ᓃᓵᐧᐤ ᑌᓴᓬᐋᓂᔭᓇ 1 - ᑲᓈᒋ ᑭᐦᒋ ᒪᓯᓈᐦᐃᑲᐣ

¹ ᐹᓬ, ᒥᓇ ᓯᓬᐯᓇᐢ, ᒥᓇ ᑎᒪᑏ, ᐁ ᒪᓯᓇᐦᐊᒪᐋᐧᒋᐠ ᐅᑕᔭᒥᐦᐋᐊᐧ ᑌᓴᓬᐋᓂᔭᓇ ᑭᓭᒪᓂᑐ ᑯᑖᐃᐧᓇᐤ ᐃᓯ ᒥᓇ ᑳ ᑎᐯᔨᐦᒋᑫᐟ ᒋᓴᐢ ᙭;

² ᑭᓭᐋᐧᑐᑖᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐅᒋᐢᑕᒫᑯᐋᐧᐤ ᑭᓭᒪᓂᑐ ᐁᐧᔪᑖᐃᐧᕽ ᒥᓇ ᑳ ᑎᐯᔨᐦᒋᑫᐟ ᒋᓴᐢ ᙭.

³ ᐃᑕᐢᑌᐤ ᒧᓴᐠ ᑭᑕ ᓇᓈᐢᑯᒫᔮᕽ ᑭᓭᒪᓂᑐ ᑭᔭᐋᐧᐤ ᐅᐦᒋ, ᓂᒋᐋᐧᒥᑎᐠ, ᐁ ᐃᓯ ᓇᐃᐸᔨᐠ, ᒋᑫᒫ ᑭ ᑖᐯᐧᔦᔨᑕᒧᐃᐧᓂᐋᐧᐤ ᒥᐢᑕᐦᐃ ᐁ ᔭᑭᑭᕽ, ᒥᓇ ᐁ ᐃᓯ ᓵᑭᐦᐃᑐᔦᐠ ᒥᐢᑕᐦᐃ ᐁᐧᔪᒋ ᐊᔮᐤ;

⁴ ᐁᑯᓯ ᒫᑲ ᓂᔭᓈᐣ ᒥᓇ ᒥᐢᑕᐦᐃ ᑭ ᒪᒪᐦᑖᑯᐃᓈᐣ ᑭᓭᒪᓂᑐ ᐅᐟ ᐊᔭᒥᐦᐋᐃᐧᓂᕽ ᑭ ᓯᐯᔨᑕᒧᐃᐧᓂᐋᐧᐤ ᐅᐦᒋ ᒥᓇ ᑭ ᑖᐯᐧᔦᔨᑕᒧᐃᐧᓂᐋᐧᐤ ᒥᓯᐁᐧ ᑭ ᑯᑕᑭᐦᐃᑯᐃᐧᓂᐋᐧᕽ ᒥᓇ ᐋᔨᒥᓯᐃᐧᓂᕽ ᑳ ᐅᑎᐦᑎᑯᔦᐠ;

⁵ ᐊᓂᒪ ᑳ ᐅᐦᒋ ᐸᔭᑌ ᑭᐢᑭᓇᐋᐧᑌᔨᑖᑲᐧᕽ ᐁ ᑲᐧᔭᐢᑲᐧᓂᔨᐠ ᐅᔭᓱᐁᐧᐃᐧᐣ ᑭᓭᒪᓂᑐ; ᑭᑕ ᑌᐸᑫᔨᑖᑯᓯᔦᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ ᑳ ᐅᐦᒋ ᑯᑕᑭᑖᔦᐠ:

⁶ ᑭᐢᐱᐣ ᐅᑎ ᑲᐧᔭᐢᐠ ᑫᑲᐧᐩ ᑭᓭᒪᓂᑐ ᑭᑕ ᑎᐸᐊᒪᐋᐧᐟ ᑯᑕᑭᑖᐃᐧᐣ ᐊᓂᐦᐃ ᑳ ᑯᑕᑭᐦᐃᑯᔦᑯᐠ,

⁷ ᐁᑯᓯ ᑭᔭᐋᐧᐤ ᑳ ᑯᑕᑭᐦᐃᑲᐃᐧᔦᐠ ᑭᑕ ᐃᐧᒋ ᐊᔦᐧᐱᒥᔮᕽ, ᐃᐢᐱ ᐯ ᓄᑯᓯᒋ ᑳ ᑎᐯᔨᐦᒋᑫᐟ ᒋᓴᐢ ᑭᐦᒋ ᑭᓯᑯᕽ ᐅᐦᒋ ᐁ ᐯ ᐃᐧᒉᐋᐧᐟ ᐅ ᑭᓯᑯᒪ ᑳ ᑭᑭᔨᐟ ᐅ ᑲᐢᑭᐦᐁᐃᐧᓯᐃᐧᐣ,

