ᐃᓯᐦᒋᑫᐃᐧᓂᐋᐧᐊᐧ 1 - ᑲᓈᒋ ᑭᐦᒋ ᒪᓯᓈᐦᐃᑲᐣ

¹ ᓂᐢᑕᒼ ᒪᓯᓇᐦᐃᑲᐣ ᓂ ᑭ ᐅᓯᑖᐣ ᐋ ᑎᐋᐱᓬᐊᐢ, ᐁ ᐋᑐᑕᒫᐣ ᑲᐦᑭᔭᐤ ᐊᓂᒪ ᒋᓴᐢ ᑳ ᑭ ᒫᒋ ᐃᑐᑕᕽ ᒥᓇ ᑳ ᑭ ᑭᐢᑭᓇᐊᒫᑫᐟ,

² ᐱᔨᐢ ᐊᓂᒪ ᐁ ᑭᓯᑳᐠ ᑳ ᑭ ᐅᑎᓂᐦᐟ ᐃᐢᐱ ᑳ ᐊᐧᐁᐧᔭᓱᐋᐧᑖᐠ ᑳ ᑲᓈᑎᓯᔨᐟ ᐊᐦᒑᐦᑲᐧ ᐅᐦᒋ, ᐊᓂᐦᐃ ᐊᐹᐢᑎᓬᐊ ᑳ ᑭ ᓇᐊᐧᓱᓈᐟ:

³ ᐁᐊᐧᑲᐧᓂ ᒥᓇ ᑳ ᐳᓂᐸᔨᔨᐠ ᐅ ᑯᑕᑭᑖᐃᐧᐣ ᑳ ᑭ ᐋᐧᐸᑎᔨᓱᐢᑕᐋᐧᐟ ᐁ ᐱᒫᑎᓯᐟ ᒥᒉᑕᐧᔭᐠ ᐁ ᐃᓯ ᑫᒋᓈᔦᔨᑕᒥᐋᐟ, ᓀᒥᑕᓇᐤ ᑭᓯᑳᐊᐧ ᐁ ᑭ ᐋᐧᐸᒥᑯᐟ, ᒥᓇ ᐁ ᑕᓯᑕᕽ ᐊᓂᐦᐃ ᑳ ᐊᑭᑌᑭ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ:

⁴ ᐁᑯᓯ ᒫᑲ ᐁ ᒫᒪᐃᐧ ᒫᐊᐧᒋᐃᑐᒋᐠ, ᑭ ᐊᔮᑳᐧᒥᒣᐤ ᐁᑳ ᑭᑕ ᓯᐯᐧᑌᔨᐟ ᒉᕒᐅᓴᓬᐊᒥᕽ ᐅᐦᒋ, ᒫᑲ ᑭᑕ ᐯᑖᐋᐧᒋᐠ ᐅᐟ ᐊᓱᑕᒫᑫᐃᐧᓂᔨ ᐁᐧᔪᑖᐃᐧᕽ, ᐁᐊᐧᑯ, ᑭ ᐃᑌᐤ, ᑭ ᑭ ᐯᑕᐃᐧᓈᐋᐧᐤ:

⁵ ᒋᑫᒫ ᒑᐣ ᑖᐯᐧ ᑭ ᐸᑊᑕᐃᓯᐃᐧᐃᐁᐧᐤ ᓂᐱ ᐅᐦᒋ; ᒫᑲ ᑭᔭᐋᐧ ᑭ ᑲ ᐹᑊᑕᐃᓯᐃᐧᐃᑲᐃᐧᓈᐋᐧᐤ ᑳ ᑲᓈᑎᓯᐟ ᐊᐦᒑᕽ ᐅᐦᒋ ᓇᒪᐃᐧᔭ ᒥᒉᑐ ᑭᓯᑳᐤ ᓂᑳᐣ ᐅᑌ.

⁶ ᐃᐧᔭᐋᐧᐤ ᒫᑲ, ᐃᐢᐱ ᐁ ᒫᒪᐃᐧ ᐊᔮᒋᐠ, ᑭ ᑲᑫᐧᒋᒣᐊᐧᐠ, ᐁ ᐃᑌᐧᒋᐠ, ᑌᐯᔨᐦᒋᑫᔭᐣ, ᐊᓄᐦᐨ ᐅᒪ ᑳ ᐃᑭᕽ ᑭ ᑲ ᒥᔮᐊᐧᐠ ᒋ ᐃᐢᕒᐁᐃᓬ ᑭᐦᒋ ᐅᑭᒫᐃᐧᐃᐧᐣ?

