ᑲᓬᐁᓯᔭᓇ 1 - ᑲᓈᒋ ᑭᐦᒋ ᒪᓯᓈᐦᐃᑲᐣ

¹ ᐹᓬ, ᐊᐹᐢᑎᓬ (ᓇᒫᐃᐧᔭ ᐊᔨᓯᔨᓂᐊᐧᐠ ᐅᐦᒋ, ᓇᒪᐃᐧᔭ ᒥᓇ ᐊᔨᓯᔨᓂᕽ ᐁ ᐅᐦᑎᓇᕽ, ᒫᑲ ᒋᓴᐢ ᙭ ᐅᐦᒋ, ᒥᓇ ᑭᓭᒪᓂᑐ ᐁᐧᔪᑖᐃᐧᕽ, ᑳ ᑭ ᐊᐧᓂᐢᑳᓈᐟ ᓂᐳᐃᐧᓂᕽ ᐅᐦᒋ),

² ᑭᑭ ᑲᐦᑭᔭᐤ ᐅᒋᐋᐧᒥᒫᐊᐧᐠ ᑳ ᐃᐧᒉᐃᐧᒋᐠ, ᐁ ᒪᓯᓇᐦᐊᒪᐊᐧᑭᐠ ᐅᑕᔭᒥᐦᐋᐊᐧᐠ ᑲᓬᐁᓯᔭᐃᕽ:

³ ᑭᓭᐋᐧᑐᑖᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐅᐦᒋᐢᑕᒫᑯᐋᐧᐤ ᑭᓭᒪᓂᑐ ᐁᐧᔪᑖᐃᐧᕽ, ᒥᓇ ᑳ ᑎᐯᔨᒥᑯᔭᕽ ᒋᓴᐢ ᙭,

⁴ ᐊᓇ ᑭ ᒪᒋᐃᑎᐃᐧᓂᓇᐊᐧ ᑳ ᑭ ᐅᐦᒋ ᐸᑭᑎᓂᓱᐟ, ᑭᑕ ᐸᐢᐱᐃᑯᔭᕽ ᐅᒪ ᑳ ᒪᒑᔨᐊᐧᕽ ᐊᐢᑭ ᐅᐦᒋ, ᐁ ᐃᑕᐢᑌᔨᐠ ᐅᐟ ᐃᑌᔨᑕᒧᐃᐧᐣ ᑭ ᑭᓭᒪᓂᑐᒥᓇᐤ ᒥᓇ ᑯᑖᐃᐧᓇᐤ:

⁵ ᐁᐊᐧᑯ ᑭᑕ ᐃᐧ ᑭᐢᑕᑭᒫᐤ ᑳᑭᑫ ᒥᓇ ᑳᑭᑫ. ᐋᒣᐣ.

⁶ ᓂ ᒫᒪᐢᑳᑌᐣ ᐁ ᐃᓯ ᑭᔨᐸ ᓇᑲᑖᔦᐠ ᐊᓇ ᑳ ᑭ ᓇᑐᒥᑯᔦᐠ ᐅ ᑭᓭᐋᐧᑎᓯᐃᐧᓂᕽ ᙭ ᑭᑕ ᐅᑎᓇᒣᐠ ᑯᑕᐠ ᒥᔮᐧᒋᒧᐃᐧᐣ;

⁷ ᓇᒪᔦᐤ ᒫᑲ ᑯᑕᐠ ᒥᔮᐧᒋᒧᐃᐧᐣ: ᐱᑯ ᐃᐦᑖᐊᐧᐠ ᐊᓂᑭ ᐁ ᒥᑯᐢᑳᒋᐃᑯᔦᑳᐧᐤ, ᒥᓇ ᐁ ᐃᐧ ᐱᑯᓇᑭᐠ ᐅ ᒥᔮᐧᒋᒧᐃᐧᐣ ᙭.

⁸ ᒫᑲ ᑭᐢᐱᐣ ᓂᔭᓈᐣ, ᐊᐦᐳ ᐅᑭᓯᑯ ᑭᐦᒋ ᑭᓯᑯᕽ ᐅᐦᒋ, ᑭ ᐊᐧᐃᐧᑕᒫᕽ ᓈᐣᑕᐤ ᒥᔮᐧᒋᒧᐃᐧᐣ ᑯᑕᐠ ᐃᔨᑯᕽ ᐊᓂᒪ ᑳ ᑭ ᐅᑎᓇᒣᐠ, ᑭᔮᒼ ᑭᑕ ᒪᒐᑭᒫᐤ.

