᐠ. 4 ᐅᑯᓯᓴ ᒫᑲ ᑭ ᒫᓇ ᐃᐧᐦᑯᑫᔨᐊᐧ ᒫᒥᐢᑯᐨ ᐅ ᐋᐧᐢᑳᐦᐃᑲᓂᐋᐧᕽ ᐊᓇ ᐅᑭᓯᑳᒼ ᐁ ᐅᑎᐦᒋᐸᔨᔨᐠ; ᐁᑯᓯ ᑭ ᐃᓯᑎᓴᐦᐅᐁᐧᐊᐧᐠ ᑭ ᓇᑐᒣᐊᐧᐠ ᒫᓇ ᐅᑕᐁᐧᒫᐋᐧᐊᐧ ᑭᑕ ᐃᐧᒋᒥᒋᓱᒥᑯᒋᐠ ᒥᓇ ᑭᑕ ᐃᐧᒋᒥᓂᑫᐧᒥᑯᒋᐠ. 5 ᐁᑯᓯ ᒫᑲ ᑭ ᐊᔨᐢᐸᔨᐤ, ᐅ ᑭᓯᑳᒥᐋᐧᐊᐧ ᑳ ᐃᐧᐦᑯᑫᒋᐠ ᑲᐦᑭᔭᐤ ᑳ ᑎᐱᐸᔨᑖᑖᐧᐃᐧ, ᒍᑊ ᒫᓇ ᑭ ᐃᓯᑎᓴᐦᐅᐁᐧᐤ ᒥᓇ ᑭ ᑲᓈᒋᐁᐤ, ᐁ ᐊᐧᓂᐢᑳᐟ ᐃᐧᐸᐨ ᑫᑭᓭᐹ, ᒥᓇ ᐁ ᐸᑭᑎᓇᕽ ᒪᒍᐢᑌᐦᐊᒫᑫᐃᐧᓇ ᐊᓂᒪ ᑲᐦᑭᔭᐤ ᐁ ᐃᐦᑕᓯᒋᐠ; ᒋᑫᒫ ᒍᑊ ᑭ ᐃᑌᐧᐤ, ᒫᐢᑯᐨ ᐊᐦᐳ ᓂᑯᓯᓴᐠ ᑳ ᐊᐧᓂᑐᑕᒧᐋᐧᑫᐧ, ᒥᓇ ᑳ ᒫᔨᐃᑖᐋᐧᑫᐧ ᑭᓭᒪᓂᑐᐊᐧ ᐅᑌᐦᐃᐋᐧᕽ. ᐁᑯᓯ ᐅᒪ ᒍᑊ ᑭ ᐃᑐᑕᒼ ᑕᐦᑭᓀ. 6 ᓂᑯᑖᐧ ᒫᑲ ᐁ ᑭᓯᑳᐠ ᐃᐢᐱ ᒪᓂᑐᐃᐧᑯᓯᓵᓇᐠ ᐁ ᐯ ᓄᑯᓯᒋᐠ ᐃᑕ ᐁ ᐊᔮᔨᐟ ᑳ ᑎᐯᔨᐦᒋᑫᔨᐟ, ᓭᑕᐣ ᐃᐧᐢᑕ ᑭ ᐯ ᐊᔭᓯᒋᐸᔨᐤ. 7 ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᓭᑕᓇ, ᑖᓂᑌ ᐁᐧᐦᒋᐸᔨᔭᐣ? ᐁᑲᐧ ᓭᑕᐣ ᑭ ᓇᐢᑫᐧᐊᐧᓯᒣᐤ ᑳ ᑎᐯᔨᐦᒋᑫᔨᐟ, ᒥᓇ ᑭ ᐃᑌᐤ, ᑳᑫᐧᑯᐢᐠ ᐁ ᐸᐸᒥᐸᔨᔮᐣ ᐊᐢᑭᕽ ᒥᓇ ᐁ ᐸᐹᒧᑖᑐᑕᒫᐣ. 8 ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᓭᑕᓇ, ᑭ ᑭ ᒫᒥᑐᓀᔨᒫᐤ ᒋ ᓂᐟ ᐊᑐᐢᑫᔮᑲᐣ ᒍᑊ? ᒋᑫᒫ ᓇᒪᐃᐧᔭ ᐊᐃᐧᔭᐠ ᐃᐦᑖᐤ ᐊᐢᑭᕽ ᑖᐱᐢᑯᐨ ᐁᐊᐧᑯ, ᐁ ᒪᒥᑐᓂᐟ ᒥᓇ ᑲᐧᔭᐢᐠ ᐁ ᐃᑖᑎᓯᐟ ᓈᐯᐤ, ᑳ ᑯᓯᑫᐧᔨᒫᐟ ᑭᓭᒪᓂᑐᐊᐧ ᒥᓇ ᑳ ᐊᔮᑳᐧᒥᓯᐢᑕᕽ ᒪᒑᔨᐃᐧᐣ. 