⁷ ᑭ ᐃᑌᐤ ᒫᑲ, ᓇᒪᐃᐧᔭ ᑭᔭᐋᐧᐤ ᑭᑕ ᑭᐢᑫᔨᑕᒣᐠ ᑭᓯᑳᐊᐧ ᒥᓇ ᐁ ᐋᐃᐢᐱᑖᔭᐊᐧᕽ, ᐁᐧᔪᑖᐃᐧᕽ ᐃᐧᔭ ᑳ ᑎᐯᔨᑕᕽ.

⁸ ᒫᑲ ᑭ ᑲ ᒥᔨᑲᐃᐧᓈᐋᐧᐤ ᑲᐢᑭᐦᐁᐃᐧᓯᐃᐧᐣ, ᐃᐢᐱ ᑳ ᑲᓈᑎᓯᐟ ᐊᐦᒑᕽ ᐅᑎᐦᑎᑯᔦᑯ: ᐁᑯᓯ ᑭ ᑲ ᐋᒋᒥᓈᐋᐧᐤ ᒉᕒᐅᓴᓬᐊᒥᕽ, ᒥᓇ ᒥᓯᐁᐧ ᒍᑎᔭᐃᕽ ᒥᓇ ᓴᒣᕒᐃᔭᐃᕽ, ᒥᓇ ᐁ ᑳᑭᓯᐸᐢᑲᒥᑳᐠ ᐊᐢᑭ.

⁹ ᐃᐢᐱ ᒫᑲ ᐅᐦᐃ ᑳ ᐊᔨᑌᐧᐟ, ᐁ ᒣᑳᐧ ᑭᑖᐸᒫᒋᐠ, ᐃᐢᐱᒥᕽ ᑭ ᐃᓯ ᐅᑎᓈᐤ; ᐁᑯᓯ ᐊᐧᐢᑯᕽ ᐁ ᐊᑎ ᐋᑯᐸᔨᔨᐟ ᓇᒪᐃᐧᔭ ᐋᐧᐸᒣᐊᐧᐠ.

¹⁰ ᒣᑳᐧᐨ ᒫᑲ ᑭᓯᑯᕽ ᓱᑭ ᐁ ᐃᑖᐱᒋᐠ ᐁ ᐊᑎ ᐅᐱᐢᑳᔨᐟ, ᒫᑎᑲ, ᓂᓱ ᓈᐯᐊᐧ ᑭ ᐃᐧᒋᑳᐸᐃᐧᐢᑖᑲᐧᐠ ᐁ ᐋᐧᐱᐢᑭᐅᔨᐟ;

¹¹ ᐁᐊᐧᑲᐧᓂ ᒥᓇ ᑳ ᐃᑎᑯᒋᐠ ᑭᔭᐋᐧᐤ ᑳᓬᐃᓬᐃᐃᐧᔨᓂᑎᐠ, ᑖᓀᑭ ᑳ ᓂᐸᐃᐧᔦᐟ ᑭᓯᑯᕽ ᐁ ᐃᑖᐱᔦᐠ? ᐊᐊᐧ ᒋᓴᐢ, ᑳ ᓇᑲᑎᑯᔦᐠ ᑭᐦᒋ ᑭᓯᑯᕽ ᐁ ᐃᓯ ᐅᑎᓂᐦᐟ, ᐁᑯᓯ ᒥᓇ ᑫ ᐃᓯ ᑕᑯᓯᕽ ᑳ ᑭ ᐃᓯ ᐋᐧᐸᒫᔦᐟ ᑭᓯᑯᕽ ᐁ ᐃᑐᐦᑌᐟ.

¹² ᐁᑲᐧ ᒫᑲ ᑭ ᐯ ᑭᐁᐧᐊᐧᐠ ᒉᕒᐅᓴᓬᐊᒥᕽ ᐊᓂᑕ ᐊᐧᒋᕽ ᐅᐦᒋ ᐋᓬᐃᐯᐟ ᑳ ᐃᓯᔨᐦᑳᑌᐠ, ᐁᐊᐧᑯ ᑭᓯᐋᐧᐠ ᒉᕒᐅᓴᓬᐊᒥᕽ ᑳ ᐊᔮᐠ, ᐯᔭᐠ ᐊᔭᒥᐦᐁᑭᓯᑳᐤ ᐱᒥᐱᒋᐃᐧᐣ ᐃᔨᑯᕽ.

