cāsyoa 1 - ᑲᓈᒋ ᑭᐦᒋ ᒪᓯᓈᐦᐃᑲᐣ

¹ ᐃᐢᐱ ᒫᑲ ᓵᓴᐩ ᑳ ᓂᐱᐟ ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑭ ᐅᑎᐦᒋᐸᔨᐤ, ᑳ ᑎᐯᔨᐦᒋᑫᐟ ᐁ ᑭ ᐊᔭᒥᐦᐋᐟ ᒑᐢᔪᐊᐊᐧ, ᐅᑯᓯᓴ ᓇᐣ, ᒧᓯᐢ ᐅᐟ ᐊᑐᐢᑫᔮᑲᓂᔨᐊᐧ, ᐅᒥᓯ ᐁ ᐃᑖᐟ,

² ᒧᓯᐢ ᓂᐟ ᐊᑐᐢᑫᔮᑲᐣ, ᑭ ᓂᐱᐤ, ᐁᑲᐧ ᒫᑲ ᐸᓯᑯ, ᐊᓱᐊᐧᐊ ᐅᒪ ᒑᕒᑕᐣ, ᑭᔭ, ᒥᓇ ᑲᐦᑭᔭᐤ ᐅᑯ ᐊᔨᓯᔨᓂᐊᐧᐠ, ᑭᑕ ᓈᑕᒣᐠ ᐊᓂᒪ ᐊᐢᑭ ᑳ ᒥᔭᑭᐠ, ᐊᓂᑭ ᐅᑎ ᐃᐢᕒᐁᐃᓬ ᐅᑕᐋᐧᓯᒥᓴ.

³ ᐱᑯ ᐊᓂᒪ ᐊᐢᑭ ᑫ ᓴᒥᓯᑌᐢᑲᒣᐠ, ᐁᐊᐧᑯ ᑳ ᒥᔨᑕᑯᐠ, ᒣᐧᐦᒋ ᑳ ᑭ ᐃᑕᐠ ᒧᓯᐢ.

⁴ ᐱᑲᐧᑕᐢᑲᒥᑲᕽ ᐅᐦᒋ, ᒥᓇ ᐅᒪ ᓬᐁᐱᓇᐣ, ᑭᐦᒋ ᓯᐱᕽ ᐃᓴ ᐱᑯ ᐃᐢᑯ, ᐊᓂᒪ ᓯᐱ ᔪᐸᕒᐁᑎᐢ, ᒥᓇ ᒥᓯᐁᐧ ᐅᐟ ᐊᐢᑭᐋᐧᐤ ᐊᓂᑭ ᐦᐃᑕᐃᑕᐠ, ᒥᓇ ᑭᒋᑲᒥᕽ ᐃᐢᑯ ᑳ ᐃᓯ ᐸᐦᑭᓯᒧᐠ ᐃᑌᐦᑫ, ᑭ ᑳ ᐃᓯ ᐊᐧᐢᑲ ᑎᐯᔨᐦᑌᓈᐋᐧᐤ.

⁵ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᐢᑭᑕᐤ ᑭᑕ ᐅᑎᐢᑲᐃᐧᑲᐸᐃᐧᐢᑕᐢᐠ ᐃᔨᑯᕽ ᑫ ᐱᒫᑎᓯᔭᐣ; ᒣᐧᐦᒋ ᑲ ᑭ ᐃᓯ ᐃᐧᒉᐊᐧᐠ ᒧᓯᐢ, ᐁᑯᓯ ᒣᐧᐦᒋ ᑫ ᐃᓯ ᐃᐧᒉᐃᐧᑕᐣ, ᓇᒪᐃᐧᔭ ᑭ ᑲ ᓇᑲᑎᑎᐣ, ᐊᐦᐳ ᓇᒪᐃᐧᔭ ᑭ ᑲ ᐁᐧᐱᓂᑎᐣ,

⁶ ᒪᐢᑲᐃᐧᓯ ᒥᓇ ᒪᐢᑲᐁᐧᔨᑕ; ᒋᑫᒫ ᐅᑯ ᐊᔨᓯᔨᓂᐊᐧᐠ ᑭ ᑲ ᒪᑎᓇᒪᐋᐧᐊᐧᐠ ᑭᑕ ᑎᐯᔨᐦᑕᑭᐠ ᐅᒪ ᐊᐢᑭ, ᐊᓂᒪ ᑲ ᑭ ᐃᐧᐦᑕᒫᒪᐠ ᐅᑕᐃᐧᐋᐧᐊᐧ ᐁ ᑭᐦᒋ ᐃᑌᐧᔭᐣ ᑭᑕ ᒥᔭᑭᐠ.