9 ᐁᑲᐧ ᓭᑕᐣ ᑭ ᓇᐢᑫᐧᐊᐧᓯᒣᐤ ᑳ ᑎᐯᔨᐦᒋᑫᔨᐟ, ᒥᓇ ᑭ ᐃᑌᐧᐤ, ᐱᑯᓇᑕ ᒋ ᒍᑊ ᑳ ᑯᓭᑫᐧᔨᒫᐟ ᑭᓭᒪᓂᑐᐊᐧ? 10 ᓇᒪ ᒋ ᑭ ᑭ ᒣᓂᑫᑲᑕᐋᐤ, ᒥᓇ ᐅ ᐋᐧᐢᑳᐦᐃᑲᓂᕽ, ᒥᓇ ᑲᐦᑭᔭᐤ ᑫᑲᐧᐩ ᑳ ᐊᔮᐟ ᒥᓯᐁᐧ ᐋᐧᐢᑳ? ᑭ ᑭ ᓴᐁᐧᔨᑕᒫᐧᐣ ᐅᐟ ᐊᑐᐢᑫᐃᐧᐣ ᐅᒋᐦᒋᕽ, ᒥᓇ ᒥᐢᑕᐦᐃ ᔭᑭᐸᔨᔨᐤ ᐊᐢᑭᕽ ᑳ ᑭᑭᐃᐧᓯᐟ. 11 ᒫᑲ ᒫᐦᑎ ᐁᑲᐧ ᓱᐃᐧᓂᐢᑫᔨ, ᒥᓇ ᓵᒥᓇᒼ ᑲᐦᑭᔭᐤ ᑫᑲᐧᐩ ᑳ ᐊᔮᐟ, ᒧᓯᐢ ᒫᑲ ᑭ ᑲ ᐁᐧᐱᓂᐠ. 12 ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᓭᑕᓇ, ᒫᑎᑲ, ᑲᐦᑭᔭᐤ ᑫᑲᐧᐩ ᑳ ᐊᔮᐟ ᑭ ᑎᐯᔨᐦᑕᒧᐦᐃᑲᐃᐧᐣ; ᒫᑲ ᐃᐧᔭ ᐱᑯ ᐁᑳᐃᐧᔭ ᓵᒥᐣ. ᐁᑯᓯ ᓭᑕᐣ ᑭ ᓯᐯᐧᑌᐤ ᐃᑕ ᐁ ᐊᔮᔨᐟ ᑳ ᑎᐯᔨᐦᒋᑫᔨᐟ ᐅᐦᒋ. 13 ᑭ ᐊᔨᐢᐸᔨᐤ ᒫᑲ ᓂᑯᑖᐧ ᐁ ᑭᓯᑳᐠ ᐅᑯᓯᓴ ᒥᓇ ᐅᑖᓂᓴ ᐁ ᒥᒋᓱᔨᐠ ᒥᓇ ᐁ ᒥᓂᑫᔨᐟ ᓱᒥᓈᐳ ᒫᒪᐃᐧ ᐅᐢᑌᓯᐋᐧᐊᐧ ᐅ ᐋᐧᐢᑳᐦᐃᑲᓂᔨᕽ, 14 ᑭ ᐅᑎᐦᑎᐠ ᒍᑊ ᐅᑖᒋᒧᐊᐧ, ᒥᓇ ᑭ ᐃᑎᐠ, ᒧᐢᑐᓴᐧᐠ ᑭ ᒣᑳᐧ ᐱᑯᐱᒋᑫᐊᐧᐠ, ᐁᑯᓯ ᐁᑯᑕ ᑭᓯᐋᐧᐠ ᓱᓱᒥᐢᑕᑎᒪᐧᐠ ᐁ ᒥᒋᓱᒋᐠ; 15 ᓭᐱᔭᓇ ᒫᑲ ᑭ ᒧᐢᑭᐢᑖᑲᐧᐠ, ᒥᓇ ᑭ ᓯᐯᐧᑕᐃᑲᐧᐠ; ᐁᐦᐁ, ᑭ ᓂᐸᐁᐊᐧᐠ ᐊᑐᐢᑫᔮᑲᓇ ᐃᓴᐁᐧᐢᐠ ᐅᐦᒋ; ᓂᔭ ᒫᑲ ᐱᑯ ᓂ ᐸᐢᐱᐣ ᑭᑕ ᐊᒋᒧᐢᑖᑖᐣ. 16 ᒣᑳᐧᐨ ᑫᔮᐱ ᐁ ᐱᑭᐢᑫᐧᐟ ᑯᑕᐠ ᑭ ᑕᑯᓯᐣ, ᒥᓇ ᑭ ᐃᑌᐧᐤ, ᐅᐟ ᐃᐢᑯᑌᒼ ᑭᓭᒪᓂᑐ ᑭ ᐸᑭᐦᑎᓂᔨᐤ ᑭᐦᒋᑭᓯᑯᕽ ᐅᐦᒋ, ᐁᑯᓯ ᑭ ᑭᓯᓱᐊᐧᐠ ᒫᔭᑎᐦᑲᐧᐠ ᒥᓇ ᐊᑐᐢᑫᔮᑲᓇᐠ, ᒥᓇ ᑭ ᒣᐢᑎᑲᓱᑲᐧᐠ; ᐁᑯᓯ ᓂᔭ ᐱᑯ ᓂ ᐸᐢᐱᐣ ᑭᑕ ᐋᒋᒧᐢᑖᑖᐣ. 