ēmās 1 - ᑲᓈᒋ ᑭᐦᒋ ᒪᓯᓈᐦᐃᑲᐣ

¹ ᐅᐟ ᐃᑌᐧᐃᐧᓇ ᐁᒫᐢ, ᐊᓇ ᑳ ᑭ ᐃᐧᒉᐋᐧᐟ ᐅᑲᓇᐃᐧᐱᓯᐢᑭᐁᐧᐊᐧ ᑎᑳᐊ ᐅᐦᒋ, ᑳ ᑭ ᐋᐧᐸᐦᑕᕽ ᐃᐢᕒᐁᐃᓬᐊ ᐅᐦᒋ ᒣᑳᐧᐨ ᐁ ᐊᔮᐟ ᐊᓵᔭ ᒍᑕ ᑭᐦᒋ ᐅᑭᒫᐤ, ᒥᓇ ᒣᑳᐧᐨ ᐁ ᐊᔮᐟ ᒉᕒᐊᐳᐊᒼ ᐅᑯᓯᓴ ᒍᐋᐢ ᐃᐢᕒᐁᐃᓬ ᑭᐦᒋ ᐅᑭᒫᐤ, ᓂᓱ ᐊᐢᑭ ᒪᐧᔦᐢ ᑭᑲᐧᕽ.

² ᑭ ᐃᑌᐧᐤ ᒫᑲ, ᑳ ᑎᐯᔨᐦᒋᑫᐟ ᓵᔭᓂᕽ ᑭᑕ ᐅᐦᒋ ᐯᐦᑖᑯᓯᐤ, ᒥᓇ ᒉᕒᐅᓴᓬᐊᒥᕽ ᑭᑕ ᐅᐦᒋ ᑌᐯᐧᐤ; ᐁᑯᓯ ᑳ ᒪᒥᔭᐧᐢᑳᔨᐠ ᐅᑲᓇᐃᐧᒫᔭᑎᐦᑫᐧᐊᐧᐠ ᑭᑕ ᒫᑐᒪᑲᓇᐧ ᒥᓇ ᑕᐦᑯᑖᒪᑎᐣ ᑳᕒᒥᓬ ᑭᑕ ᓂᐳᒪᑲᐣ.

³ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᑕᒫᐢᑲᐢ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒪᐋᐧᐊᐧᐠ ᐅ ᑲᑫᐢᑭᒧᐦᐃᑯᐃᐧᓂᐋᐧᐤ; ᒋᑫᒫ ᑭ ᐸᐊᐧᐁᐧᐊᐧᐠ ᑭᓬᐃᔭᑕ ᐁ ᐋᐸᒋᐦᑖᒋᐠ ᐱᐋᐧᐱᐢᑯ ᐸᐊᐧᐃᑳᑲᓇ;

⁴ ᒫᑲ ᓂ ᑲ ᐃᓯᑎᓴᐁᐣ ᐃᐢᑯᑌᐤ ᐅ ᐋᐧᐢᑳᐦᐃᑲᓂᕽ ᐦᐁᓭᐃᓬ, ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᐅ ᑭᐦᒋ ᐅᑭᒫᐃᐧᑲᒥᑲᐧ ᐯᐣᐦᐁᑖᐟ.

⁵ ᓂ ᑲ ᐱᑯᓇᒫᐧᐣ ᒫᑲ ᐅᐟ ᐋᑖᐢᑯᐃᑲᐣ ᑕᒫᐢᑲᐢ, ᒥᓇ ᓂ ᑲ ᑭᐢᑭᐁᐧᐸᐋᐧᐤ ᑳ ᐅᐟ ᐃᐦᑖᐃᐧᓂᐟ ᐁᐱᐣ ᐊᐧᔭᑎᓈᕽ, ᒥᓇ ᐊᓇ ᑳ ᒥᒋᒥᓇᕽ ᑎᐯᔨᒋᑳᑲᐣ ᐅ ᐋᐧᐢᑳᐦᐃᑲᓂᕽ ᐃᑎᐣ ᐅᐦᒋ; ᐁᑯᓯ ᓯᕒᐃᔭ ᐊᔨᓯᔨᓂᐊᐧᐠ ᑭᑕ ᐃᑐᐦᑌᐊᐧᐠ ᐊᐊᐧᑳᑎᑯᐃᐧᓂᕽ ᐊᓂᑕ ᑲᕒ, ᐃᑌᐧᐤ ᑳ ᑎᐯᔨᐦᒋᑫᐟ.

⁶ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᑫᓴ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᓯᐯᐧᐦᑕᐦᐁᐊᐧᐠ ᐁ ᐊᐊᐧᑳᑖᒋᐠ ᒫᒪᐃᐧ ᐊᔨᓯᔨᓂᐊᐧ, ᑭᑕ ᐸᑭᑎᓇᒪᐋᐧᒋᐠ ᐃᑕᒪ;

⁷ ᒫᑲ ᐃᐢᑯᑌᐤ ᓂ ᑲ ᐃᓯᑎᓴᐁᐣ ᑫᓴ ᒣᓂᐢᑭᑫᐃᐧᓂᕽ ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᑭᐦᒋ ᐅᑭᒫᐃᐧᑲᒥᑲᐧ ᐁᑯᑕ;

⁸ ᓂ ᑲ ᑭᐢᑭᐁᐧᐸᐋᐧᐤ ᒫᑲ ᑳ ᐅᐟ ᐃᐦᑖᐃᐧᓂᐟ ᐋᐢᑖᑎᕽ, ᒥᓇ ᐊᓇ ᑳ ᒥᒋᒥᓇᕽ ᑎᐯᔨᒋᑳᑲᐣ ᐋᐢᑭᓬᐊᐣ ᐅᐦᒋ; ᓂ ᑲ ᑫᐧᐢᑭᒋᐦᒉᔨᐢᑌᐣ ᒫᑲ ᐁᑲᕒᐊᐣ, ᐁᑯᓯ ᑳ ᐃᐢᑯᐃᐦᒋᐠ ᐱᓬᐃᐢᑎᓇᐠ ᑭᑕ ᓂᓯᐊᐧᓈᑎᓯᐊᐧᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.