⁸ ᑳᐧᑯᑌᕽ ᐁ ᑎᐸᐊᒪᐋᐧᐟ ᐋᐯᐅᐃᐧᐣ ᐊᓂᐦᐃ ᐁᑳ ᑳ ᑭᐢᑫᔨᒫᔨᐟ ᑭᓭᒪᓂᑐᐊᐧ, ᒥᓇ ᐊᓂᐦᐃ ᐁᑳ ᑳ ᓇᓇᐃᑕᒥᔨᐟ ᐅ ᒥᔮᐧᒋᒧᐃᐧᓂᔨᐤ ᑳ ᑎᐯᔨᒥᑯᐊᐧᕽ ᒋᓴᓴ;

⁹ ᐁᐊᐧᑯᓂᐠ ᑫ ᐊᔮᒋᐠ ᐅᔭᓱᐋᐧᑎᑯᐃᐧᐣ, ᑳᑭᑫ ᓂᓯᐊᐧᓈᑎᓯᐃᐧᐣ ᐅᑎ ᐁᑳ ᑭᑕ ᐋᐧᐸᒫᒋᐠ ᑭᓭᒪᓂᑐᐊᐧ ᒥᓇ ᐁ ᐃᓯ ᑭᐢᑌᔨᑖᑲᐧᓂᔨᐠ ᐅ ᑭᐦᒑᔨᐃᐧᐃᐧᐣ,

¹⁰ ᐃᐢᐱ ᐯ ᐃᑐᐦᑌᒋ ᑭᑕ ᑭᐢᑕᑭᒥᑯᐟ ᐅ ᑲᓈᑎᓯᒪ, ᒥᓇ ᑭᑕ ᒫᒪᐢᑳᑎᑯᐟ ᑲᐦᑭᔭᐤ ᑳ ᑖᐯᐧᑕᒥᔨᐟ (ᒋᑫᒫ ᑳ ᑭ ᐃᓯ ᐋᒋᒧᐢᑖᑖᕽ ᑭ ᑖᐯᐧᒋᑳᑌᐤ) ᐁᐊᐧᑯ ᑭᓯᑳᑭ.

¹¹ ᐁᐊᐧᑯ ᐅᒪ ᑭᑕ ᐃᐢᐸᔨᐠ ᑕᐦᑭ ᑳ ᐊᔭᒥᐦᐁᐢᑕᒫᑖᕽ ᑭ ᑭᓭᒪᓂᑐᒥᓇᐤ ᑭᑕ ᑌᐸᑫᔨᒥᑯᔦᐠ ᑳ ᐃᓯ ᓇᑐᒥᑲᐃᐧᔦᐠ, ᒥᓇ ᑭᑕ ᒪᐢᑲᐃᐧ ᑎᐱᐸᔨᑖᐟ ᑲᐦᑭᔭᐤ ᐁ ᐃᓯ ᒧᐢᑕᐁᐧᔨᑕᒥᕽ ᒥᔮᐧᑎᓯᐃᐧᐣ ᒥᓇ ᑲᐦᑭᔭᐤ ᑖᐯᐧᔦᔨᑕᒧᐃᐧᓂ ᐊᑐᐢᑫᐃᐧᐣ;

¹² ᐅ ᐃᐧᔪᐃᐧᐣ ᑳ ᑎᐯᔨᒥᑯᔭᕽ ᒋᓴᐢ ᑭᑕ ᑭᐢᑌᔨᑖᑯᑖᔦᐠ, ᒥᓇ ᑭᔭᐋᐧᐤ ᑭᑕ ᑭᐢᑌᔨᑖᑯᐃᑲᐃᐧᔦᐠ ᐃᐧᔭ ᐁ ᑭᑭᐢᑲᐋᐧᔦᐠ, ᐁ ᐃᑕᐢᑌᔨᐠ ᐅ ᑭᓭᐋᐧᑎᓯᐃᐧᐣ ᑭ ᑭᓭᒪᓂᑐᒥᓇᐤ ᒥᓇ ᑳ ᑎᐯᔨᐦᒋᑫᐟ ᒋᓴᐢ ᙭.