⁷ ᐱᑯ ᒪᐢᑲᐃᐧᓯ ᒥᓇ ᓇᐢᐱᐨ ᒪᐢᑲᐁᐧᔨᑕ, ᑭᑕ ᑲᓇᐁᐧᔨᑕᒪᐣ ᑭᑕ ᑐᑕᒪᐣ ᑳ ᐃᑕᐢᑌᐠ ᑲᐦᑭᔭᐤ ᐃᑕᓱᐁᐧᐃᐧᐣ, ᐊᓂᒪ ᒧᓯᐢ ᓂᐟ ᐊᑐᐢᑫᔮᑲᐣ ᑳ ᑭ ᓯᑭᒥᐢᐠ, ᐁᑳᐃᐧᔭ ᓇᑲᑕ ᑭᒋᓂᐢᑭᕽ ᐃᓯ ᐊᐦᐳ ᓇᒪᑎᓂᕽ, ᑭᑕ ᐅᐦᒋ ᒥᔪᐸᔨᔭᐣ ᐱᑯ ᐃᑌ ᐁ ᐸᐹᐊᔨᑐᑌᔭᐣ.

⁸ ᐅᒪ ᐃᑕᓱᐁᐧᐃᐧ ᒪᓯᓇᐦᐃᑲᐣ ᓇᒪᐃᐧᔭ ᑭᑕ ᓯᐯᐧᑌᒪᑲᐣ ᑭᑐᓂᕽ ᐅᐦᒋ; ᒫᑲ ᑭ ᑲ ᒫᒥᑐᓀᔨᑌᐣ ᐁ ᑭᓯᑳᐠ ᒥᓇ ᐁ ᑎᐱᐢᑳᐠ, ᑭᑕ ᐅᐦᒋ ᐃᑌᔨᑕᒪᐣ ᑭᑕ ᐃᑐᑕᒪᐣ ᑲᐦᑭᔭᐤ ᐁᑯᑕ ᑳ ᒪᓯᓇᐃᑳᑌᑭ; ᒋᑫᒫ ᐁᑯᑕ ᑫ ᐅᐦᒋ ᔭᑭᐅᒪᑲᕽ ᑭ ᐱᒧᐦᑌᐃᐧᐣ, ᒥᓇ ᐁᐊᐧᑯ ᑫ ᐅᐦᒋ ᒥᔪ ᑲᐢᑭᑕᒪᓱᔭᐣ.

⁹ ᓇᒪ ᒋ ᑭ ᑭ ᓯᑭᒥᑎᐣ? ᒪᐢᑲᐃᐧᓯ ᒥᓇ ᒪᐢᑲᐁᐧᔨᑕ; ᐁᑳᐃᐧᔭ ᑯᐢᑖᒋ, ᐊᐦᐳ ᐁᑳ ᓭᑭᓯ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᐃᐧᒉᐃᐧᐠ ᐃᑌ ᐁᐊᔨᑐᑌᔭᐣ.

¹⁰ ᐁᑯᐢᐱ ᒫᑲ ᒑᐢᔪᐊ ᑭ ᓯᑭᒣᐤ ᐅᑐᑭᒫᒥᔨᐊᐧ ᐊᔨᓯᔨᓂᐊᐧ, ᐅᒥᓯ ᐁ ᐃᑖᐟ,

¹¹ ᓵᐳᐢᑲᑯᐠ ᐅᓇᑐᐸᔨᐊᐧᐠ, ᒥᓇ ᓯᑭᒥᑯᐠ ᐊᔨᓯᔨᓂᐊᐧ; ᐁ ᐃᑌᐧᔦᐠ ᓂᒪᐃᐧᓂᑲᓱᐠ ᐃᓴ ᒋᑫᒫ ᑭ ᐳᓂ ᓂᐢᑐ ᑭᓯᑳᑭ ᑭ ᑲ ᐋᐦᐊᐧᐁᓈᐋᐧᐤ ᐅᒪ ᒑᕒᑕᐣ, ᑭᑕ ᓂᑕᐃᐧ ᑎᐯᔨᐦᑕᒣᐠ ᐊᐢᑭ, ᑳ ᒥᔨᑯᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭᑕ ᑎᐯᔨᐦᑕᒣᐠ.

¹² ᒥᓇ ᐊᓂᑭ ᕒᐅᐱᓇᐃᑕᐠ, ᒥᓇ ᑳᑕᐃᑕᐠ ᒥᓇ ᐊᐱᑕᐤ ᐅᑕᑐᑌᐃᐧᓯᐃᐧᐣ ᒪᓈᓯ, ᑭ ᐊᔭᒥᐦᐁᐤ ᒑᐢᔪᐊ, ᐅᒥᓯ ᐁ ᐃᑖᐟ,

¹³ ᑭᐢᑭᓯᐠ ᐊᓂᒪ ᐃᑌᐧᐃᐧᐣ ᑳ ᑭ ᓯᑭᒥᑯᔦᐠ ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ, ᐁ ᐃᑎᑯᔦᐠ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᑭ ᒥᔨᑯᐋᐧᐤ ᐊᔦᐧᐱᐃᐧᐣ, ᒥᓇ ᑭ ᑭ ᒥᔨᑯᐋᐧᐤ ᐅᒪ ᐊᐢᑭ.

