nampars 1 - Kanāci Kihci Masinahikan

¹ kā tipēyihcikēt māka ki ayamihēw mosisa anita sainay pikwataskihk, māwacihitowi mikiwapihk, nistam ē itakimiht niso pisim, ē ati niso askiwahk ē ki pē sipwētēcik icipt askihk ohci, ē itwēt,

² otina ē ihtasicik kahkiyaw kā māmawēyaticik isrēil ot awāsimisa, ē isi wākotocik ē itasiyik otāwiwāwa wikiyihk, ē itatiniyiki o wiyowiniwāwa, kā tahto nāpēwit; ē itakicikāsocik.

³ nisitanaw ē ētāhtopiponwēcik mina ayiwāk, kahkiyaw kā kaskitācik isrēil kita natopayicik, kiya mina ēran ki ka akimāwāwak ē āihtasicik.

⁴ ēkosi kā itahtotēwisicik papēyak nāpēwak ēkota ohci ki ka wicēwikowāwak; kahkiyaw ēwakonik ē nikānēyitākosicik otāwiwāwa wikiyihk.

⁵ ēwakoni māka o wiyowiniwāwa aniki nāpēwak kē wicikāpawistākoyēkok; ropin ohci; ilaisar okosisa sitiyar.

⁶ simiyan ohci; sēlyomāyil okosisa sorisātay.

⁷ cota ohci; nēsan; okosisa aminatāp.

⁸ isākar ohci; nēhtanēl okosisa soār.

⁹ sēpyolan ohci; iliyāp okosisa hilan.

¹⁰ okosisa cosip ohci; iparēim ohci; ilaisama okosisa amaihat; manāsi ohci; kamēliyal okosisa pitāsar.

¹¹ pēnciman ohci; apaytān okosisa kitiyanay.

¹² tān ohci āhāyisar okosisa āmisātay.

¹³ āsar ohci; pākāyil okosisa ākaran.

¹⁴ kāt ohci; ilāyasāp okosisa toil.

¹⁵ nāptalay ohci; ahaira okosisa inān.

¹⁶ ēwakonik oki kā ki natomihcik māwacihitowinihk ohci, ē okimākatakik o piskitotēwisiwiniyiwa otāwiwāwa; ēwakonik ē nikānēyitākosicik ē kakihcimitāhtomitanawēyit isrēila.

¹⁷ mosis māka mina ēran ki otinēwak ohi ayisiyiniwa kā ki wicikāsoyit ē wiyimiht.

¹⁸ ki māmawi māwacihēwak māka ē māmawēyatiyit ē mātakimiht ana niso pisim, ki wawitamwak māka ē isi āniskē ohcicik ē aisi wakotocik, ē āitasiyit otāwiwāwa wikiyihk, ē itatiniyiki wiyowina, nisitanaw ē itahtopiponwēyit ohci mina ayiwāk, ē itakicikāsocik.

¹⁹ kā tipēyihcikēyit kā ki itasowātikot mosis ēkosi ki isi akimēw sainay pikwataskihk.

²⁰ ot awāsimisa māka ropin isrēil o nistamosāna, ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, ē āitakicikāsocik, kā tahto nāpēwit nisitanaw ē itahtopiponwēt mina ayiwāk, kahkiyaw kā kaskitācik kita natopayicik.

²¹ aniki kā ki akimihcik ēwakonik, ropin ē piskitotēwisit, nēmitanaw nikotwāsik ayiwāk tahto kihcimitāhtomitanaw mina niyānanwāw mitāhtomitanaw.

²² ot awāsimisa simiyan, ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, aniki ēkota kā akimihcik, ē itatiniyiki o wiyowiniwāwa, ē itakicikāsicik, kā tahto nāpēwit nisitanaw ē itahtopiponwēt mina ayiwāk, kahkiyaw kā kaskitācik kita natopayicik.

²³ aniki kā ki akimihcik ēwakonik, simiyan ē piskitotēwisit, niyānanomitanaw kēkāt mitātaht ayiwāk tahto kihcimitāhtomitanaw mina nistwāw mitāhtomitanaw.

²⁴ ot awāsimisa kāt ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiwāk, kahkiyaw kā kaskitācik kita natopayicik;

²⁵ aniki kā ki akimihcik ēwakonik, kāt ē piskitotēwisit, nēmitanaw niyānan ayiwāk tahto kihcimitāhtomitanaw mina nikotwāswāw mitāhtomitanaw niyānanomitanaw ayiwāk.

²⁶ ot awāsimisa cota ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiwāk, kahkiyaw kā kaskitācik kita natopayicik;

²⁷ aniki kā ki akimihcik ēwakonik, cota ē piskitotēwisit, tēpakohpomitanaw nēw ayiwāk tahto kihcimitāhtomitanaw mina nikotwāswāw mitāhtomitanaw.

²⁸ ot awāsimisa isākar ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiāk, kahkiyaw ē kaskitācik kita natopayicik;

²⁹ aniki kā ki akimihcik ēwakonik, isākar ē piskitotēwisit, niyānanomitanaw nēw ayiwāk tahto kihcimitāhtomitanaw mina nēwāw mitāhtomitanaw.

³⁰ ot awāsimisa sēpyolan ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiwāk, kahkiyaw kā kaskitācik kita natopayicik;

³¹ aniki kā ki akimihcik ēwakonik, sēpyolan ē piskitotēwisit, niyānanomitanaw tēpakop ayiwak tahto kihcimitāhtomitanaw mina nēwāw mitāhtomitanaw.