⁹ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᑖᔭᕒ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᐸᑭᑎᓇᒪᐁᐧᐊᐧᐠ ᐃᑕᒪ ᒫᒪᐤ ᐊᔨᓯᔨᓂᐊᐧ, ᒥᓇ ᓇᒪᐃᐧᔭ ᑭ ᑭᐢᑭᓯᑐᑕᒪᐧᐠ ᐅᒋᐋᐧᒥᑐᐃᐧ ᐃᐧᒋᐦᐃᓯᒋᑫᒥᑐᐃᐧᐣ;

¹⁰ ᒫᑲ ᓂ ᑲ ᐃᓯᑎᓴᐁᐣ ᐃᐢᑯᑌᐤ ᑖᔭᕒ ᒣᓂᐢᑭᑫᐃᐧᓂᕽ, ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᑭᐦᒋ ᐅᑭᒫᐃᐧᑲᒥᑲᐧ ᐁᑯᑕ.

¹¹ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓇ ᐃᑕᒼ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᑭ ᓇᐊᐧᓵᐧᑌᐤ ᐅᒋᐋᐧᒪ ᐃᓴᐁᐧᐢᐠ ᐅᐦᒋ ᐁᑯᓯ ᑭ ᐁᐧᐱᓇᒼ ᑲᐦᑭᔭᐤ ᓴᐃᐧᑌᐦᐁᐃᐧᐣ, ᒥᓇ ᐅ ᑭᓯᐋᐧᓯᐃᐧᐣ ᑕᐦᑭᓀ ᐁ ᔮᔨᑭᐱᒋᑫᒪᑲᓂᔨᐠ, ᐁᑯᓯ ᐁ ᑭ ᑲᓇᐁᐧᔨᑕᕽ ᐅ ᓇᔦᑖᐁᐧᔨᑕᒧᐃᐧᐣ ᑳᑭᑫ;

¹² ᒫᑲ ᐃᐢᑯᑌᐤ ᓂ ᑲ ᐃᓯᑎᓴᐦᐊᒪᐋᐧᐤ ᑎᒪᐣ, ᒥᓇ ᑭᑕ ᒣᐢᑎᑲᓴᒧᒪᑲᐣ ᐹᓴᕒᐊ ᑭᐦᒋ ᐅᑭᒫᐃᐧᑲᒥᑲᐧ.

¹³ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᓂᐢᑐ ᐅ ᐊᐧᓂᑐᑕᒧᐃᐧᓂᐋᐧᐊᐧ ᐋᒪᐣ ᐅᐟ ᐊᐋᐧᓯᒥᓴ ᐅᐦᒋ, ᐁᐦᐁ, ᓀᐤ ᐅᐦᒋ, ᓇᒪᐃᐧᔭ ᓂ ᑲ ᐃᑲᑌᓇᒫᐧᐣ ᐅ ᑲᑫᐢᑭᒧᐦᐃᑯᐃᐧᐣ; ᒋᑫᒫ ᐁ ᑭ ᑖᑐᓵᐋᐧᑖᒋᐠ ᐃᐢᑫᐧᐊᐧ ᑳ ᑭᑯᓭᔨᐟ ᐁᑯᑕ ᑭᓬᐃᔭᐟ, ᑭᑕ ᐃᓯ ᔭᑭᑖᒋᐠ ᐅᐟ ᐊᐢᑭᐋᐧᐤ;

¹⁴ ᒫᑲ ᓂ ᑲ ᑳᐧᑯᑌᓀᐣ ᐃᐢᑯᑌᐤ ᕒᐋᐸ ᒣᓂᐢᑭᑫᐃᐧᓂᕽ, ᐁᑯᓯ ᑭᑕ ᒣᐢᑎᑲᓴᒧᒪᑲᐣ ᑭᐦᒋ ᐅᑭᒫᐃᐧᑲᒥᑲᐧ ᐁᑯᑕ, ᑭᑭ ᐁ ᓵᑯᐁᐧᕽ ᓄᑎᓂᑐᐃᐧᑭᓯᑳᑭ, ᑭᑭ ᐁ ᑭᐢᑎᕽ ᐱᓯᒍᓯᐃᐧ ᑭᓯᑳᑭ;

¹⁵ ᐅ ᑭᐦᒋ ᐅᑭᒫᒥᐋᐧᐊᐧ ᒫᑲ ᑭᑕ ᐃᑐᐦᑌᔨᐊᐧ ᐊᐊᐧᑳᑎᑯᐃᐧᓂᕽ, ᐃᐧᔭ ᒥᓇ ᐅᑭᒫᒪ ᐊᓯᒋ, ᐃᑌᐧᐤ ᑳ ᑎᐯᔨᐦᒋᑫᐟ.