17 ᒣᑳᐧᐨ ᒫᑲ ᐁ ᐱᑭᐢᑫᐧᔨᐟ, ᑯᑕᐠ ᒥᓇ ᑭ ᑕᑯᓯᐣ, ᒥᓇ ᑭ ᐃᑌᐧᐤ, ᑳᓬᑎᔭᓇᐠ ᑭ ᓂᐢᑐᒥᓀᔭᑎᐊᐧᐠ, ᒥᓇ ᑭ ᐅᑎᐦᑎᓀᐊᐧᐠ ᐱᐢᑳᐧᐃᐧᑲᓇ, ᐁᑯᓯ ᑭ ᓯᐯᐧᑕᐦᐁᐊᐧᐠ, ᐁᐦᐁ ᑭ ᓂᐸᐁᐊᐧᐠ ᒥᓇ ᐊᑐᐢᑭᔮᑲᓇ ᐃᓴᐁᐧᐢᐠ ᐅᐦᒋ; ᓂᔭ ᒫᑲ ᐱᑯ ᓂ ᐸᐢᐱᐣ ᑭᑕ ᐋᒋᒧᐢᑖᑖᐣ. 18 ᑫᔮᐱᐨ ᐁᐊᐧᑯᓂ ᐁ ᐱᑭᐢᑫᐧᔨᐟ, ᑯᑕᐠ ᒥᓇ ᑭ ᑕᑯᓯᐣ ᒥᓇ ᑭ ᐃᑌᐧᐤ, ᑭᑯᓯᓴᐠ ᒥᓇ ᑭᑖᓂᓴᐠ ᑭ ᒥᒋᓱᐊᐧᐠ ᒥᓇ ᑭ ᒥᓂᐦᑫᐧᐊᐧᐠ ᓱᒥᓈᐳ ᒫᒪᐃᐧ ᐅᐢᑌᓯᐋᐧᐊᐧ ᐅ ᐋᐧᐢᑳᐦᐃᑲᓂᔨᕽ; 19 ᐁᑯᓯ ᐳᑎ, ᑭ ᐯ ᒥᐢᑕᐦᐃ ᑭᐢᑎᐣ ᐱᑲᐧᑕᐢᑭᕽ ᐃᑌᐦᑫ ᐅᐦᒋ, ᒥᓇ ᑭ ᐊᒥᐸᔨᐤ ᐁ ᓀᐅᑭᑫᔮᐠ ᐋᐧᐢᑳᐦᐃᑲᐣ, ᑭ ᑲᐋᐧᐢᑕᐣ ᒫᑲ ᐁ ᑕᓱᓱᒋᐠ ᐅᐢᑭᓂᑭᐊᐠ, ᐁᑯᓯ ᓂᐱᐊᐧᐠ; ᓂᔭ ᒫᑲ ᐱᑯ ᓂ ᐸᐢᐱᐣ ᑭᑕ ᐋᒋᒧᐢᑖᑖᐣ. 20 ᐁᑲᐧ ᒍᑊ ᑭ ᐊᐧᓂᐢᑳᐤ, ᑭ ᔮᔨᑭᐱᑕᒼ ᐅᐟ ᐊᑯᐦᐅᐃᐧᐣ, ᒥᓇ ᑭ ᑳᐢᑭᐸᑕᒼ ᐅᐢᑎᑳᐧᐣ, ᐁᑯᓯ ᒧᒋᕽ ᑭ ᐃᐢᐸᔨᐦᐅ, ᒥᓇ ᑭ ᐊᔭᒥᐦᐋᐤ; 21 ᑭ ᐃᑌᐧᐤ ᒫᑲ, ᒧᓭᐢᑲᐟ ᓂ ᑭ ᓂᐦᑖᐃᐧᑭᐃᐠ ᓂᑳᐃᐧ, ᒥᓇ ᒧᓭᐢᑲᐟ ᓂ ᑲ ᑭᐋᐧᐣ; ᑳ ᑎᐯᔨᐦᒋᑫᐟ ᑭ ᒣᑭᐤ, ᒥᓇ ᑳ ᑎᐯᔨᐦᒋᑫᐟ ᑭ ᐅᑎᓇᒼ; ᑭᑕ ᒪᒥᐦᒋᑕᒫᐧᐣ ᐅ ᐃᐧᔪᐃᐧᐣ ᑳ ᑎᐯᔨᐦᒋᑫᐟ. 22 ᑲᐦᑭᔭᐤ ᐅᒪ ᒍᑊ ᓇᒪᐃᐧᔭ ᐊᐧᓂᑐᑕᒼ ᒥᓇ ᓇᒪᐃᐧᔭ ᒪᒫᔨᐊᐧᑫᔨᒣᐤ ᑭᓭᒪᓂᑐᐊᐧ. |
This Bible text is a corrected edition of the 1908 Western Cree Bible; it is in the public domain.
Canadian Bible Society