⁹ ᑳ ᑭ ᐃᑌᐧᔮᕽ ᑲᔭᑌ, ᐁᑯᓯ ᐁᑲᐧ ᒥᓇ ᐁᑌᐧᔮᐣ, ᑭᐢᐱᐣ ᐊᐃᐧᔭᐠ ᐃᐧᐦᑕᒫᑯᔦᑯ ᑯᑕᐠ ᒥᔮᐧᒋᒧᐃᐧᐣ ᐃᔨᑯᕽ ᐊᓂᒪ ᑳ ᑭ ᐅᑎᓇᒣᐠ, ᑭᔮᒼ ᑭᑕ ᒪᒐᑭᒋᑳᓱ.

¹⁰ ᒋᑫᒫ ᐊᔨᓯᔨᓂᐊᐧᐠ ᒋ ᐅᒪ ᑳ ᓯᑭᒪᑭᐠ, ᐊᐦᐳ ᒋ ᑭᓭᒪᓂᑐ? ᑭᐢᐱᐣ ᑫᔮᐱᐨ ᐊᔨᓯᔨᓂᐊᐧᐠ ᓇᐦᐃᔭᐁᐧᐊᑭᐠ, ᓇᒪᔦᐤ ᐁᓴ ᓂᔭ ᐅᐟ ᐊᑐᐢᑫᔮᑲᓇ ᙭.

¹¹ ᒋᑫᒫ ᑭ ᑭᐢᑫᔨᑕᒧᐃᑎᓈᐋᐧᐤ, ᓂᒋᐋᐧᒥᑎᐠ, ᐊᓂᒪ ᐅᐦᒋ ᒥᔮᐧᒋᒧᐃᐧᐣ ᑳ ᑭ ᐋᐧᐃᐧᑕᒫᑕᑯᐠ, ᓇᒪᐃᐧᔭ ᐊᔨᓯᔨᓂᐤ ᐁ ᐱᒥᑎᓴᐦᐊᐧᐠ.

¹² ᓇᒪᐃᐧᔭ ᒫᑲ ᐊᔨᓯᔨᓂᐤ ᑳ ᑭ ᐅᐦᒋ ᒥᔨᐟ, ᒥᓇ ᓇᒪᐃᐧᔭ ᐊᔨᓯᔨᓂᐤ ᓄᐦᒋ ᑭᐢᑭᓄᐦᐊᒫᐠ, ᒫᑲ ᓂ ᑭ ᐅᑎᐦᑎᑯᐣ ᐁ ᑭᐢᑫᔨᑕᒧᐃᐟ ᒋᓴᐢ ᙭.

¹³ ᒋᑫᒫ ᑭ ᑭ ᐯᐦᑌᓈᐋᐧᐤ ᑳ ᑭ ᐃᓯ ᐱᒫᑎᓯᔮᐣ ᑲᔮᐢ ᒍᐊᐧᐠ ᐅᐟ ᐃᓯᑖᐧᐃᐧᓂᐋᐧᕽ, ᑖᓂᓯ ᐃᓯ ᑳ ᑭ ᐃᓯ ᐊᔨᐋᐧᐠ ᑯᑕᑭᐊᑭᐠ ᑳ ᐊᔭᒥᐦᐁᐢᑕᐋᐧᒋᐠ ᑭᓭᒪᓂᑐᐊᐧ, ᒥᓇ ᑳ ᑭ ᓂᓯᐊᐧᓈᒋᐊᑭᐠ:

¹⁴ ᐁᑯᓯ ᒍᐊᐧᐠ ᐅᐟ ᐃᓯᑖᐧᐃᐧᓂᐋᐧᕽ ᐁ ᑭ ᐊᔨᐋᐧᑭ ᑭᐢᑫᔨᑕᒫᐣ ᐃᔨᑯᕽ ᒥᐦᒉᐟ ᑳ ᐃᐧᒋ ᐃᐢᐱᑎᓯᒪᑭᐠ ᓂ ᐃᐧᑕᐢᑭᒫᑲᓇᐠ, ᐊᔨᐋᐧᐠ ᐁ ᑭ ᐋᑲᒣᔨᒧᑐᑕᒫᐣ ᐅᐟ ᐋᒋᒧᐃᐧᓂᐋᐧᐤ ᓄᑖᐃᐧᔭᐠ.

