hakēay 1 - ᑲᓈᒋ ᑭᐦᒋ ᒪᓯᓈᐦᐃᑲᐣ

¹ ᓂᓱ ᐊᐢᑭ ᐊᑎ ᑌᕒᐋᔭᐢ ᐁ ᑭᐦᒋ ᐅᑭᒫᐃᐧᐟ, ᓂᑯᑖᐧᓱ ᐱᓯᒼ, ᓂᐢᑕᒼ ᐁ ᐊᑭᒥᐦᐟ ᐱᓯᒼ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᐦᐋᑫᐊᐩ ᐅᑭᐢᑭᐁᐧᐦᐃᑫᐤ ᐅᐦᒋ ᑭ ᐅᑎᐦᑎᐠ ᓭᕒᐊᐸᐯᓬ ᐅᑯᓯᓴ ᓯᐋᓬᑎᐁᓬ, ᒍᑕ ᐅᔭᓱᐁᐧᐃᐧᑭᒫᐤ, ᒥᓇ ᒑᐢᔪᐊ ᐅᑯᓯᓴ ᒋᐦᐋᓴᑖᐠ, ᐊᓇ ᑭᐦᒋᐊᔭᒥᐦᐁᐃᐧᔨᓂᐤ, ᐁ ᐃᑌᐧᐟ,

² ᐅᒥᓯ ᐃᓯ ᐱᑭᐢᑫᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᐁ ᐃᑌᐧᐟ, ᐅᑭ ᐊᔨᓯᔨᓂᐊᐧᐠ ᐃᑌᐧᐊᐧᐠ, ᓇᒪᐃᐧᔭ ᐅᑎᐦᒋᐸᔨᐤ ᑭᑕ ᐯ ᐃᑐᐦᑌᔮᕽ, ᐃᑕ ᑳ ᑎᐯᔨᐦᒋᑫᐟ ᐅ ᐋᐧᐢᑳᐦᐃᑲᐣ ᑭᑕ ᐅᓯᐦᒋᑳᑌᐠ.

³ ᐁᑲᐧ ᑳ ᑕᑯᓯᓄᒪᑲᓂᔨᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᐊᓇ ᐦᐋᑫᐊᐩ ᐅᑭᐢᑭᐁᐧᐦᐃᑫᐤ ᐅᐦᒋ, ᐁ ᐃᑌᐧᐟ,

⁴ ᓇᐃᐸᔨᐤ ᒋ ᑭᔭᐋᐧᐤ ᑭᑕ ᐃᐧᑭᔦᐠ ᑳ ᐱᑕᐃᐧᓇᐸᑭᑕᑯᑲᑌᑭ ᑭ ᐋᐧᐢᑳᐦᐃᑲᓂᐋᐧᐊᐧ, ᐁᑯᓯ ᐅᒪ ᐋᐧᐢᑳᐦᐃᑲᐣ ᑭᑕ ᐱᑲᐧᑕᐢᑌᐠ?

⁵ ᐁᑲᐧ ᒫᑲ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ; ᒫᒥᑐᓀᔨᑕᒧᐠ ᑭᐟ ᐃᓯᐦᒋᑫᐃᐧᓂᐋᐧᐊᐧ.

⁶ ᒥᐢᑕᐦᐃ ᑭ ᑭ ᑭᐢᑎᑳᓈᐋᐧᐤ, ᐁᑯᓯ ᐊᐱᓯᐢ ᑭ ᐱᑐᑲᑖᓈᐋᐧᐤ; ᑭ ᒥᒋᓱᓈᐋᐧᐤ ᒫᑲ ᓇᒪᐃᐧᔭ ᑭ ᑭᐢᐳᓈᐋᐧᐤ; ᑭ ᒥᓂᑳᐧᓈᐋᐧᐤ ᒫᑲ ᓇᒪᐃᐧᔭ ᑭ ᑌᐱᐹᓈᐋᐧᐤ; ᑭ ᑭᑭᐢᑳᒋᑳᓈᐋᐧᐤ ᒫᑲ ᓇᒪᐃᐧᔭ ᐊᐃᐧᔭᐠ ᑭᓱᓯᐤ; ᐁᑯᓯ ᐊᓇ ᑳ ᑲᐢᑭᒋᑫᐟ ᑲᐢᑭᒋᑫᐤ ᑭᑕ ᐊᓯᐊᐧᑖᐟ ᒪᐢᑭᒧᑎᕽ ᐁ ᐹᐳᐢᑳᐧᔨᐠ.