¹³ ᐃᐢᐱ ᒫᑲ ᐱᔨᑐᑫᒋᐠ, ᑭ ᐃᐢᑳᐧᑕᐃᐧᐊᐧᐠ ᐃᐢᐱᒥᕽ ᐋᐧᐢᑳᐦᐃᑲᓂᕽ, ᐃᑕ ᐊᓂᒪ ᐁ ᐊᔮᒋᐠ, ᐱᑕᕒ ᒥᓇ ᒑᐣ ᒥᓇ ᒉᒥᐢ ᒥᓇ ᐋᐣᑕᕒᐅ, ᐱᓬᐃᑊ ᒥᓇ ᑖᒪᐢ, ᐹᕒᑖᓬᐊᒧ ᒥᓇ ᒫᐟᔪ, ᒉᒥᐢ ᐅᑯᓯᓴ ᐋᓬᐱᔭᐢ, ᒥᓇ ᓵᐃᒪᐣ ᓯᓬᐋᐟ ᑳ ᐃᑎᐦᐟ, ᒥᓇ ᒍᑕᐢ ᐅᑯᓯᓴ ᒉᒥᐢ.

¹⁴ ᑲᐦᑭᔭᐤ ᐅᑭ ᑭ ᒫᒪᐃᐧ ᐋᑲᒣᔨᒧᐊᐟ ᐁ ᐊᔭᒥᐦᐋᒋᐠ, ᐊᓯᒋ ᐊᓂᐦᐃ ᐃᐢᑫᐧᐊᐧ ᒥᓇ ᒣᕒᐃ ᐅᑳᐃᐧᔭ ᒋᓴᐢ, ᒥᓇ ᐅᒋᐋᐧᒪ.

¹⁵ ᐁᑯᐢᐱ ᒫᑲ ᐁ ᑲᑭᓯᑳᐠ ᐱᑕᕒ ᑭ ᓂᐸᐃᐧᐤ ᒣᑳᐧ ᐊᔨᕽ ᐃᑕ ᐁ ᐊᔮᒋᐠ ᑯᒋᐋᐧᒥᑐᒋᐠ ᐁᑯᓯ ᑭ ᐃᑌᐧᐤ (ᒥᐦᒉᐟ ᐊᔨᓯᔨᓂᐊᐧᐠ ᒫᑲ ᑭ ᒫᐊᐧᒋᐃᑐᐊᐧᐠ, ᓈᐣᑕᐤ ᒥᑖᑕᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ),

¹⁶ ᓂᒋᐋᐧᒥᑎᐠ, ᑭ ᐃᑕᐢᑌᐤ ᑭᑕ ᑎᐱᐸᔨᐠ ᑭᐦᒋ ᒪᓯᓇᐦᐃᑫᐃᐧᐣ, ᑳ ᑲᓈᑎᓯᐟ ᐊᐦᒑᕽ ᑲᔮᐢ ᑳ ᑭ ᐃᑌᐧᐟ ᐅᑐᓂᔨᕽ ᐅᐦᒋ ᑌᐱᑕ, ᑳ ᑭ ᐃᑖᐟ ᒍᑕᓴ, ᑳ ᑭᐢᑭᓄᑕᐋᐟ ᐊᓂᐦᐃ ᑳ ᑭ ᐅᑎᓈᔨᐟ ᒋᓴᓴ.

¹⁷ ᒋᑫᒫ ᑭ ᐊᓯᑕᑭᒋᑳᓱ ᑭᔮᓇᐤ, ᒥᓇ ᑭ ᒥᔮᐤ ᐸᐦᑭ ᐅᒪ ᐊᑐᐢᑫᐃᐧᐣ.

¹⁸ (ᐊᐊᐧ ᒫᑲ ᓈᐯᐤ ᑭ ᐋᑖᐁᐧᐤ ᑭᐢᑎᑳᓂᔨᐤ ᐁ ᐅᑎᓯᐟ ᐅ ᒪᒋᐃᑎᐃᐧᐣ; ᐁᑯᓯ ᐁ ᐊᒋᒋ ᐸᐦᑭᓯᕽ, ᐋᐱᑕᐤ ᑭ ᐳᐢᑯᐸᔨᐤ ᐁᑯᓯ ᐅᑕᑖᒥᔭᐊᐧ ᑭ ᑲᐧᔭᑯᐸᔨᔨᐊᐧ.

¹⁹ ᑭ ᑭᐢᑫᔨᑕᒪᐧᐠ ᒫᑲ ᑲᐦᑭᔭᐤ ᑳ ᐊᔮᒋᐠ ᒉᕒᐅᓴᓬᐊᒥᕽ; ᐁᑯᓯ ᐃᐧᔭᐋᐧᐤ ᐅ ᐱᑭᐢᑫᐧᐃᐧᓂᐋᐧᕽ ᐁᐊᐧᑯ ᑭᐢᑎᑳᐣ ᐋᑫᓬᑎᒪ ᑭ ᐃᓯᔨᐦᑳᑌᐤ, ᐁᐊᐧᑳᐧᓂᒪ, ᒥᐦᑯᐃᐧ ᑭᐢᑎᑳᐣ.)