¹⁵ ᒫᑲ ᐃᐢᐱ ᐁᓯ ᒥᔦᐧᔨᑕᕽ ᑭᓭᒪᓂᑐ, ᑳ ᑭ ᐱᐢᑭᑕᑭᒥᐟ ᐁ ᓂᐦᑖᐃᐧᑭᐃᐟ ᓂᑳᐃᐧᔭ ᐅᐦᒋ, ᒥᓇ ᑳ ᑭ ᓇᑐᒥᐟ ᐅ ᑭᓭᐋᐧᑎᓯᐃᐧᓂᕽ,

¹⁶ ᑭᑕ ᑭᐢᑫᔨᑕᒧᐃᐟ ᐅᑯᓯᓴ, ᑭᑕ ᑭ ᐋᒋᒥᒪᐠ ᐁ ᐋᐧᐃᐧᑕᒪᐊᐧᑭᐠ ᒉᐣᑕᐃᓬᐊᐠ; ᓭᒫᐠ ᓇᒪᐃᐧᔭ ᐃᐧᔮᐢ ᒥᓇ ᒥᐦᑯ ᑳ ᑲᑫᐢᑭᒥᑯᔮᐣ;

¹⁷ ᓇᒪᐃᐧᔭ ᒥᓇ ᓄᐦᒋ ᓇᑕᐋᐧᐸᒫᐊᐧᐠ ᒉᕒᐅᓴᓬᐊᒥᕽ ᐊᓂᑭ ᑳ ᑭ ᐊᐹᐢᑎᓬᐃᐃᐧᒋᐠ ᒪᐧᔦᐢ ᓂᔭ: ᒫᑲ ᐋᕒᐁᐱᔭ ᐊᐢᑭᕽ ᓂ ᑭ ᐃᑐᐦᑖᐣ; ᐁᑯᓯ ᒥᓇ ᓂ ᑭ ᐯ ᑭᐋᐧᐣ ᑕᒫᐢᑲᓯᕽ.

¹⁸ ᐁᑲᐧ ᑳ ᓂᐢᑐ ᐊᐢᑭᐊᐧᕽ ᓂ ᑭ ᐃᑐᐦᑖᐣ ᒉᕒᐅᓴᓬᐊᒥᕽ ᑭᑕ ᑭᐅᑲᐊᐧᐠ ᓯᐹᐢ, ᒥᓇ ᓂ ᑭ ᐃᐧᒋ ᐊᔮᒫᐤ ᒥᑖᑕᐟ ᓂᔮᓇᓄᓵᑊ ᑕᐦᑐ ᑭᓯᑳᐤ.

¹⁹ ᒫᑲ ᑯᑕᑲᐠ ᐊᐹᐢᑎᓬᐊᐠ ᓇᒪ ᐊᐃᐧᔭᐠ ᓄᐦᒋ ᐋᐧᐸᒫᐤ, ᐱᑯ ᒉᒥᐢ ᑳ ᑎᐯᔨᐦᒋᑫᐟ ᐅᒋᐋᐧᒪ.

²⁰ ᐁᑲᐧ ᐅᐦᐃ ᑳ ᒪᓯᓇᐦᐊᒫᑕᑯᐠ, ᒫᑎᑲ, ᐁ ᑲᓇᐋᐧᐸᒥᐟ ᑭᓭᒪᓂᑐ, ᓇᒪᐃᐧᔭ ᐱᑯᓇᑕ ᓂᐟ ᐃᑖᐧᐣ.

²¹ ᐁᑲᐧ ᒫᑲ ᓂ ᑭ ᑕᑯᓯᓂᐣ ᓯᕒᐃᔭ ᒥᓇ ᓯᓬᐃᓯᔭ ᐊᐢᑭᕽ.

²² ᑫᔮᐱᐨ ᒫᑲ ᓇᒪᐃᐧᔭ ᓂ ᑭᐢᑫᔨᒥᑲᐧᐠ ᓂᑳᐧᑲᓂᕽ ᐅᑎ ᐃᐧᔭ ᑭᑕ ᐋᐧᐸᒥᒋᐠ ᐅᑕᔭᒥᐦᐋᐊᐧᐠ ᒍᑎᔭᐃᕽ ᑳ ᑖᐯᐧᑕᐋᐧᒋᐠ ᙭ᐊ:

²³ ᐱᑯ ᑭ ᐯᑕᒪᐧᐠ ᐁ ᐃᑌᐧᐃᐧᐦᐟ, ᐊᓇ ᑳ ᑭ ᑯᑕᑭᐦᐃᑯᔭᕽ ᐁᑲᐧ ᑲᑫᐢᑭᒥᐁᐧᐤ ᐊᓂᒪ ᑖᐯᐧᔦᔨᑕᒧᐃᐧᐣ ᑳ ᑭ ᑌᐱ ᑭᑎᒪᐦᐋᐟ;

²⁴ ᐁᑯᓯ ᑭ ᑭᐢᑕᑭᒣᐊᐧᐠ ᑭᓭᒪᓂᑐᐊᐧ ᓂᔭ ᐅᐦᒋ.