⁷ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ; ᒫᒥᑐᓀᔨᑕᒧᐠ ᑭᐟ ᐃᓯᐦᒋᑫᐃᐧᓂᐋᐧᐊᐧ.

⁸ ᐊᐧᒋᕽ ᐃᑐᐦᑌᐠ ᒥᓇ ᐯᑖᐠ ᒥᐢᑎᑲᐧ, ᒥᓇ ᐅᓯᐦᑖᐠ ᐊᓂᒪ ᐋᐧᐢᑳᐦᐃᑲᐣ; ᐁᑯᓯ ᓂ ᑲ ᒥᔦᐧᔨᑌᐣ, ᒥᓇ ᓂ ᑲ ᑭᐢᑌᔨᑖᑯᐃᑲᐃᐧᐣ, ᐃᑌᐧᐤ ᑳ ᑎᐯᔨᐦᒋᑫᐟ.

⁹ ᒥᐢᑕᐦᐃ ᑭ ᑭ ᐸᑯᓭᔨᒧᓈᐋᐧᐤ, ᐁᑯᓯ, ᐳᑎ, ᐊᐱᓯᐢ ᑭ ᐃᐢᐸᔨᐤ; ᐁᑯᓯ ᐃᐢᐱ ᐁ ᐯ ᑭᐁᐧᑕᑖᔦᐠ, ᓂ ᑭ ᐳᑖᑌᐣ. ᑖᓀᐦᑭ? ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ. ᐊᓂᒪ ᐅᐦᒋ ᓂ ᐋᐧᐢᑳᐦᐃᑲᐣ ᑳ ᐱᑲᐧᑕᐢᑌᐠ, ᐁᑯᓯ ᑭᔭᐋᐧᐤ ᐁᑕᐦᑖᐧᐯᐃᐧᔦᐠ ᑭ ᑭᐁᐧᐸᐃᑐᓈᐋᐧᐤ ᑭᔭᐋᐧᐤ ᑭ ᐋᐧᐢᑳᐦᐃᑲᓂᐋᐧᕽ.

¹⁰ ᐁᑯᓯ ᒫᑲ ᑭᔭᐋᐧᐤ ᐅᐦᒋ ᑭᓯᐠ ᑭᐱᑎᓂᑳᑌᐤ ᐁᑳ ᑭᑕ ᓂᐱᐊᐧᐢᑳᐠ, ᐊᐢᑭ ᒫᑲ ᑭᐱᑎᓂᑳᑌᐤ ᐁᑳ ᑭᑕ ᒥᓂᓯᐊᐧᕽ.

¹¹ ᐁᑯᓯ ᓂ ᑭ ᓇᑐᑌᐣ ᑭᑕ ᓄᑌᔮᐹᑫᐧᒪᑲᕽ ᐊᐢᑭ, ᒥᓇ ᐊᐧᒋᔭ, ᒥᓇ ᐸᐦᑫᐧᓯᑲᓂᑳᐣ, ᒥᓇ ᓱᒥᓈᐳ, ᒥᓇ ᐱᒥ, ᒥᓇ ᐊᓂᒪ ᐊᐢᑭ ᑳ ᐅᐦᐱᑭᑖᒪᑲᕽ, ᒥᓇ ᐊᔨᓯᔨᓂᐤ, ᒥᓇ ᐱᓯᐢᑭᐤ, ᒥᓇ ᑲᐦᑭᔭᐤ ᐊᑐᐢᑫᐃᐧᐣ ᒥᒋᐦᒋᕽ.