¹⁴ ᑭ ᐃᐧᒉᐊᐧᑲᓂᐋᐧᐊᐧᐠ ᑭᑕᐋᐧᓯᒥᓯᐋᐧᐊᐧᐠ, ᒥᓇ ᑭᐟ ᐊᐊᐧᑳᓂᐋᐧᐊᐧᐠ ᑭᑕ ᐊᔭᐊᐧᐠ ᐅᑕ ᐊᐢᑭᕽ, ᐊᓂᒪ ᒧᓯᐢ ᑳ ᑭ ᒥᔨᑯᔦᐠ ᐅᑕ ᐃᑌᑫᑳᒼ ᒑᕒᑕᓂᕽ; ᑭ ᑲ ᓂᑳᓄᑕᐋᐧᐋᐧᐊᐧᐠ ᒫᑲ ᑭᒋᐋᐧᒥᐋᐧᐋᐧᐠ ᐁ ᓂᒪᐢᑫᐧᔦᐠ, ᑲᐦᑭᔭᐤ ᑲ ᓂᑕᐤ ᓇᑐᐸᔨᔦᐠ, ᐁᑯᓯ ᑭᑕ ᐃᐧᒋᐋᔦᑯᐠ;

¹⁵ ᐹᑎᒫ ᐃᔨᑯᕽ ᑳ ᑎᐯᔨᐦᒋᑫᐟ ᑭ ᒥᔮᒋ ᑭᒋᐋᐧᒥᐋᐧᐊᐧ, ᐊᔦᐧᐱᐃᐧᐣ ᒣᐧᐦᒋ ᑳ ᑭ ᐃᓯ ᒥᔨᑯᔦᐠ, ᒥᓇ ᑭ ᑎᐯᔨᐦᑕᐦᑳᐧᐃᐧ ᐊᓂᒪ ᐊᐢᑭ ᑳ ᒥᔭᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ; ᐁᑯᐢᐱ ᑭ ᑲ ᐯ ᓇᑌᓈᐋᐧᐤ ᐊᓂᒪ ᐊᐢᑭ ᑳ ᑎᐯᔨᐦᑕᒣᐠ, ᒥᓇ ᑭᑖ ᐊᔮᔦᐠ, ᐊᓂᒪ ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑳ ᑭ ᒥᔨᑯᔦᐠ ᐅᑌ ᐃᑌᑫᑲᒼ ᒑᕒᑕᓂᕽ ᑲ ᐅᐦᒋ ᓴᑲᐢᑌᐠ ᐃᑌᐦᑫ.

¹⁶ ᑭ ᓇᐢᑫᐧᐊᐧᓯᒣᐊᐧᐠ ᒫᑲ ᒑᐢᔪᐊᐊᐧ, ᐅᒥᓯ ᐁ ᐃᑖᒋᐠ, ᑲᐦᑭᔭᐤ ᐊᓂᒪ ᑳ ᓯᑭᒥᔭᕽ ᓂ ᑲ ᐃᑐᑌᓈᐣ ᒥᓇ ᐃᑌ ᐁ ᐃᓯᑎᓴᐦᐅᔭᕽ, ᓂ ᑲ ᐃᑐᑖᓈᐣ,

¹⁷ ᒣᐧᐦᒋ ᑳ ᑭ ᐃᓯ ᓇᑐᑕᐊᐧᔭᕽ ᒧᓯᐢ ᒥᓯᐁᐧ ᐃᓯ, ᐁᑯᓯ ᑫ ᐃᓯ ᓇᑐᐦᑕᑕᕽ; ᐱᑯ ᑭᔮᒼ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᐃᐧᒉᐃᐧᐠ, ᒣᐧᐦᒋ ᑲ ᑭ ᐃᓯ ᐃᐧᒉᐊᐧᐟ ᒧᓯᓴ.

¹⁸ ᐊᐁᐧᓇᓇ ᐱᑯ ᑫ ᒪᔦᔨᑕᒧᑫᐧ ᑭ ᑲᑫᐢᑭᒥᐁᐧᐃᐧᐣ, ᒥᓇ ᐁᑳ ᑫ ᓇᑐᑕᒧᑫᐧ ᑭᐟ ᐃᑌᐧᐃᐧᐣ ᑲᐦᑭᔭᐤ ᐊᓂᒪ ᑳ ᐃᓯ ᓯᑭᒪᐟ, ᑭᑕ ᓂᐸᐦᐋᐤ; ᐱᑯ ᑭᔮᒼ ᒪᐢᑲᐃᐧᓯ ᒥᓇ ᒪᐢᑲᐁᐧᔨᑕ.