nēham 1 - Kanāci Kihci Masinahikan

¹ o tēpwātikowin ninēpē. masinahikan ē masinaikātēyik ot isinamowin nēham ana ēlkāsait.

² kā tipēyihcikēt ēwako kā ohtēyitahk kisēmanito mina kā āpēhot; kā tipēyihcikēt āpēho mina mistahi kisiwāsiw; kā tipēyihcikēt āpēho anihi kā nakāskākot, mina iskonamawēw kisiwasiwin anihi kā pakwātikot.

³ kā tipēyihcikēt namawiya otakamiyawēsiw, mina kihcāyiwiw maskawisiwinihk, mina nama nāntaw isi kita kanātēyimēw kā macitotamiyit; kā tipēyihcikēt ayāw o mēskanaw pisicosiwanohk mina kistinohk, ēkosi wasko ēwakwēyiw ē ohpwēyāwakiskamāt.

⁴ kitotam kihcikami ēkosi yikastēw, mina kahkiyaw sipiya pāhkoam; pēsān ati nipowiayāw, mina kārmil, mina wāpikoni lēpinanihk ati nipomakan.

⁵ waciya nanamipayistāk mina cākatināwa tikitēwa; mina aski waskawipayiw ē nokosit, ēhē, aski mina kahkiyaw ēkota kā ayācik.

⁶ awēnihi kē ki otiskawikāpawistamiyit o kisiwāsiwin? mina awēnihi kē ki sipēyitamiyit ot āhkoyawēsiwin? ot āhkoyawēsiwin kwayakopayiyiw tāpiskoc iskotēw, mina kistāpiskwa pikowēpaham.

⁷ kā tipēyihcikēt miywātisiw, maskawi aspēyimowin iyāyimisiwini kisikāki; mina kiskēyimēw anihi kā mamisitotākot.

⁸ māka kā pimi yiskipēpayik kita ohci nāspici nisiwanācihtāw ita kā ayāyit, mina wanitipiskāhk kita itāmokātēw kā pakwātikot.

⁹ kēkway kā nayētāwēyimāyēk kā tipēyihcikēt? kita nāspici nisiwanācihiwēw; namawiya kihtwām āyimisiwin kita pasikomakan.

¹⁰ cikēmā kispin āta ayācik tāpiskoc misikāwiminakasiyak ē pimaopayicik, mina tāpiskoc ē sāpopēcik o minihkwēwiniwāhk, kita mēstikasowak tāpiskoc iskosāwācikan ē pāstēk.

¹¹ ihtāw pēyak kiya ita kā ohcit, kā nayētāwēyimāt kā tipēyihcikēyit, macāyiwin kā kākēskimiwēt.

¹² omisi itwēw kā tipēyihcikēt; kispin āta mitoni maskawisicik, mina mihcēticik, ēkosi isi kita kawawāwak, kita namatēw māka. āta ē ki kotakihitān namawiya awasimē ki ka kotakihitin.

¹³ ēkwa māka o tāpiskahiwēwin ni ka pikonamwān kikwayāhk ohci, mina ki mamācikwapisowina ni ka paskipitēn.

¹⁴ kā tipēyihcikēt ki oyasowēw kiya ohci, ēkā awasimē kita kistikāticik kiya ki wiyowin; o wāskāhikaniwāhk ki manitomak ni ka ohci kiskiwēpawāw oyikocikani naspisicikan mina tikisikani naspisicikan; ni ka osihtān ki yikwahaskān cikēmā ki macāyiwin.

¹⁵ cist mātika, wacihk osita ana kā pētāt miyoācimowina, kā ātotahk pēyahtakēyimowin! kanawēyita ki wihkohtowina, kiya cota, tipitota ki kihciitwēwina; cikēmā kā macāyiwit namawiya mina ki ka pimisāposkāk; mitoni kiskiwēpawāw.