¹² ᐁᑲᐧ ᓭᕒᐊᐸᐯᓬ ᐅᑯᓯᓴ ᓯᐋᓬᑎᐁᓬ, ᒥᓇ ᒑᐢᔪᐊ ᐅᑯᓯᓴ ᒋᐦᐋᓴᑖᐠ, ᐊᓇ ᑭᐦᒋᐊᔭᒥᐦᐁᐃᐧᔨᓂᐤ, ᐊᓯᒋ ᑲᐦᑭᔭᐤ ᑳ ᐃᐢᑯᓂᐦᒋᐠ ᐊᔨᓯᔨᓂᐊᐧᐠ, ᑭ ᓇᓇᐃᑕᒣᐧᐊᐧᐠ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ, ᒥᓇ ᐅᐟ ᐃᑌᐧᐃᐧᓂᔨᐊᐧ ᐦᐋᑫᐊᐩ ᐅᑭᐢᑭᐁᐧᐦᐃᑫᐊᐧ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ ᑳ ᑭ ᐃᓯᑎᓴᐋᐧᔨᐟ; ᐊᔨᓯᔨᓂᐊᐧᐠ ᒫᑲ ᑭ ᑯᓯᑫᐧᔨᒣᐊᐧᐠ ᑳ ᑎᐯᔨᐦᒋᑫᔨᐟ.

¹³ ᐁᑲᐧ ᑭ ᐱᑭᐢᑫᐧᐤ ᐦᐋᑫᐊᐩ ᑳ ᑎᐯᔨᐦᒋᑫᐟ ᐅᐟ ᐃᑌᐧᐦᐊᑲᓇ ᐊᓂᒪ ᑳ ᑎᐯᔨᐦᒋᑫᔨᐟ ᑳ ᑭ ᐃᑌᐧᐃᑯᐟ ᑭᑕ ᐃᑖᐟ ᐊᔨᓯᔨᓂᐊᐧ, ᐁ ᐃᑌᐧᐟ, ᑭ ᐃᐧᒉᐃᐧᑎᓈᐋᐧᐤ ᐊᓂ ᐃᑌᐧᐤ ᑳ ᑎᐯᔨᐦᒋᑫᐟ.

¹⁴ ᑳ ᑎᐯᔨᐦᒋᑫᐟ ᒫᑲ ᑭ ᒋᑫᔨᑕᒥᐁᐤ ᐊᓂᐦᐃ ᓭᕒᐊᐸᐯᓬ ᐅᑯᓯᓴ ᓯᐋᓬᑎᐁᓬ, ᑳ ᐅᔭᓱᐁᐧᐃᐧᑭᒫᑲᑕᕽ ᒍᑕ, ᒥᓇ ᑭ ᒋᑫᔨᑕᒥᐁᐤ ᒑᐢᔪᐊ ᐅᑯᓯᓴ ᒋᐦᐋᓴᑖᐠ, ᐊᓇ ᑭᐦᒋᐊᔭᒥᐦᐁᐃᐧᔨᓂᐤ, ᒥᓇ ᑭ ᒋᑫᔨᑕᒥᐁᐤ ᑲᐦᑭᔭᐤ ᑳ ᐃᐢᑯᔨᐟ ᐊᔨᓯᔨᓂᐊᐧ; ᐁᑯᓯ ᑭ ᐯ ᓇᑕᐃᐧ ᐊᑐᐢᑫᐊᐧᐠ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ ᒥᓯᐁᐧ ᓯᔪᑳᑎᓯᔨᐟ, ᐅ ᑭᓭᒪᓂᑐᒥᐋᐧᐊᐧ,

¹⁵ ᐊᓂᒪ ᓂᓯᑕᓇᐤ ᓀᐅᓵᑊ ᐁ ᐃᑕᑭᒥᐦᐟ ᐱᓯᒼ, ᓂᑯᑖᐧᓱᐱᓯᒼ, ᓂᓱ ᐊᐢᑭ ᐊᑎ ᑌᕒᐋᔭᐢ ᐁ ᑭᐦᒋ ᐅᑭᒫᐃᐧᐟ.