hāsiya 1 - ᑲᓈᒋ ᑭᐦᒋ ᒪᓯᓈᐦᐃᑲᐣ1 ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᐅᑎᐦᑎᑯᐟ ᐦᐋᓯᔭ ᐅᑯᓯᓴ ᐱᕒᐊᐩ, ᒣᑳᐧᐨ ᐁ ᐊᔮᒋᐠ ᐊᓵᔭ, ᒑᐦᑖᒼ, ᐁᐦᐋᐢ, ᒥᓇ ᐦᐁᓯᑳᔭ, ᒍᑕ ᑭᐦᒋ ᐅᑭᒫᐊᐧᐠ, ᒥᓇ ᒣᑳᐧᐨ ᐁ ᐊᔮᐟ ᒉᕒᐊᐳᐊᒼ ᐅᑯᓯᓴ ᒍᐋᐢ, ᐃᐢᕒᐁᐃᓬ ᑭᐦᒋ ᐅᑭᒫᐤ. 2 ᐃᐢᐱ ᑳ ᑎᐯᔨᐦᒋᑫᐟ ᓂᐢᑕᒼ ᐁ ᐱᑭᐢᑫᐧᐟ ᐦᐋᓯᔭ ᐅᐦᒋ, ᑳ ᑎᐯᔨᐦᒋᑫᐟ ᑭ ᐃᑌᐤ ᐦᐋᓯᔭᐊᐧ, ᓇᑕᐃᐧ ᐅᑎᐣ ᐃᐢᑫᐧᐤ ᐱᓯᑳᐧᑎᓯᐃᐧᓂᕽ ᒥᓇ ᐊᐋᐧᓯᓴᐠ ᐱᓯᑲᐧᑎᓯᐃᐧᐣ ᐅᐦᒋ; ᒋᑫᒫ ᐊᐢᑭ ᒥᐢᑕᐦᐃ ᐱᓯᑳᐧᑎᓯᒪᑲᐣ, ᐁ ᑭ ᓇᑲᑖᒋᐠ ᑳ ᑎᐯᔨᐦᒋᑫᔨᐟ. 3 ᐁᑯᓯ ᑭ ᓇᑕᐃᐧ ᐅᑎᓀᐤ ᑳᒪᕒᐊ ᐅᑖᓂᓴ ᑎᐸᓬᐁᐃᒼ; ᑭ ᐊᔮᐁᐧᐤ ᒫᑲ ᐊᐋᐧᓯᓴ ᒥᓇ ᑭ ᐅᑯᓯᓯᐤ. 4 ᑳ ᑎᐯᔨᐦᒋᑫᔨᐟ ᒫᑲ ᑭ ᐃᑎᐠ, ᒉᓴᕒᐃᓬ ᑭ ᑲ ᐃᓯᔨᐦᑳᑖᐤ; ᒋᑫᒫ ᑫᔮᐱᐨ ᐊᒋᔭᐤ, ᓂ ᑲ ᐋᐯᐅᐣ ᒫᑲ ᒉᓴᕒᐃᓬ ᐅ ᒥᐦᑯ ᐅ ᐋᐧᐢᑳᐦᐃᑲᓂᕽ ᒋᐦᔪ, ᐁᑯᓯ ᓂ ᑲ ᐃᑐᑌᐣ ᑭᑕ ᐳᓂᐸᔨᐠ ᑭᐦᒋ ᐅᑭᒫᐃᐧᐃᐧᐣ ᐅ ᐋᐧᐢᑳᐦᐃᑲᓂᕽ ᒋᐦᔪ, ᐁᑯᓯ ᓂ ᑲ ᐃᑐᑌᐣ ᑭᑕ ᐳᓂᐸᔨᐠ ᑭᐦᒋ ᐅᑭᒫᐃᐧᐃᐧᐣ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ. 5 ᑭᑕ ᐊᔨᑭᐣ ᒫᑲ ᐁᐊᐧᑳᐧᓂᒪ ᑭᓯᑳᑭ ᓂ ᑲ ᓈᑖᐧᓂᒫᐊᐧ ᐅᐟ ᐊᒑᐱᔭ ᐃᐢᕒᐁᐃᓬ ᐊᓂᑕ ᒉᓴᕒᐃᓬ ᐋᐧᔭᑎᓈᕽ. 6 ᒥᓇ ᒫᑲ ᑭ ᐊᔮᐁᐧᐤ ᐊᐋᐧᓯᓴ, ᐅᑖᓂᓴ ᒫᑲ ᑭ ᓂᐦᑖᐃᐧᑭᐦᐁᐤ. ᑳ ᑎᐯᔨᐦᒋᑫᔨᐟ ᒫᑲ ᑭ ᐃᑎᐠ, ᓬᐋ-ᕒᐅᐦᐋᒪ ᑭ ᑲ ᐃᓯᔨᐦᑳᑖᐤ; ᒋᑫᒫ ᓇᒪᐃᐧᔭ ᒥᓇ ᓂ ᑲ ᑭᑎᒫᑭᓇᐋᐧᐊᐧᐠ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᓈᐣᑕᐤ ᐃᓯ ᑭᑕ ᑭ ᐳᓀᔨᑕᒪᐊᐧᑭᐠ. 