²⁰ ᒋᑫᒫ ᐃᑕᓯᓇᐦᐃᑳᑌᐤ ᓂᑲᒧ ᒫᓯᓇᐃᑲᓂᕽ, ᑭᔮᒼ ᐅᐟ ᐃᑖᐃᐧᐣ ᑭᑕ ᐱᓯᓯᑲᐧᐢᑌᔨᐤ, ᒥᓇ ᐁᑳᐃᐧᔭ ᐊᔨᓯᔨᓂᐤ ᐁᑯᑕ ᑭᑕ ᐃᐧᑭᐤ: ᒥᓇ, ᐅᐟ ᐃᑕᐱᐃᐧᐣ ᑭᔮᒼ ᑯᑕᑲ ᑭᑕ ᐅᑎᓇᒥᔨᐊᐧ.

²¹ ᐊᓂᑭ ᓈᐯᐊᐧᐠ ᒫᑲ ᐅᐦᒋ ᑳ ᑭ ᐃᐧᒉᐃᐧᑯᔭᑯᐠ ᑕᐦᑭᓀ ᒣᑳᐧᐨ ᑳ ᑎᐯᔨᐦᒋᑫᐟ ᒋᓴᐢ ᐁ ᐸᐱᑐᑫᐟ ᒥᓇ ᐁ ᐊᐧᐊᐧᔭᐃᐧ ᐃᐧᒉᐃᐧᑯᔭᕽ,

²² ᐅ ᐹᑊᑖᐃᓯᐃᐧᐦᐃᐁᐧᐃᐧᐣ ᒑᐣ ᐅᐦᒋ, ᐱᔨᐢ ᐊᓂᒪ ᐁ ᑭᓯᑳᐠ ᑳ ᑭ ᓇᑲᑎᑯᔭᕽ ᐃᐢᐱᒥᕽ ᐁ ᐃᓯ ᐅᑎᓂᐦᐟ, ᐱᑯ ᑭᑕ ᐅᑎᓂᐦᐟ ᐯᔭᐠ ᐁᑯᑕ ᐅᐦᒋ ᑭᑕ ᑭ ᐋᑐᑕᕽ ᐃᐧᐢᑕ ᐅᐟ ᐋᐱᓯᓯᓄᐃᐧᓂᔨᐤ.

²³ ᓂᓱ ᒫᑲ ᑭ ᓂᑳᓇᔦᐊᐧᐠ, ᒍᓯᑊ ᐹᕒᓵᐸᐢ ᑳ ᐃᑎᐦᐟ, ᒐᐢᑕᐢ ᑳ ᐃᓯ ᐊᐢᐱᔨᑳᓱᐟ, ᒥᓇ ᒫᑖᔭᐢ.

²⁴ ᑭ ᐊᔭᒥᐦᐋᐊᐧᐠ ᒫᑲ, ᐁᑯᓯ ᑭ ᐃᑌᐧᐊᐧᐠ, ᑭᔭ, ᑌᐯᔨᐦᒋᑫᔭᐣ, ᑳ ᑭᐢᑫᔨᑕᒪᐧᐟ ᐅᑌᐃᐋᐧᐊᐧ ᑲᐦᑭᔭᐤ ᐊᔨᓯᔨᓂᐊᐧᐠ, ᐋᐧᐸᐦᑕᐦᐃᐁᐧ ᐅᑭ ᑳ ᐃᓯ ᓂᓯᒋᐠ ᑖᓈᓇ ᑳᐦ ᓇᐊᐧᓱᓇᐟ,

²⁵ ᑭᑕ ᐅᑎᓇᕽ ᐃᑕᐱᐃᐧᐣ ᐅᒪ ᐊᑐᐢᑫᐃᐧᓂᕽ ᒥᓇ ᐊᐸᐢᑎᓬᐃᐃᐧᐃᐧᓂᕽ, ᐃᑕ ᐅᐦᒋ ᒍᑕᐢ ᑳ ᑭ ᐸᐦᑭᓯᕽ, ᑭᑕ ᐃᑐᐦᑌ ᐃᐧᔭ ᐅᐟ ᐃᑖᐃᐧᓂᕽ.

²⁶ ᐁᑲᐧ ᒫᑲ ᑭ ᐁᐧᐱᓂᑫᐊᐧᐠ; ᐳᑎ ᒫᑲ ᒫᑖᔭᐢ ᑭ ᐅᑎᓈᐤ; ᐁᑯᓯ ᑭ ᐊᓯᑕᑭᒫᐤ ᐊᓂᐦᐃ ᒥᑖᑕᐟ ᐯᔭᑯᓵᑊ ᐊᐹᐢᑎᓬᐊ.