³² ot awāsimisa cosip anihi oti iparēim ot awāsimisa, ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiwāk, kahkiyaw kā kaskitācik kita natopayicik;

³³ aniki kā ki akimihcik ēwakoni, iparēim ē piskitotēwisit, nēmitanaw tahto kihcimitāhtomitanaw mina niyānanwāw mitāhtomitanaw.

³⁴ ot awāsimisa manāsi, ē isi āniskē nihtāwikicik, ē isi wākotocik ē itasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiwāk, kakiyaw kā kaskitācik kita natopayicik;

³⁵ aniki kā ki akimihcik ēwakonik, manāsi ē piskitotēwisit, nistomitanaw niso ayiwāk tahto kihcimitāhtomitanaw mina niswāw mitāhtomitanaw.

³⁶ ot awāsimisa pēnciman, ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiwāk, kahkiyaw kā kaskitācik kita natopayicik;

³⁷ aniki kā ki akimihcik ēwakonik, pēnciman ē piskitotēwisit, nistomitanaw niyānan ayiwāk tahto kihcimitāhtomitanaw mina nēwāw mitāhtomitanaw.

³⁸ ot awāsimisa tān ohci, ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiwāk, kahkiyaw kā kaskitācik kita natopayicik;

³⁹ aniki kā ki akimihcik ēwakonik tān ē piskitotēwisit, nikotwāsomitanāw niso ayiwāk tahto kihcimitāhtomitanaw, mina tēpakopwāw mitāhtomitanaw.

⁴⁰ ot awāsimisa āsar, ē isi āniskē nihtāwikicik, ē isi wākotocik, ē ihtasiyit otāwiwāwa wikiyihk, ē itahtiniyiki o wiyowiniwāwa, nisitanaw ē itahtopiponwēcik mina ayiwāk, kahkiyaw kā kaskitācik kita natopayicik;

⁴¹ aniki kā ki akimihcik ēkota, āsar ē piskitotēwisit, nēmitanaw pēyak ayiwāk tahto kihcimitāhtomitanaw mina niyānanwāw mitāhtomitanaw.

⁴² ot awāsimisa nāptalay ohci, ē isi āniskē nihtāwikiitocik, ē isi wākotocik, ē ihtasiyit otāwiwāwa wikiyihk, ē itatiniyiki o wiyowiniwāwa, nisitanaw ē itahtopiponwēcik mina ayiwāk, kahkiyaw kā kaskitācik kita natopayicik;

⁴³ aniki kā ki akimihcik ēwakonik, nāptalay ē piskitotēwisit, niyānanomitanaw nisto ayiwāk tahto kihcimitāhtomitanāw mina nēwāw mitāhtomitanaw.

⁴⁴ ēwakonik oki kā ki akimihcik, mosis mina ēran kā ki akimācik, mina aniki isrēil okimāmiwāwa, mitātaht nisosāp ē ihtasicik nāpēwak; papēskis otāwiwāwa wikiyihk ohci.

⁴⁵ ēkosi kahkiyaw kā ki akimihcik isrēil ot awāsimisa ohci ē āitasiyit otāwiwāwa wikiyihk, nisitanaw ē itahtopiponwēcik mina ayiwāk, kahkiyaw aniki kā kaskitācik kita natopayicik isrēilihk;

⁴⁶ kahkiyaw oti aniki kā ki akimihcik, nikotwāswāw mitāhtomitanaw tahto kihcimitāhtomitanaw mina nistwāw kihcimitāhtomitanaw mina niyānanwāw mitāhtomitanaw niyānanomitanaw ayiwāk.

⁴⁷ māka lipaitak ē isi piskitotēwisiyit otāwiwāwa namawiya ki asitakihcikāsowak.

⁴⁸ cikēmā kā tipēyihcikēt ki ayamihēw mosisa, ē itwēt,

⁴⁹ piko aniki ē piskitotēwisit lipay namawiya ki ka akimāwak, mina namawiya ki ka asitakimāwak isrēil ot awāsimisa.

⁵⁰ māka ki ka oyakimāwak aniki lipaitak kita pamitācik kiskēyitamohiwēwini mikiwāp, mina kahkiyaw kēkway ēkota kā āpatahk, mina kahkiyaw kēkway ēkota kā asitakitēk; kita pimiwitāwak mikiwāp, mina kahkiyaw kēkway ēkota kā āpatahk; ēkosi kita atoskātamwak, mina wāskā mikiwāpihk kita kapēsiwak.

⁵¹ ispi māka mikiwāp wā sipwētēmakahki, lipaitak kita nihtinamwak; ispi māka mikiwāp wā oyaskitāki lipaitak kita oyaskitāwak; mānitēw māka kisiwāk pē itohtēci kita nipahāw.

⁵² isrēil māka ot awāsimisa kita oyaskitāwak wikiwāwa, kahkiyaw ayisiyiniw wiya o kapēsiwinihk, mina kahkiyaw ayisiyiniw ita ē ayāyik o kiskiwēon, iyikohk ē ihtasicik.

⁵³ māka wiya lipaitak kita kapēsiwak wāskā kiskēyitamohiwēwini mikiwāpihk, ēkā kisiwāsiwin kita otihtikocik ē māwacihitocik isrēil ot awāsimisa; lipaitak māka kita kanawēyitamwak kiskēyitamohiwēwini mikiwāp.

⁵⁴ ēkosi oma ki itotamwak isrēil ot awāsimisa; kahkiyaw anima kā tipēyihcikēt kā ki itasowātāt mosisa, ēkosi ki itotamwak.