7 ᒫᑲ ᓂ ᑲ ᑭᑎᒫᑭᓇᐋᐧᐊᐧᐠ ᐅ ᐋᐧᐢᑳᐦᐃᑲᓂᕽ ᒍᑕ, ᒥᓇ ᓂ ᑲ ᐱᒫᒋᐦᐋᐊᐧᐠ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ ᐅᐦᒋ, ᓇᒪᐃᐧᔭ ᒫᑲ ᓂ ᑲ ᐱᒫᒋᐦᐋᐊᐧᐠ ᐊᒑᐱᔭ ᐅᐦᒋ, ᐊᐦᐳ ᐃᓴᐁᐧᐢᐠ, ᐊᐦᐳ ᓄᑎᓂᑐᐃᐧᐣ, ᐊᐦᐳ ᒥᐢᑕᑎᒪᐧᐠ, ᐊᐦᐳ ᐅᑌᑕᐱᐊᐧᐠ ᐅᐦᒋ. 8 ᐃᐢᐱ ᒫᑲ ᑳ ᐳᓂ ᓄᔮᐟ ᓬᐋ-ᕒᐅᐦᐋᒪᐊᐧ, ᑭ ᐊᔮᐁᐧᐤ ᐊᐋᐧᓯᓴ, ᒥᓇ ᑭ ᐅᑯᓯᓯᐤ. 9 ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᓬᐋ-ᐋᒪᐩ ᑭ ᑲ ᐃᓯᔨᐦᑳᑖᐤ; ᒋᑫᒫ ᓇᒪᐃᐧᔭ ᑭᔭᐋᐧᐤ ᓂᐟ ᐊᔨᓯᔨᓂᒪᐠ, ᒥᓇ ᓇᒪᐃᐧᔭ ᓂᔭ ᑭ ᑲ ᐅ ᑭᓭᒪᓂᑐᒥᓈᐋᐧᐤ. 10 ᐁᔨᐁᐧᕽ ᒫᑲ ᐅᐟ ᐊᐋᐧᓯᒥᓴ ᐃᐢᕒᐁᐃᓬ ᑭᑕ ᐃᑌᔭᑎᐊᐧᐠ ᑖᐱᐢᑯ ᐨ ᔦᑲᐤ ᑭᐦᒋᑲᒥᕽ, ᐁᑳ ᑳ ᑭ ᑎᐸᐃᑳᑌᐠ ᐊᐦᐳ ᐁᑳ ᑳ ᑭ ᐊᑭᒋᑳᑌᐠ; ᑭᑕ ᐃᐦᑭᐣ ᒫᑲ ᐃᑕ ᑳ ᑭ ᐃᑎᐦᒋᐠ, ᓇᒪᔦᐤ ᑭᔭᐋᐧᐤ ᓂᐟ ᐊᔨᓯᔨᓂᒪᐠ, ᑭᑕ ᐃᑖᐊᐧᐠ, ᑭᔭᐋᐧᐤ ᐅᑯᓯᓴ ᑳ ᐱᒫᑎᓯᐟ ᑭᓭᒪᓂᑐ. 11 ᐁᑯᐢᐱ ᒫᑲ ᐅᐟ ᐊᐋᐧᓯᒥᓴ ᒍᑕ ᒥᓇ ᐅᐟ ᐊᐋᐧᓯᒥᓴ ᐃᐢᕒᐁᐃᓬ ᑭᑕ ᒫᐊᐧᒋᐦᐃᑐᐊᐧᐠ, ᐁᑯᓯ ᑭᑕ ᐅᔭᑭᑕᒫᓱᐊᐧᐠ ᐯᔭᐠ ᑭᑕ ᓂᑳᓂᐢᑕᒫᑯᒋᐠ, ᒥᓇ ᑭᑕ ᓯᐯᐧᑌᐊᐧᐠ ᐁᑯᑕ ᐊᐢᑭᕽ ᐅᐦᒋ; ᒋᑫᒫ ᑭᑕ ᑭᐢᑌᔨᑖᑲᐧᓂᔨᐤ ᐅ ᑭᓯᑳᒼ ᒉᓴᕒᐃᓬ. |
This Bible text is a corrected edition of the 1908 Western Cree Bible; it is in the public domain.
Canadian Bible Society